ਵੈੱਬ ਡੈਸਕ - ਮਟਰ ਪਨੀਰ ਭਾਰਤੀ ਘਰਾਂ 'ਚ ਸਭ ਤੋਂ ਵੱਧ ਪਸੰਦ ਕੀਤੀ ਜਾਣ ਵਾਲੀ ਸਬਜ਼ੀ ਹੈ। ਅਕਸਰ ਲੋਕ ਸ਼ਿਕਾਇਤ ਕਰਦੇ ਹਨ ਕਿ ਘਰ 'ਚ ਬਣੀ ਸਬਜ਼ੀ 'ਚ ਉਹ ਸਵਾਦ ਨਹੀਂ ਆਉਂਦਾ ਜੋ ਹਲਵਾਈਆਂ ਦੇ ਹੱਥਾਂ ਦਾ ਹੁੰਦਾ ਹੈ ਪਰ ਹੁਣ ਚਿੰਤਾ ਕਰਨ ਦੀ ਲੋੜ ਨਹੀਂ ਹੈ। ਅਸੀਂ ਤੁਹਾਨੂੰ ਦੱਸਾਂਗੇ ਉਹ 5 ਖਾਸ ਟਿਪਸ ਜਿਨ੍ਹਾਂ ਨਾਲ ਤੁਹਾਡੀ ਸਬਜ਼ੀ ਵੀ ਬਣੇਗੀ ਬਿਲਕੁਲ ਹਲਵਾਈ ਸਟਾਈਲ।

ਹਲਵਾਈਆਂ ਵਾਲਾ ਸਵਾਦ ਪਾਉਣ ਲਈ ਇਹ ਖਾਸ ਨੁਕਤੇ :-

ਕਾਜੂ ਦਾ ਪੇਸਟ
- ਗਰੇਵੀ ਨੂੰ ਗਾੜ੍ਹਾ ਅਤੇ ਕਰੀਮੀ ਬਣਾਉਣ ਲਈ, ਕਾਜੂ ਨੂੰ ਗਰਮ ਪਾਣੀ 'ਚ ਭਿਓਂ ਕੇ ਉਸਦਾ ਪੇਸਟ ਬਣਾ ਕੇ ਮਸਾਲੇ 'ਚ ਜ਼ਰੂਰ ਪਾਓ।

ਦਹੀਂ ਦੀ ਵਰਤੋਂ
- ਮਸਾਲਾ ਭੁੰਨਣ ਤੋਂ ਬਾਅਦ ਥੋੜ੍ਹਾ ਜਿਹਾ ਫੈਂਟਿਆ ਹੋਇਆ ਦਹੀਂ ਪਾਉਣ ਨਾਲ ਗਰੇਵੀ 'ਚ ਹਲਕਾ ਖੱਟਾ-ਮਿੱਠਾ ਸਵਾਦ ਆਉਂਦਾ ਹੈ।

ਪਨੀਰ ਨੂੰ ਪਾਣੀ 'ਚ ਰੱਖਣਾ
- ਪਨੀਰ ਨੂੰ ਹਲਕਾ ਫਰਾਈ ਕਰਨ ਤੋਂ ਬਾਅਦ, ਉਸਨੂੰ ਸਿੱਧਾ ਗੁਣਗੁਣੇ ਪਾਣੀ ਵਿੱਚ ਰੱਖੋ। ਇਸ ਨਾਲ ਪਨੀਰ ਸਖ਼ਤ ਨਹੀਂ ਹੁੰਦਾ ਅਤੇ ਨਰਮ ਬਣਿਆ ਰਹਿੰਦਾ ਹੈ।

ਮੱਠੀ ਅੱਗ 'ਤੇ ਮਸਾਲਾ ਪਕਾਉਣਾ
- ਮਸਾਲੇ ਨੂੰ ਉਦੋਂ ਤੱਕ ਧੀਮੀ ਅੱਗ 'ਤੇ ਪਕਾਓ ਜਦੋਂ ਤੱਕ ਤੇਲ ਮਸਾਲੇ ਤੋਂ ਵੱਖ ਨਾ ਹੋ ਜਾਵੇ।

ਗਰਮ ਮਸਾਲਾ
- ਸਬਜ਼ੀ ਬਣਨ ਦੇ ਅੰਤ 'ਚ ਗਰਮ ਮਸਾਲਾ ਪਾਉਣ ਨਾਲ ਸਬਜ਼ੀ 'ਚੋਂ ਸ਼ਾਨਦਾਰ ਖੁਸ਼ਬੂ ਆਉਂਦੀ ਹੈ।

ਸਮੱਗਰੀ ਦੀ ਸੂਚੀ :-

- ਪਨੀਰ (250 ਗ੍ਰਾਮ), ਮਟਰ (1 ਕੱਪ), ਪਿਆਜ਼, ਟਮਾਟਰ ਪਿਊਰੀ, ਅਦਰਕ-ਲਸਣ ਪੇਸਟ, ਕਾਜੂ, ਦਹੀਂ ਅਤੇ ਮੂਲ ਮਸਾਲੇ।