ਨਹੁੰਆਂ 'ਚ ਦਿਖਣ ਲੱਗਣ ਸਫ਼ੇਦ ਧਾਰੀਆਂ ਤਾਂ ਨਾ ਕਰਨਾ ਇਗਨੋਰ, ਛੁਪੇ ਹੁੰਦੇ ਨੇ ਸਿਹਤ ਸਬੰਧੀ ਕਈ ਰਾਜ਼

ਹੈਲਥ ਡੈਸਕ- ਸਰੀਰ 'ਚ ਜਦੋਂ ਕੋਈ ਗੜਬੜੀ ਹੁੰਦੀ ਹੈ ਤਾਂ ਅੱਖਾਂ, ਜੀਭ ਅਤੇ ਨਹੁੰ ਸੰਕੇਤ ਦੇਣ ਲੱਗਦੇ ਹਨ। ਜੇਕਰ ਹੱਥ ਜਾਂ ਪੈਰ ਦੇ ਨਹੁੰਆਂ ਦਾ ਰੰਗ ਬਦਲ ਰਿਹਾ ਹੋ, ਨਹੁੰਆਂ ’ਤੇ ਸਫ਼ੇਦ ਧਾਰੀਆਂ ਦਿਖਾਈ ਦੇ ਰਹੀਆਂ ਹੋਣ, ਨਹੁੰ ਸੁੱਕ ਰਹੇ ਹੋਣ ਜਾਂ ਨਹੁੰ ’ਤੇ ਸਫ਼ੇਦ ਨਿਸ਼ਾਨ ਆ ਰਹੇ ਹੋਣ, ਤਾਂ ਇਹ ਕੋਈ ਆਮ ਗੱਲ ਨਹੀਂ ਹੈ। ਇਹ ਸਰੀਰ 'ਚ ਕੁਝ ਪੋਸ਼ਕ ਤੱਤਾਂ ਦੀ ਘਾਟ ਦੇ ਕਾਰਣ ਹੋ ਸਕਦਾ ਹੈ।

ਨਹੁੰਆਂ ’ਤੇ ਲਾਈਨ ਆਉਣ ਦੇ ਕਾਰਣ

ਨਹੁੰਆਂ ’ਤੇ ਲਾਈਨਾਂ ਉਭਰਨਾ ਕਈ ਵਾਰ ਪੋਸ਼ਣ ਦੀ ਘਾਟ ਦਾ ਨਤੀਜਾ ਹੁੰਦਾ ਹੈ, ਪਰ ਇਹ ਵਧਦੀ ਉਮਰ ਜਾਂ ਕੁਝ ਸਿਹਤ ਸਮੱਸਿਆਵਾਂ ਕਰਕੇ ਵੀ ਹੋ ਸਕਦਾ ਹੈ।

ਨਹੁੰਆਂ ’ਤੇ ਲਾਈਨ ਆਣ ਵਾਲੀਆਂ ਬੀਮਾਰੀਆਂ:

ਸਫ਼ੇਦ ਲਾਈਨ: ਇਸ ਨੂੰ ਲਿਊਕੋਨੀਚੀਆ ਸਟ੍ਰੀਏਟਾ ਕਿਹਾ ਜਾਂਦਾ ਹੈ। ਇਹ ਸਫੇਦ ਲਾਈਨ ਆਉਣਾ ਮਾਈਕ੍ਰੋਟ੍ਰਾਮਾ, ਓਨਿਕੋਮਾਈਕੋਸਿਸ ਬੀਮਾਰੀਆਂ ਵੱਲ ਇਸ਼ਾਰਾ ਕਰਦਾ ਹੈ। ਇਸ ਹਾਲਤ 'ਚ ਡਾਕਟਰ ਨੂੰ ਜ਼ਰੂਰ ਦਿਖਾਉਣਾ ਚਾਹੀਦਾ।

ਨਹੁੰਆਂ 'ਤੇ ਭੂਰੀ ਲਾਈਨ: ਜੇਕਰ ਨਹੁੰਆਂ ’ਤੇ ਭੂਰੇ ਰੰਗ ਦੀਆਂ ਲਾਈਨਾਂ ਆ ਰਹੀਆਂ ਹਨ ਤਾਂ ਇਨ੍ਹਾਂ ਨੂੰ ਮੈਲਾਨੋਨੀਚੀਆ ਕਿਹਾ ਜਾਂਦਾ ਹੈ। ਇਹ ਅਕਸਰ ਨਹੁੰਆਂ ’ਤੇ ਸੱਟ, ਇਨਫੈਕਸ਼ਨ ਜਾਂ ਕਿਸੇ ਦਵਾਈ ਦੇ ਸਾਈਡ ਇਫੈਕਟ ਦੇ ਕਾਰਨ ਹੁੰਦਾ ਹੈ।

ਕਾਲੀ ਲਾਈਨ: ਜੇ ਨਹੁੰਆਂ ’ਤੇ ਕਾਲੀ ਧਾਰੀਆਂ ਜਾਂ ਧੱਬੇ ਆ ਰਹੇ ਹਨ, ਤਾਂ ਇਹ ਜ਼ਿੰਕ ਅਤੇ ਵਿਟਾਮਿਨ ਸੀ ਦੀ ਘਾਟ ਕਾਰਨ ਹੋ ਸਕਦਾ ਹੈ। ਇਸ ਤੋਂ ਬਚਣ ਲਈ ਜ਼ਿੰਕ ਅਤੇ ਵਿਟਾਮਿਨ ਸੀ ਨਾਲ ਭਰਪੂਰ ਖਾਣ ਪਦਾਰਥਾਂ ਨੂੰ ਆਪਣੀ ਡਾਈਟ 'ਚ ਸ਼ਾਮਲ ਕਰੋ।

ਮੀਸ ਲਾਈਨ: ਜੇ ਨਹੁੰਆਂ ’ਤੇ ਸਫ਼ੇਦ ਲਾਈਨ ਜਾਂ ਬੈਂਡ ਹੋ ਰਹੇ ਹਨ, ਤਾਂ ਇਸ ਨੂੰ ਮੀਸ ਲਾਈਨਸ ਕਿਹਾ ਜਾਂਦਾ ਹੈ। ਇਹ ਕਿਡਨੀ ਨਾਲ ਜੁੜੀ ਕਿਸੇ ਬੀਮਾਰੀ ਵੱਲ ਇਸ਼ਾਰਾ ਹੋ ਸਕਦਾ ਹੈ। ਇਸ ਨੂੰ ਲਾਈਟ ਨਾ ਲਓ ਅਤੇ ਡਾਕਟਰ ਨੂੰ ਜ਼ਰੂਰ ਦਿਖਾਓ।

ਨਤੀਜਾ:

ਨਹੁੰਆਂ ’ਤੇ ਆ ਰਹੀਆਂ ਲਾਈਨਾਂ ਦੇ ਪਿੱਛੇ ਪੋਸ਼ਣ ਦੀ ਘਾਟ ਜਾਂ ਸਿਹਤ ਸੰਬੰਧੀ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਇਸ ਲਈ ਜੇ ਤੁਸੀਂ ਨਹੁੰ ’ਤੇ ਬਦਲਾਅ ਜਾਂ ਲਾਈਨ ਦੇਖ ਰਹੇ ਹੋ, ਤਾਂ ਇਹ ਬਿਨਾਂ ਕਿਸੇ ਹਿਚਕਿਚਾਹਟ ਦੇ ਡਾਕਟਰ ਨੂੰ ਦਿਖਾਉਣ ਦਾ ਸਮਾਂ ਹੈ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8