ਕੀ ਹੈ ਸਰੀਰ ਲਈ ਸਭ ਤੋਂ ਵੱਧ ਫਾਇਦੇਮੰਦ? ਪਨੀਰ, ਆਂਡਾ ਜਾਂ ਚਿਕਨ

ਹੈਲਥ ਡੈਸਕ- ਭਾਰਤ 'ਚ ਖੁਰਾਕ (ਡਾਈਟ) ਨੂੰ ਲੈ ਕੇ ਲੋਕਾਂ ਦੇ ਮਨ 'ਚ ਅਕਸਰ ਇਹ ਸਵਾਲ ਰਹਿੰਦਾ ਹੈ ਕਿ ਪ੍ਰੋਟੀਨ ਲਈ ਆਂਡਾ, ਪਨੀਰ ਜਾਂ ਚਿਕਨ 'ਚੋਂ ਕਿਸ ਦਾ ਸੇਵਨ ਕਰਨਾ ਸਭ ਤੋਂ ਵਧੀਆ ਹੈ। ਇਕ ਤਾਜ਼ਾ ਰਿਪੋਰਟ 'ਚ ਇਨ੍ਹਾਂ ਤਿੰਨਾਂ ਦੇ ਪੌਸ਼ਟਿਕ ਤੱਥਾਂ (Nutritional Facts) ਅਤੇ ਸਰੀਰ 'ਚ ਉਨ੍ਹਾਂ ਦੇ ਜਜ਼ਬ ਹੋਣ (absorption) ਦੇ ਆਧਾਰ 'ਤੇ ਤੁਲਨਾ ਕੀਤੀ ਗਈ ਹੈ।

ਇਹ ਵੀ ਪੜ੍ਹੋ : ਬਾਬਾ ਵੇਂਗਾ ਨੇ ਕਰ'ਤੀ ਭਵਿੱਖਬਾਣੀ; ਸਾਲ 2026 'ਚ ਇਨ੍ਹਾਂ ਰਾਸ਼ੀਆਂ ਦੀ ਲੱਗੇਗੀ ਲਾਟਰੀ, ਮਸ਼ੀਨ ਨਾਲ ਗਿਣਨੇ ਪੈਣਗੇ ਨੋਟ!

ਇੱਥੇ ਤਿੰਨਾਂ ਮੁੱਖ ਪ੍ਰੋਟੀਨ ਸਰੋਤਾਂ ਦੇ ਤੱਥ ਪੇਸ਼ ਹਨ:

1. ਚਿਕਨ (Chicken)

• 100 ਗ੍ਰਾਮ ਚਿਕਨ 'ਚ 31 ਤੋਂ 32 ਗ੍ਰਾਮ ਪ੍ਰੋਟੀਨ ਮੌਜੂਦ ਹੁੰਦਾ ਹੈ।
•  ਇਸ 'ਚ ਕੈਲੋਰੀ ਦੀ ਮਾਤਰਾ 165 ਹੁੰਦੀ ਹੈ।
• ਇਸ 'ਚ ਚਰਬੀ (Fat) ਬਹੁਤ ਘੱਟ (3.5 ਗ੍ਰਾਮ) ਅਤੇ ਕਾਰਬੋਹਾਈਡਰੇਟ (Carbs) ਬਿਲਕੁਲ ਜ਼ੀਰੋ ਹੁੰਦਾ ਹੈ।
• ਇਹ ਮਾਸਪੇਸ਼ੀਆਂ (Muscles) ਬਣਾਉਣ ਵਾਲੇ ਅਤੇ ਨਾਨ-ਵੈਜੀਟੇਰੀਅਨ ਲੋਕਾਂ ਲਈ ਬਹੁਤ ਵਧੀਆ ਹੈ।

2. ਆਂਡਾ (Eggs)

ਵਿਸ਼ਵ ਸਿਹਤ ਸੰਗਠਨ (WHO) ਅਤੇ ਪੋਸ਼ਣ ਮਾਹਿਰ ਆਂਡੇ ਦੇ ਪ੍ਰੋਟੀਨ ਨੂੰ 'ਗੋਲਡ ਸਟੈਂਡਰਡ ਪ੍ਰੋਟੀਨ' ਕਹਿੰਦੇ ਹਨ। ਇਸ ਦਾ ਕਾਰਨ ਇਹ ਹੈ ਕਿ ਸਰੀਰ ਆਂਡੇ ਦੇ ਪ੍ਰੋਟੀਨ ਨੂੰ ਬਹੁਤ ਵਧੀਆ ਤਰੀਕੇ ਨਾਲ ਜਜ਼ਬ (absorb) ਕਰਦਾ ਹੈ।

• ਲਗਭਗ 2 ਆਂਡਿਆਂ (100 ਗ੍ਰਾਮ) 'ਚ 13 ਗ੍ਰਾਮ ਪ੍ਰੋਟੀਨ, 11 ਗ੍ਰਾਮ ਚਰਬੀ, 1.1 ਗ੍ਰਾਮ ਕਾਰਬਸ ਅਤੇ 155 ਕੈਲੋਰੀ ਹੁੰਦੀ ਹੈ।
• ਆਂਡਾ ਵਿਟਾਮਿਨ B12, ਵਿਟਾਮਿਨ D ਅਤੇ ਸੇਲੇਨੀਅਮ ਵਰਗੇ ਮਾਈਕ੍ਰੋਨਿਊਟ੍ਰੀਐਂਟਸ ਨਾਲ ਵੀ ਭਰਪੂਰ ਹੁੰਦਾ ਹੈ।
• ਇਹ ਜਿੰਮ ਜਾਣ ਵਾਲੇ, ਕੰਮਕਾਜੀ ਅਤੇ ਮਾਸਪੇਸ਼ੀਆਂ ਬਣਾਉਣ ਵਾਲੇ ਹਰ ਉਮਰ ਦੇ ਲੋਕਾਂ ਲਈ ਫਾਇਦੇਮੰਦ ਹੈ।

ਇਹ ਵੀ ਪੜ੍ਹੋ : ਰਾਤ ਦੀ ਚੰਗੀ ਨੀਂਦ ਮਗਰੋਂ ਵੀ ਕਿਉਂ ਦਿਨੇ ਆਉਂਦੀ ਹੈ ਨੀਂਦ? ਜਾਣੋ ਕਾਰਨ

3. ਪਨੀਰ (Paneer)

• ਪਨੀਰ ਸ਼ਾਕਾਹਾਰੀ ਲੋਕਾਂ ਲਈ ਇਕ ਬਹੁਤ ਹੀ ਚੰਗਾ ਪ੍ਰੋਟੀਨ ਸਰੋਤ ਹੈ।
• 100 ਗ੍ਰਾਮ ਪਨੀਰ 'ਚ 18 ਗ੍ਰਾਮ ਪ੍ਰੋਟੀਨ, 20-21 ਗ੍ਰਾਮ ਚਰਬੀ, 1–2 ਗ੍ਰਾਮ ਕਾਰਬਸ ਅਤੇ 265 ਕੈਲੋਰੀ ਹੁੰਦੀ ਹੈ।
• ਪਨੀਰ 'ਚ ਪ੍ਰੋਟੀਨ ਹੌਲੀ-ਹੌਲੀ ਹਜ਼ਮ (slowly digest) ਹੁੰਦਾ ਹੈ, ਜੋ ਸਰੀਰ 'ਚ ਹੌਲੀ-ਹੌਲੀ ਰਿਲੀਜ਼ ਹੁੰਦਾ ਹੈ ਅਤੇ ਪੇਟ ਨੂੰ ਲੰਬੇ ਸਮੇਂ ਤੱਕ ਭਰਿਆ ਰੱਖਦਾ ਹੈ।
• ਇਸ 'ਚ ਕੈਲਸ਼ੀਅਮ ਅਤੇ ਸਿਹਤਮੰਦ ਚਰਬੀ (Healthy Fat) ਵੀ ਹੁੰਦੀ ਹੈ, ਜੋ ਹੱਡੀਆਂ (bones) ਅਤੇ ਮਾਸਪੇਸ਼ੀਆਂ ਦੀ ਰਿਕਵਰੀ (muscle recovery) 'ਚ ਮਦਦ ਕਰਦੀ ਹੈ।
• ਇਹ ਭਾਰ ਵਧਾਉਣ, ਭਾਰ ਘਟਾਉਣ ਜਾਂ ਲੰਬੇ ਸਮੇਂ ਤੱਕ ਭੁੱਖ ਨਾ ਲੱਗਣ ਦੇ ਚਾਹਵਾਨ ਲੋਕਾਂ ਲਈ ਚੰਗਾ ਹੈ।

ਮਾਹਿਰਾਂ ਦੀ ਸਲਾਹ

ਕੁੱਲ ਮਿਲਾ ਕੇ, ਵੱਖ-ਵੱਖ ਰਿਪੋਰਟਾਂ ਤੋਂ ਪਤਾ ਲੱਗਦਾ ਹੈ ਕਿ ਆਂਡੇ ਦੇ ਪ੍ਰੋਟੀਨ ਦਾ ਸਰੀਰ 'ਚ ਜਜ਼ਬ ਹੋਣਾ ਸਭ ਤੋਂ ਵੱਧ ਹੁੰਦਾ ਹੈ। ਦੂਜੇ ਪਾਸੇ, ਜੇਕਰ ਸੰਤੁਲਿਤ ਪੋਸ਼ਣ ਦੀ ਗੱਲ ਕੀਤੀ ਜਾਵੇ ਤਾਂ ਪਨੀਰ ਇਕ ਚੰਗਾ ਵਿਕਲਪ ਹੈ, ਜਦੋਂ ਕਿ ਪ੍ਰੋਟੀਨ ਦੀ ਸਭ ਤੋਂ ਵੱਧ ਮਾਤਰਾ ਚਿਕਨ 'ਚ ਹੁੰਦੀ ਹੈ। ਮਾਹਿਰ ਇਹ ਵੀ ਦੱਸਦੇ ਹਨ ਕਿ ਪ੍ਰੋਟੀਨ ਲਈ ਕੋਈ ਇਕ ਚੀਜ਼ ਸਭ ਤੋਂ 'ਬੈਸਟ' ਨਹੀਂ ਹੁੰਦੀ, ਸਗੋਂ ਇਹ ਤੁਹਾਡੀ ਸਮੁੱਚੀ ਖੁਰਾਕ ਅਤੇ ਜੀਵਨ ਸ਼ੈਲੀ (overall diet and lifestyle) 'ਤੇ ਨਿਰਭਰ ਕਰਦਾ ਹੈ।

ਨੋਟ– ਇਹ ਆਰਟੀਕਲ ਸਿਰਫ਼ ਆਮ ਜਾਣਕਾਰੀ ਲਈ ਹੈ। ਆਪਣੀ ਖੁਰਾਕ ਵਿੱਚ ਕੋਈ ਬਦਲਾਅ ਕਰਨ, ਕਿਸੇ ਵੀ ਬਿਮਾਰੀ ਨਾਲ ਸਬੰਧਤ ਕੋਈ ਵੀ ਉਪਾਅ ਕਰਨ ਜਾਂ ਕੋਈ ਵੀ ਘਰੇਲੂ ਨੁਸਖਾ ਅਪਣਾਉਣ ਤੋਂ ਪਹਿਲਾਂ ਆਪਣੇ ਡਾਕਟਰ ਦੀ ਸਲਾਹ ਜ਼ਰੂਰ ਲਓ।