ਵੈੱਬ ਡੈਸਕ - ਭਾਰਤੀ ਖਾਣੇ 'ਚ ਜੇਕਰ ਦਾਲ-ਰੋਟੀ ਜਾਂ ਪੁਲਾਓ ਦੇ ਨਾਲ ਰਾਇਤਾ ਨਾ ਹੋਵੇ, ਤਾਂ ਖਾਣਾ ਅਧੂਰਾ ਜਿਹਾ ਲੱਗਦਾ ਹੈ। ਰਾਇਤਾ ਨਾ ਸਿਰਫ਼ ਸੁਆਦ ਹੁੰਦਾ ਹੈ, ਸਗੋਂ ਇਹ ਪਾਚਨ ਪ੍ਰਣਾਲੀ ਲਈ ਵੀ ਬਹੁਤ ਫਾਇਦੇਮੰਦ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਰਾਇਤਾ ਬਣਾਉਣ ਦਾ ਵੀ ਇਕ ਖਾਸ ਤਰੀਕਾ ਹੁੰਦਾ ਹੈ? ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿਵੇਂ ਤੁਸੀਂ ਘਰ 'ਚ ਹੀ ਰੈਸਟੋਰੈਂਟ ਵਰਗਾ ਟੇਸਟੀ ਰਾਇਤਾ ਤਿਆਰ ਕਰ ਸਕਦੇ ਹੋ।

ਰਾਇਤਾ ਬਣਾਉਣ ਲਈ ਜ਼ਰੂਰੀ ਸਮਾਨ :- 

- ਤਾਜ਼ਾ ਦਹੀਂ (2 ਕੱਪ)
- ਬਾਰੀਕ ਕੱਟਿਆ ਪਿਆਜ਼, ਖੀਰਾ ਅਤੇ ਟਮਾਟਰ
- ਹਰੀਆਂ ਮਿਰਚਾਂ ਅਤੇ ਹਰਾ ਧਨੀਆ
- ਭੁੰਨਿਆ ਹੋਇਆ ਜੀਰਾ ਪਾਊਡਰ
- ਕਾਲਾ ਨਮਕ ਅਤੇ ਸਧਾਰਨ ਨਮਕ
- ਚੁਟਕੀ ਭਰ ਲਾਲ ਮਿਰਚ ਜਾਂ ਕਾਲੀ ਮਿਰਚ

ਬਣਾਉਣ ਦਾ ਸਹੀ ਤਰੀਕਾ :- 

ਦਹੀਂ ਨੂੰ ਫੈਂਟਣਾ 
- ਸਭ ਤੋਂ ਪਹਿਲਾਂ ਦਹੀਂ ਨੂੰ ਇਕ ਬਰਤਨ 'ਚ ਪਾ ਕੇ ਚੰਗੀ ਤਰ੍ਹਾਂ ਫੈਂਟ ਲਓ ਤਾਂ ਜੋ ਇਹ ਮੁਲਾਇਮ ਹੋ ਜਾਵੇ। ਯਾਦ ਰੱਖੋ ਕਿ ਰਾਇਤੇ ਲਈ ਦਹੀਂ ਜ਼ਿਆਦਾ ਖੱਟਾ ਨਹੀਂ ਹੋਣਾ ਚਾਹੀਦਾ।

ਸਬਜ਼ੀਆਂ ਮਿਲਾਓ
- ਹੁਣ ਇਸ 'ਚ ਬਾਰੀਕ ਕੱਟਿਆ ਹੋਇਆ ਖੀਰਾ, ਪਿਆਜ਼ ਅਤੇ ਟਮਾਟਰ ਪਾਓ। ਜੇਕਰ ਤੁਸੀਂ ਬੂੰਦੀ ਦਾ ਰਾਇਤਾ ਬਣਾ ਰਹੇ ਹੋ, ਤਾਂ ਬੂੰਦੀ ਨੂੰ 5 ਮਿੰਟ ਪਾਣੀ 'ਚ ਭਿਓਂ ਕੇ ਨਿਚੋੜ ਕੇ ਪਾਓ।

ਮਸਾਲਿਆਂ ਦਾ ਜਾਦੂ
- ਰਾਇਤੇ ਦਾ ਅਸਲੀ ਸੁਆਦ ਮਸਾਲਿਆਂ ਵਿੱਚ ਹੁੰਦਾ ਹੈ। ਇਸ 'ਚ ਭੁੰਨਿਆ ਹੋਇਆ ਜੀਰਾ ਪਾਊਡਰ ਅਤੇ ਕਾਲਾ ਨਮਕ ਜ਼ਰੂਰ ਪਾਓ। ਕਾਲਾ ਨਮਕ ਪਾਚਨ 'ਚ ਮਦਦ ਕਰਦਾ ਹੈ ਅਤੇ ਸੁਆਦ ਨੂੰ ਵਧਾਉਂਦਾ ਹੈ।

ਗਾਰਨਿਸ਼ਿੰਗ
- ਉੱਪਰੋਂ ਬਾਰੀਕ ਕੱਟਿਆ ਹਰਾ ਧਨੀਆ ਅਤੇ ਹਲਕੀ ਜਿਹੀ ਲਾਲ ਮਿਰਚ ਛਿੜਕੋ।