ਕਿਸੇ ਵਰਦਾਨ ਤੋਂ ਘੱਟ ਨਹੀਂ ਇਹ ਡ੍ਰਿੰਕ! ਮਿਲਣਗੇ ਅਜਿਹੇ ਫਾਇਦੇ ਕਿ ਹੋ ਜਾਓਗੇ ਹੈਰਾਨ

ਹੈਲਥ ਡੈਸਕ - ਸਿਹਤਮੰਦ ਜੀਵਨ ਦੀ ਚਾਬੀ ਸਾਨੂੰ ਕੁਦਰਤ ਦੇ ਕੁਝ ਖਾਸ ਤੱਤਾਂ ’ਚ ਮਿਲਦੀ ਹੈ। ਅਦਰਕ ਅਤੇ ਧਨੀਆ ਸਿਰਫ਼ ਮਸਾਲੇ ਨਹੀਂ, ਸਗੋਂ ਇਹ ਪੂਰੀ ਤੰਦਰੁਸਤੀ ਦਾ ਰਾਜ਼ ਹਨ। ਜੇਕਰ ਤੁਸੀਂ ਹਰ ਰੋਜ਼ ਸਵੇਰੇ ਖਾਲੀ ਪੇਟ ਇਹ ਪਾਣੀ ਪੀਂਦੇ ਹੋ, ਤਾਂ ਇਹ ਤੁਹਾਡਾ ਹਾਜ਼ਮਾ ਮਜ਼ਬੂਤ ਕਰੇਗਾ, ਵਜ਼ਨ ਘਟਾਉਣ ’ਚ ਮਦਦ ਕਰੇਗਾ ਅਤੇ ਤੁਹਾਡੀ ਰੋਗ-ਪ੍ਰਤੀਰੋਧਕ ਤਾਕਤ ਨੂੰ ਵਧਾਏਗਾ। ਇਹ ਆਯੁਰਵੇਦਿਕ ਟੋਨਿਕ ਪੂਰੇ ਸ਼ਰੀਰ ਦੀ ਸਫ਼ਾਈ ਕਰਕੇ ਤੁਹਾਨੂੰ ਫ਼ਿਟ ਅਤੇ ਐਕਟਿਵ ਮਹਿਸੂਸ ਕਰਵਾਏਗਾ। ਆਓ, ਜਾਣੀਏ ਕਿ ਅਦਰਕ ਤੇ ਧਨੀਏ ਦਾ ਪਾਣੀ ਤੁਹਾਡੀ ਸਿਹਤ ਲਈ ਕਿੰਨਾ ਚਮਤਕਾਰੀ ਹੋ ਸਕਦਾ ਹੈ!

ਹਾਜ਼ਮਾ ਬਿਹਤਰ ਬਣਾਉਂਦਾ ਹੈ
- ਅਦਰਕ ਐਂਟੀ-ਇੰਫਲਾਮੇਟਰੀ ਗੁਣਾਂ ਨਾਲ ਭਰਪੂਰ ਹੁੰਦੀ ਹੈ, ਜੋ ਪੇਟ ਦੀ ਗੈਸ, ਅਮਲਤਾ ਅਤੇ ਬਦਹਜ਼ਮੀ ਦੂਰ ਕਰਦੀ ਹੈ।
- ਧਨੀਏ ਦੇ ਬੀਜ ਪੇਟ ਦੇ ਐਂਜ਼ਾਈਮਜ਼ ਨੂੰ ਸਰਗਰਮ ਕਰਦੇ ਹਨ, ਜਿਸ ਨਾਲ ਖਾਣਾ ਚੰਗੀ ਤਰ੍ਹਾਂ ਪਚਦਾ ਹੈ।

ਭਾਰ ਘਟਾਉਣ ’ਚ ਮਦਦਗਾਰ
- ਇਹ ਪਾਣੀ ਮੈਟਾਬੋਲਿਜ਼ਮ ਨੂੰ ਤੇਜ਼ ਕਰਦਾ ਹੈ, ਜਿਸ ਨਾਲ ਵਧੀਕ ਚਰਬੀ ਤੇਜ਼ੀ ਨਾਲ ਘਟਣ ਲੱਗਦੀ ਹੈ।
- ਧਨੀਆ ’ਚ ਡਾਇਯੂਰੇਟਿਕ (ਪੇਸ਼ਾਬ ਵਧਾਉਣ ਵਾਲੇ) ਗੁਣ ਹੁੰਦੇ ਹਨ, ਜੋ ਪਾਣੀ ਦੀ ਰਿਟੈਂਸ਼ਨ (ਸਰੀਰ ’ਚ ਪਾਣੀ ਦੇ ਇਕੱਠ) ਨੂੰ ਘਟਾਉਂਦੇ ਹਨ।

ਲਿਵਰ ਅਤੇ ਗੁਰਦੇ ਦੀ ਸਫ਼ਾਈ ਕਰਦਾ ਹੈ
- ਅਦਰਕ ਅਤੇ ਧਨੀਆ ਦੇ ਬੀਜ ਸਰੀਰ ’ਚੋਂ ਵਿਅਰਥ ਟਾਕਸਿਨ (ਜ਼ਹਿਰਲੇ ਤੱਤ) ਬਾਹਰ ਕੱਢਣ ’ਚ ਮਦਦ ਕਰਦੇ ਹਨ।
- ਲਿਵਰ ਦੀ ਕਾਰਗੁਜ਼ਾਰੀ ਸੁਧਾਰਨ ਲਈ ਇਹ ਇਕ ਕੁਦਰਤੀ ਡਿਟਾਕਸ ਡ੍ਰਿੰਕ ਵਜੋਂ ਕੰਮ ਕਰਦਾ ਹੈ।

ਰੋਗ-ਪ੍ਰਤੀਰੋਧਕ ਤਾਕਤ ਵਧਾਉਂਦੈ
- ਅਦਰਕ ’ਚ ਐਂਟੀ-ਵਾਇਰਲ ਅਤੇ ਐਂਟੀ-ਬੈਕਟੀਰੀਅਲ ਗੁਣ ਹੁੰਦੇ ਹਨ, ਜੋ ਨਜ਼ਲਾ, ਜ਼ੁਕਾਮ ਅਤੇ ਖੰਘ ਤੋਂ ਬਚਾਉਂਦੇ ਹਨ।
- ਧਨੀਏ ’ਚ ਵਿਟਾਮਿਨ C ਅਤੇ ਐਂਟੀਆਕਸੀਡੈਂਟ ਹੁੰਦੇ ਹਨ, ਜੋ ਇਮਿਊਨ ਸਿਸਟਮ ਨੂੰ ਮਜ਼ਬੂਤ ਬਣਾਉਂਦੇ ਹਨ।

ਸਕਿਨ ਅਤੇ ਵਾਲਾਂ ਲਈ ਫਾਇਦੇਮੰਦ
- ਇਹ ਪਾਣੀ ਖੂਨ ਨੂੰ ਸ਼ੁੱਧ ਕਰਦਾ ਹੈ, ਜਿਸ ਨਾਲ ਚਮਕਦਾਰ ਅਤੇ ਨਿਖਰੀ ਹੋਈ ਸਕਿਨ ਮਿਲਦੀ ਹੈ।
- ਵਾਲਾਂ ਦੀ ਜੜ੍ਹ ਮਜ਼ਬੂਤ ਬਣਾਉਂਦਾ ਹੈ ਅਤੇ ਵਾਲਾਂ ਦੇ ਵਧਣ ਦੀ ਗਤੀ ਨੂੰ ਵਧਾਉਂਦਾ ਹੈ।

ਸਰੀਰ ’ਚ ਠੰਡਕ ਪੈਦਾ ਕਰਦਾ ਹੈ
- ਧਨੀਏ ਦਾ ਪਾਣੀ ਸਰੀਰ ਦੀ ਤਪਸ਼ ਘਟਾਉਂਦਾ ਹੈ ਅਤੇ ਗਰਮੀ ਦੇ ਮੌਸਮ ’ਚ ਠੰਡਕ ਪੈਦਾ ਕਰਦਾ ਹੈ।
- ਇਹ ਪਾਣੀ ਗਰਮੀ ਕਾਰਨ ਹੋਣ ਵਾਲੇ ਸਿਰਦਰਦ ਅਤੇ ਛਾਲਿਆਂ ਨੂੰ ਦੂਰ ਕਰ ਸਕਦਾ ਹੈ।

ਇਹ ਪਾਣੀ ਕਿਵੇਂ ਤਿਆਰ ਕਰੀਏ?
- ਚਮਚ ਧਨੀਏ ਦੇ ਬੀਜ 1 ਗਲਾਸ ਪਾਣੀ ’ਚ ਰਾਤ ਭਰ ਭਿੱਜੋ।
- ਸਵੇਰੇ ਇਸ ਪਾਣੀ ਨੂੰ 5-7 ਮਿੰਟ ਉਬਾਲੋ ਅਤੇ ਇਸ ’ਚ 1 ਚਮਚ ਕੁੱਟੀ ਹੋਈ ਅਦਰਕ ਪਾਓ।
- ਛਾਣ ਕੇ ਹਲਕਾ ਗੁੰਨਗੁਨਾ ਹੋਣ 'ਤੇ ਖਾਲੀ ਪੇਟ ਪੀਓ।