ਰੋਜ਼ ਕੌਫ਼ੀ ਪੀਣ ਨਾਲ ਵਧਦੀ ਹੈ ਔਰਤਾਂ ਦੀ ਉਮਰ ! ਨਵੀਂ ਸਟੱਡੀ ਨੇ ਸਭ ਨੂੰ ਕੀਤਾ ਹੈਰਾਨ

ਨੈਸ਼ਨਲ ਡੈਸਕ- ਅਮਰੀਕਾ ਦੀ ਨੈਸ਼ਨਲ ਕੌਫੀ ਐਸੋਸੀਏਸ਼ਨ ਦੇ ਅਨੁਸਾਰ, ਦੋ-ਤਿਹਾਈ ਅਮਰੀਕੀ ਹਰ ਰੋਜ਼ ਕੌਫੀ ਪੀਂਦੇ ਹਨ। ਭਾਰਤ 'ਚ ਵੀ ਸ਼ਹਿਰੀ ਨੌਜਵਾਨਾਂ ਅਤੇ ਵਰਕਿੰਗ ਕਲਾਸ 'ਚ ਕੌਫੀ ਦਾ ਰੁਝਾਨ ਤੇਜ਼ੀ ਨਾਲ ਵੱਧ ਰਿਹਾ ਹੈ ਪਰ ਕੀ ਰੋਜ਼ਾਨਾ 2-3 ਕੱਪ ਕੌਫੀ ਸਿਹਤ ਲਈ ਫਾਇਦੇਮੰਦ ਹੈ?

50 ਹਜ਼ਾਰ ਔਰਤਾਂ 'ਤੇ 30 ਸਾਲ ਦੀ ਸਟਡੀ

ਅਮਰੀਕਾ 'ਚ ਕੀਤੀ ਗਈ 50,000 ਔਰਤਾਂ 'ਤੇ 30 ਸਾਲ ਲੰਬੀ ਸਟਡੀ 'ਚ ਪਤਾ ਲੱਗਾ ਕਿ ਰੋਜ਼ 1-3 ਕੱਪ ਕੌਫੀ ਪੀਣ ਨਾਲ ਉਮਰ ਵਧਾਉਣ ਦੀ ਪ੍ਰਕਿਰਿਆ ਬਿਹਤਰ ਹੁੰਦੀ ਹੈ ਅਤੇ ਸਰੀਰ ਜ਼ਿਆਦਾ ਸਿਹਤਮੰਦ ਰਹਿੰਦਾ ਹੈ। ਇਹ ਅਸਰ ਖਾਸ ਤੌਰ 'ਤੇ ਉਨ੍ਹਾਂ ਔਰਤਾਂ 'ਚ ਦੇਖਿਆ ਗਿਆ ਜੋ ਪੂਰੀ ਤਰ੍ਹਾਂ ਸਿਹਤਮੰਦ ਸਨ। ਜਿਨ੍ਹਾਂ ਨੂੰ ਪਹਿਲਾਂ ਹੀ ਕੋਈ ਗੰਭੀਰ ਬੀਮਾਰੀ ਸੀ, ਉਨ੍ਹਾਂ ‘ਤੇ ਇਹ ਅਸਰ ਘੱਟ ਰਿਹਾ।

ਕੈਫੀਨ ਦੀ ਸੁਰੱਖਿਅਤ ਮਾਤਰਾ

ਅਮਰੀਕਨ ਐੱਫਡੀਆਈ ਦੇ ਮੁਤਾਬਕ ਇਕ ਵਿਅਕਤੀ ਦਿਨ 'ਚ 400 ਮਿਲੀਗ੍ਰਾਮ ਤੱਕ ਕੈਫੀਨ ਲੈ ਸਕਦਾ ਹੈ, ਜਿਸ 'ਚ ਕੌਫੀ ਦੇ ਨਾਲ-ਨਾਲ ਚਾਹ, ਚਾਕਲੇਟ ਅਤੇ ਐਨਰਜੀ ਡ੍ਰਿੰਕ ਵੀ ਸ਼ਾਮਲ ਹਨ। ਇਕ ਕੱਪ ਫਿਲਟਰ ਕੌਫੀ ' ਚ 95mg ਕੈਫੀਨ ਹੁੰਦਾ ਹੈ। ਏਸਪ੍ਰੋਸੋ 'ਚ 63mg ਅਤੇ ਇਕ ਚਾਹ 'ਚ 30 ਤੋਂ 50mg ਕੈਫ਼ੀਨ। ਯਾਨੀ ਇਕ ਵਿਅਕਤੀ ਸਿਹਤਮੰਦ ਹੈ, ਤਾਂ ਦਿਨ 'ਚ 2 ਤੋਂ 3 ਕੱਪ ਕੌਫੀ ਪੀਣ ਨਾਲ ਕੋਈ ਨੁਕਸਾਨ ਨਹੀਂ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8