ਕਿਹੜੇ ਵਿਟਾਮਿਨ ਦੀ ਕਮੀ ਕਾਰਨ ਹੁੰਦੇ ਹਨ ਮੂੰਹ ਦੇ ਛਾਲੇ? ਆਰਾਮ ਲਈ ਵਰਤੋ ਇਹ ਤਰੀਕਾ

ਵੈੱਬ ਡੈਸਕ : ਅਜੋਕੇ ਸਮੇਂ 'ਚ ਖਰਾਬ ਜੀਵਨ ਸ਼ੈਲੀ ਤੇ ਗਲਤ ਖਾਣ-ਪੀਣ ਕਾਰਨ ਸਰੀਰ ਵਿੱਚ ਕਈ ਤਰ੍ਹਾਂ ਦੀਆਂ ਸਮੱਸਿਆਵਾਂ ਦੇਖਣ ਨੂੰ ਮਿਲਦੀਆਂ ਹਨ, ਜਿਨ੍ਹਾਂ ਵਿੱਚੋਂ ਮੂੰਹ ਦੇ ਛਾਲੇ ਹੋਣਾ ਇੱਕ ਆਮ ਸਮੱਸਿਆ ਹੈ। ਅਕਸਰ ਸਵੇਰੇ ਉੱਠਦੇ ਹੀ ਮੂੰਹ 'ਚ ਛਾਲੇ ਨਜ਼ਰ ਆਉਣ ਲੱਗਦੇ ਹਨ। ਆਮ ਤੌਰ 'ਤੇ ਇਸ ਨੂੰ ਪੇਟ ਦੀ ਗਰਮੀ ਜਾਂ ਪੇਟ ਖਰਾਬ ਹੋਣ ਨਾਲ ਜੋੜ ਕੇ ਦੇਖਿਆ ਜਾਂਦਾ ਹੈ, ਪਰ ਇਸ ਦੇ ਪਿੱਛੇ ਕਈ ਹੋਰ ਕਾਰਨ ਵੀ ਹੋ ਸਕਦੇ ਹਨ।

ਕਿਉਂ ਹੁੰਦੇ ਹਨ ਮੂੰਹ ਵਿੱਚ ਛਾਲੇ?
ਸਰੋਤਾਂ ਅਨੁਸਾਰ, ਮੂੰਹ ਦੇ ਛਾਲੇ ਹੋਣ ਦੇ ਕਈ ਮੁੱਖ ਕਾਰਨ ਹੋ ਸਕਦੇ ਹਨ। ਇਨ੍ਹਾਂ ਵਿੱਚ ਸਭ ਤੋਂ ਆਮ ਕਾਰਨ ਪੇਟ ਦਾ ਠੀਕ ਤਰ੍ਹਾਂ ਸਾਫ਼ ਨਾ ਹੋਣਾ ਅਤੇ ਕਬਜ਼ ਦੀ ਸਮੱਸਿਆ ਹੈ। ਇਸ ਤੋਂ ਇਲਾਵਾ ਸਰੀਰ ਵਿੱਚ ਪਾਣੀ ਦੀ ਕਮੀ, ਨੀਂਦ ਦੀ ਘਾਟ, ਲੰਬੇ ਸਮੇਂ ਤੱਕ ਤਣਾਅ ਵਿੱਚ ਰਹਿਣਾ ਅਤੇ ਸਰੀਰ ਵਿੱਚ ਜ਼ਰੂਰੀ ਪੋਸ਼ਕ ਤੱਤਾਂ ਦੀ ਕਮੀ ਵੀ ਛਾਲਿਆਂ ਦੀ ਵਜ੍ਹਾ ਬਣ ਸਕਦੀ ਹੈ। ਕਈ ਵਾਰ ਇਹ ਛਾਲੇ ਇੰਨਾ ਤੇਜ਼ ਦਰਦ ਦਿੰਦੇ ਹਨ ਕਿ ਖਾਣਾ-ਪੀਣਾ ਅਤੇ ਬੋਲਣਾ ਵੀ ਮੁਸ਼ਕਲ ਹੋ ਜਾਂਦਾ ਹੈ।

ਕਿਹੜੇ ਵਿਟਾਮਿਨ ਦੀ ਕਮੀ ਹੈ ਜ਼ਿੰਮੇਵਾਰ?
ਮਾਹਿਰਾਂ ਮੁਤਾਬਕ, ਮੂੰਹ 'ਚ ਛਾਲੇ ਅਕਸਰ ਵਿਟਾਮਿਨ ਬੀ ਕੰਪਲੈਕਸ, ਆਇਰਨ ਅਤੇ ਫੋਲਿਕ ਐਸਿਡ ਦੀ ਕਮੀ ਕਾਰਨ ਹੁੰਦੇ ਹਨ। ਜੇਕਰ ਤੁਹਾਨੂੰ ਵਾਰ-ਵਾਰ ਛਾਲੇ ਹੋ ਰਹੇ ਹਨ ਤਾਂ ਇਹ ਸਰੀਰ 'ਚ ਇਨ੍ਹਾਂ ਤੱਤਾਂ ਦੀ ਕਮੀ ਦਾ ਸੰਕੇਤ ਹੋ ਸਕਦਾ ਹੈ। ਇਸ ਤੋਂ ਇਲਾਵਾ, ਜੇਕਰ ਤੁਹਾਡੇ ਬੁੱਲ੍ਹਾਂ ਦੇ ਕੋਨਿਆਂ 'ਚ ਤਰੇੜਾਂ ਪੈ ਰਹੀਆਂ ਹਨ ਤਾਂ ਇਹ ਵਿਟਾਮਿਨ C ਦੀ ਕਮੀ ਵੱਲ ਇਸ਼ਾਰਾ ਕਰਦਾ ਹੈ।

ਰਾਹਤ ਪਾਉਣ ਲਈ ਘਰੇਲੂ ਅਤੇ ਕੁਦਰਤੀ ਨੁਸਖ਼ੇ
ਜੇਕਰ ਮੂੰਹ ਦੇ ਛਾਲੇ ਬਹੁਤ ਦਰਦ ਕਰ ਰਹੇ ਹਨ ਤਾਂ ਮਾਹਿਰਾਂ ਅਨੁਸਾਰ ਕੱਚਾ ਦੁੱਧ ਕਾਫੀ ਫਾਇਦੇਮੰਦ ਸਾਬਤ ਹੋ ਸਕਦਾ ਹੈ। ਇਸ ਦੇ ਲਈ ਕੱਚੇ ਦੁੱਧ ਨੂੰ ਮੂੰਹ ਵਿੱਚ 2-3 ਮਿੰਟ ਤੱਕ ਰੱਖੋ ਅਤੇ ਪੂਰੇ ਮੂੰਹ ਵਿੱਚ ਚੰਗੀ ਤਰ੍ਹਾਂ ਘੁਮਾਓ, ਫਿਰ ਇਸਨੂੰ ਥੁੱਕ ਦਿਓ। ਦਿਨ 'ਚ 3-4 ਵਾਰ ਇਸ ਪ੍ਰਕਿਰਿਆ ਨੂੰ ਦੁਹਰਾਉਣ ਨਾਲ ਦਰਦ ਤੇ ਜਲਣ 'ਚ ਰਾਹਤ ਮਿਲ ਸਕਦੀ ਹੈ।

ਡਾਕਟਰ ਕੋਲ ਜਾਣਾ ਕਦੋਂ ਹੈ ਜ਼ਰੂਰੀ?
ਜੇਕਰ ਘਰੇਲੂ ਉਪਾਅ ਕਰਨ ਤੋਂ ਬਾਅਦ ਵੀ ਮੂੰਹ ਦੇ ਛਾਲੇ ਠੀਕ ਨਹੀਂ ਹੋ ਰਹੇ, ਵਾਰ-ਵਾਰ ਹੋ ਰਹੇ ਹਨ ਜਾਂ ਬਹੁਤ ਜ਼ਿਆਦਾ ਤਕਲੀਫ਼ ਦੇ ਰਹੇ ਹਨ ਤਾਂ ਬਿਨਾਂ ਦੇਰੀ ਕੀਤੇ ਡਾਕਟਰ ਨਾਲ ਸੰਪਰਕ ਕਰਨਾ ਚਾਹੀਦਾ ਹੈ। ਡਾਕਟਰ ਸਹੀ ਜਾਂਚ ਕਰਕੇ ਇਸ ਦੀ ਅਸਲੀ ਵਜ੍ਹਾ ਦੱਸ ਸਕਦੇ ਹਨ ਤੇ ਕਿਸੇ ਗੰਭੀਰ ਬਿਮਾਰੀ ਤੋਂ ਬਚਣ ਲਈ ਸਮੇਂ ਸਿਰ ਇਲਾਜ ਸ਼ੁਰੂ ਕਰ ਸਕਦੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e