ਜਾਣੋ ਕਿਉਂ ਬੁਢਾਪੇ ਲਈ ਔਰਤਾਂ ਕੋਲ ਬਚਦਾ ਹੈ ਮਰਦਾਂ ਨਾਲੋਂ 40% ਘੱਟ ਪੈਸਾ

ਬਿਜ਼ਨੈੱਸ ਡੈਸਕ : ਭਾਰਤ ਵਿੱਚ ਔਰਤਾਂ ਦੀ ਆਰਥਿਕ ਸਥਿਤੀ ਅਤੇ ਨਿਵੇਸ਼ ਦੀਆਂ ਆਦਤਾਂ ਨੂੰ ਲੈ ਕੇ ਇੱਕ ਅਹਿਮ ਰਿਪੋਰਟ ਸਾਹਮਣੇ ਆਈ ਹੈ। 'ਈਵਾਈ ਇੰਡੀਆ-ਫਿਨਟੈਕ ਐਲਐਕਸਐਮਈ' (EY India-LXME) ਦੀ ਰਿਪੋਰਟ ਮੁਤਾਬਕ, ਜੇਕਰ ਦੇਸ਼ ਦੀਆਂ ਮਹਿਲਾਵਾਂ ਨਿਵੇਸ਼ ਦੇ ਮਾਮਲੇ ਵਿੱਚ ਪੁਰਸ਼ਾਂ ਦੇ ਬਰਾਬਰ ਹਿੱਸੇਦਾਰੀ ਪਾਉਣ, ਤਾਂ ਭਾਰਤ ਦੀ ਜੀ.ਡੀ.ਪੀ. (GDP) ਵਿੱਚ 40 ਲੱਖ ਕਰੋੜ ਰੁਪਏ ਦਾ ਵਾਧਾ ਹੋ ਸਕਦਾ ਹੈ। ਰਿਪੋਰਟ ਮੁਤਾਬਕ ਦੇਸ਼ ਦਾ ਪਹਿਲਾ 'ਵਿਮੈਨ ਫਾਈਨੈਂਸ਼ੀਅਲ ਪ੍ਰੌਸਪੈਰਿਟੀ ਇੰਡੈਕਸ' (WFPI) 100 ਵਿੱਚੋਂ ਮਾਤਰ 28.1 ਸਕੋਰ 'ਤੇ ਹੈ, ਜੋ ਦਰਸਾਉਂਦਾ ਹੈ ਕਿ ਮਹਿਲਾਵਾਂ ਦੀ ਵਿੱਤੀ ਹਾਲਤ ਅਜੇ ਵੀ ਚਿੰਤਾਜਨਕ ਹੈ।

ਇਹ ਵੀ ਪੜ੍ਹੋ :    ਭਾਰਤ ਤੱਕ ਪਹੁੰਚਿਆ ਈਰਾਨ-ਇਜ਼ਰਾਈਲ ਜੰਗ ਦਾ ਸੇਕ, Cooking oil ਸਮੇਤ ਇਨ੍ਹਾਂ ਚੀਜ਼ਾਂ ਦੇ ਵਧੇ ਰੇਟ.

89% ਬੈਂਕ ਖਾਤੇ, ਪਰ ਨਿਵੇਸ਼ ਸਿਰਫ਼ 8.6% 

ਰਿਪੋਰਟ ਦੇ ਅੰਕੜੇ ਦੱਸਦੇ ਹਨ ਕਿ ਭਾਵੇਂ 89% ਭਾਰਤੀ ਮਹਿਲਾਵਾਂ ਕੋਲ ਬੈਂਕ ਖਾਤੇ ਹਨ, ਪਰ ਉਹਨਾਂ ਵਿੱਚੋਂ ਸਿਰਫ਼ 8.6% ਹੀ ਮਿਊਚਲ ਫੰਡ ਜਾਂ ਇਕੁਇਟੀ ਵਿੱਚ ਪੈਸਾ ਲਗਾਉਂਦੀਆਂ ਹਨ, ਜਦੋਂ ਕਿ ਪੁਰਸ਼ਾਂ ਵਿੱਚ ਇਹ ਅੰਕੜਾ 22.3% ਹੈ। ਮਿਊਚਲ ਫੰਡ ਫੋਲੀਓ ਵਿੱਚ ਵੀ ਮਹਿਲਾਵਾਂ ਦੀ ਹਿੱਸੇਦਾਰੀ ਸਿਰਫ਼ 25% ਹੈ। ਬਹੁਤੀਆਂ ਮਹਿਲਾਵਾਂ ਬੈਂਕ ਖਾਤਿਆਂ ਦੀ ਵਰਤੋਂ ਸਿਰਫ਼ ਸਰਕਾਰੀ ਗ੍ਰਾਂਟਾਂ ਲੈਣ ਅਤੇ ਰੋਜ਼ਾਨਾ ਲੈਣ-ਦੇਣ ਤੱਕ ਹੀ ਸੀਮਤ ਰੱਖਦੀਆਂ ਹਨ।

ਇਹ ਵੀ ਪੜ੍ਹੋ :  Gold-Silver ਦੀਆਂ ਕੀਮਤਾਂ 'ਚ ਰਿਕਾਰਡ ਵਾਧਾ : 32,000 ਰੁਪਏ ਚੜ੍ਹੀ ਚਾਂਦੀ, ਦੋ ਮਹੀਨਿਆਂ ਦੇ ਹਾਈ 'ਤੇ ਸੋਨਾ

ਦੇਰੀ ਨਾਲ ਨਿਵੇਸ਼ ਅਤੇ ਵਿੱਤੀ ਸਾਖਰਤਾ ਦੀ ਕਮੀ

ਮਹਿਲਾਵਾਂ ਦੇ ਪਿੱਛੇ ਰਹਿਣ ਦੇ ਕੁਝ ਮੁੱਖ ਕਾਰਨ ਇਸ ਤਰ੍ਹਾਂ ਹਨ:
ਕਮਾਈ ਵਿੱਚ ਫਰਕ: ਜਿੱਥੇ ਪੁਰਸ਼ 100 ਰੁਪਏ ਕਮਾਉਂਦੇ ਹਨ, ਉੱਥੇ ਮਹਿਲਾਵਾਂ ਦੀ ਕਮਾਈ ਸਿਰਫ਼ 73 ਰੁਪਏ ਹੈ।
ਨਿਵੇਸ਼ ਵਿੱਚ ਦੇਰੀ: ਮਹਿਲਾਵਾਂ ਪੁਰਸ਼ਾਂ ਦੇ ਮੁਕਾਬਲੇ 5 ਸਾਲ ਦੇਰੀ ਨਾਲ ਨਿਵੇਸ਼ ਸ਼ੁਰੂ ਕਰਦੀਆਂ ਹਨ, ਜਿਸ ਕਾਰਨ ਉਹਨਾਂ ਨੂੰ ਕੰਪਾਊਂਡਿੰਗ ਦਾ ਪੂਰਾ ਫਾਇਦਾ ਨਹੀਂ ਮਿਲਦਾ।
ਸਾਖਰਤਾ ਦੀ ਘਾਟ: 5 ਵਿੱਚੋਂ ਸਿਰਫ਼ 1 ਮਹਿਲਾ (21%) ਹੀ ਵਿੱਤੀ ਤੌਰ 'ਤੇ ਸਾਖਰ ਹੈ।
ਬੁਢਾਪੇ ਲਈ ਘੱਟ ਫੰਡ: ਰਿਟਾਇਰਮੈਂਟ ਦੇ ਸਮੇਂ ਮਹਿਲਾਵਾਂ ਕੋਲ ਪੁਰਸ਼ਾਂ ਦੇ ਮੁਕਾਬਲੇ 40% ਘੱਟ ਪੈਸਾ ਬਚਦਾ ਹੈ।

ਇਹ ਵੀ ਪੜ੍ਹੋ :  ਆ ਗਿਆ EPFO ਵਿਆਜ ਦਰ 'ਤੇ ਅਹਿਮ ਫ਼ੈਸਲਾ, ਜਾਣੋ ਹੁਣ ਕਿੰਨਾ ਮਿਲੇਗਾ ਵਿਆਜ

ਬਦਲ ਰਿਹਾ ਹੈ ਰੁਝਾਨ: 56% ਮਹਿਲਾਵਾਂ ਹੁਣ ਖੁਦ ਲੈ ਰਹੀਆਂ ਹਨ ਫੈਸਲੇ 

ਚੰਗੀ ਖ਼ਬਰ ਇਹ ਹੈ ਕਿ ਹੁਣ ਔਰਤਾਂ ਵਿੱਚ ਜਾਗਰੂਕਤਾ ਵਧ ਰਹੀ ਹੈ। 'ਡੀਐਸਪੀ ਵਿਨਵੈਸਟਰ ਪਲਸ 2025-26' ਦੀ ਰਿਪੋਰਟ ਅਨੁਸਾਰ, 56% ਮਹਿਲਾਵਾਂ ਹੁਣ ਆਪਣੇ ਨਿਵੇਸ਼ ਦੇ ਫੈਸਲੇ ਖੁਦ ਲੈ ਰਹੀਆਂ ਹਨ, ਜੋ ਕਿ 2022 ਵਿੱਚ 44% ਸੀ। ਪਿਛਲੇ 5 ਸਾਲਾਂ ਵਿੱਚ ਮਿਊਚਲ ਫੰਡਾਂ ਵਿੱਚ ਮਹਿਲਾਵਾਂ ਦਾ ਨਿਵੇਸ਼ 4.59 ਲੱਖ ਕਰੋੜ ਤੋਂ ਵਧ ਕੇ 11.25 ਲੱਖ ਕਰੋੜ ਰੁਪਏ ਹੋ ਗਿਆ ਹੈ।

ਇਹ ਵੀ ਪੜ੍ਹੋ :   Gold Market 'ਚ ਸੰਨਾਟਾ, ਸੋਨੇ ਅਤੇ ਚਾਂਦੀ ਦੀ ਸਪਲਾਈ ਰੁਕੀ

ਔਰਤਾਂ ਦੀਆਂ ਪਹਿਲੀਆਂ ਪਸੰਦਾਂ:

ਐਫ.ਡੀ. ਅਤੇ ਬਚਤ ਖਾਤੇ: 51%
ਸੋਨਾ (Gold): 16%
ਮਿਊਚਲ ਫੰਡ: 15%
ਇਕੁਇਟੀ: 7%

ਇਹ ਵੀ ਪੜ੍ਹੋ :  Gold Loan ਨੂੰ ਲੈ ਕੇ ਬਦਲਿਆ ਲੋਕਾਂ ਦਾ ਨਜ਼ਰੀਆ, ਹੁਣ ਅਮੀਰ ਪਰਿਵਾਰ ਵੀ ਗਿਰਵੀ ਰੱਖ ਰਹੇ ਗਹਿਣੇ

ਮਾਹਿਰਾਂ ਮੁਤਾਬਕ ਜੇਕਰ ਵਿੱਤੀ ਪ੍ਰੋਡਕਟਸ ਨੂੰ ਔਰਤਾਂ ਦੀਆਂ ਜ਼ਰੂਰਤਾਂ ਦੇ ਹਿਸਾਬ ਨਾਲ ਬਣਾਇਆ ਜਾਵੇ, ਤਾਂ ਉਹ ਵਧੇਰੇ ਅਨੁਸ਼ਾਸਿਤ ਤਰੀਕੇ ਨਾਲ ਨਿਵੇਸ਼ ਕਰ ਸਕਦੀਆਂ ਹਨ।

ਇਹ ਵੀ ਪੜ੍ਹੋ :    ਮੂਧੇ ਮੂੰਹ ਡਿੱਗੇ ਸੋਨੇ-ਚਾਂਦੀ ਦੇ ਭਾਅ, Middle East ਤਣਾਅ ਦਰਮਿਆਨ ਕੀਮਤਾਂ 'ਚ ਆਈ ਭਾਰੀ ਗਿਰਾਵਟ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt