ਗਰਮੀਆਂ ''ਚ ਟੈਨਿੰਗ ਤੋਂ ਹੋ ਪਰੇਸ਼ਾਨ ਤਾਂ ਅਪਣਾਓ ਇਹ ਆਸਾਨ ਘਰੇਲੂ ਟਿਪਸ

ਵੈੱਬ ਡੈਸਕ- ਗਰਮੀਆਂ 'ਚ ਤੇਜ਼ ਧੁੱਪ ਤੇ ਪਸੀਨੇ ਕਾਰਨ ਅਕਸਰ ਗਰਦਨ ਕਾਲੀ ਪੈ ਜਾਂਦੀ ਹੈ ਅਤੇ ਟੈਨਿੰਗ ਦੀ ਸਮੱਸਿਆ ਵੱਧ ਜਾਂਦੀ ਹੈ। ਇਸ ਨੂੰ ਦੂਰ ਕਰਨ ਲਈ ਮਹਿੰਗੀਆਂ ਕ੍ਰੀਮਾਂ ਜਾਂ ਲੋਸ਼ਨ ਖਰੀਦਣ ਦੀ ਲੋੜ ਨਹੀਂ, ਘਰ 'ਚ ਮਿਲਣ ਵਾਲੀਆਂ ਸਧਾਰਨ ਚੀਜ਼ਾਂ ਨਾਲ ਹੀ ਚਮੜੀ ਨੂੰ ਸਾਫ਼, ਨਰਮ ਅਤੇ ਚਮਕਦਾਰ ਬਣਾਇਆ ਜਾ ਸਕਦਾ ਹੈ। ਨਿੰਬੂ, ਸ਼ਹਿਦ, ਦੁੱਧ, ਹਲਦੀ, ਬੇਸਨ, ਦਹੀਂ, ਐਲੋਵੀਰਾ ਅਤੇ ਖੀਰਾ ਵਰਗੀਆਂ ਕੁਦਰਤੀ ਚੀਜ਼ਾਂ ਟੈਨ ਹਟਾਉਣ ਅਤੇ ਚਮੜੀ ਨੂੰ ਪੋਸ਼ਣ ਦੇਣ 'ਚ ਬਹੁਤ ਮਦਦਗਾਰ ਹਨ।

ਨਿੰਬੂ ਤੇ ਸ਼ਹਿਦ ਦਾ ਪੈਕ

ਨਿੰਬੂ 'ਚ ਕੁਦਰਤੀ ਬਲੀਚਿੰਗ ਗੁਣ ਹੁੰਦੇ ਹਨ ਜੋ ਟੈਨ ਅਤੇ ਗੰਦਗੀ ਹਟਾਉਣ 'ਚ ਮਦਦ ਕਰਦੇ ਹਨ। ਉੱਥੇ ਹੀ ਸ਼ਹਿਦ ਚਮੜੀ ਨੂੰ ਨਰਮ ਤੇ ਮੁਆਇਸਚਰਾਈਜ਼ ਕਰਦਾ ਹੈ।

• 1 ਚਮਚ ਨਿੰਬੂ ਦਾ ਰਸ ਤੇ 1 ਚਮਚ ਸ਼ਹਿਦ ਮਿਲਾ ਕੇ ਗਰਦਨ 'ਤੇ ਲਗਾਓ।
• 15 ਮਿੰਟ ਬਾਅਦ ਧੋ ਲਓ।
• ਹਫ਼ਤੇ 'ਚ 3-4 ਵਾਰ ਇਸ ਦਾ ਇਸਤੇਮਾਲ ਰੰਗਤ ਨਿਖਾਰਦਾ ਹੈ।

ਦੁੱਧ ਤੇ ਹਲਦੀ ਦਾ ਜਾਦੂ

ਦੁੱਧ 'ਚ ਲੈਕਟਿਕ ਐਸਿਡ ਹੁੰਦਾ ਹੈ ਜੋ ਡੈਡ ਸਕਿਨ ਹਟਾਉਂਦਾ ਹੈ, ਜਦਕਿ ਹਲਦੀ ਚਮਕ ਵਧਾਉਂਦੀ ਹੈ।

• 1 ਚਮਚ ਕੱਚਾ ਦੁੱਧ ਤੇ ਅੱਧਾ ਚਮਚ ਹਲਦੀ ਪਾਊਡਰ ਮਿਲਾਓ।
• 15 ਮਿੰਟ ਲਈ ਗਰਦਨ 'ਤੇ ਲਗਾ ਕੇ ਸੁੱਕਣ ਦਿਓ।
• ਹਫ਼ਤੇ 'ਚ 2–3 ਵਾਰ ਲਗਾਉਣ ਨਾਲ ਚਮੜੀ ਚਮਕਣ ਲੱਗਦੀ ਹੈ।

ਬੇਸਨ ਤੇ ਦਹੀਂ ਦਾ ਪੈਕ

ਬੇਸਨ ਗੰਦਗੀ ਤੇ ਡੈਡ ਸਕਿਨ ਹਟਾਉਂਦਾ ਹੈ, ਜਦਕਿ ਦਹੀਂ ਚਮੜੀ ਨੂੰ ਨਰਮ ਤੇ ਚਮਕਦਾਰ ਬਣਾਉਂਦਾ ਹੈ।

• 2 ਚਮਚ ਬੇਸਨ ਤੇ 1 ਚਮਚ ਦਹੀਂ ਮਿਲਾ ਕੇ ਪੇਸਟ ਬਣਾਓ।
• 15 ਮਿੰਟ ਲਈ ਗਰਦਨ 'ਤੇ ਲਗਾਓ ਅਤੇ ਫਿਰ ਸਕ੍ਰਬ ਕਰਕੇ ਧੋ ਲਓ।
• ਹਫ਼ਤੇ 'ਚ 2-3 ਵਾਰ ਇਸ ਪੈਕ ਦਾ ਇਸਤੇਮਾਲ ਕਰਨ ਨਾਲ ਗਰਦਨ ਦੀ ਰੰਗਤ ਸਾਫ਼ ਹੁੰਦੀ ਹੈ।

ਐਲੋਵੀਰਾ ਜੈਲ

• ਐਲੋਵੀਰਾ 'ਚ ਵਿਟਾਮਿਨ ਤੇ ਐਂਟੀ-ਆਕਸੀਡੈਂਟ ਹੁੰਦੇ ਹਨ ਜੋ ਟੈਨ ਦੂਰ ਕਰਦੇ ਹਨ।
• ਤਾਜ਼ਾ ਪੱਤੇ ਤੋਂ ਜੈਲ ਕੱਢ ਕੇ ਗਰਦਨ 'ਤੇ ਲਗਾਓ।
• ਰੋਜ਼ ਰਾਤ ਨੂੰ ਸੌਂਣ ਤੋਂ ਪਹਿਲਾਂ ਨਿਯਮਿਤ ਲਗਾਉਣ ਨਾਲ ਗਰਦਨ ਦੀ ਰੰਗਤ ਨਿਖਰ ਜਾਵੇਗੀ ਅਤੇ ਚਮੜੀ ਮੁਲਾਇਮ ਬਣੇਗੀ।

ਖੀਰੇ ਦਾ ਰਸ

ਖੀਰੇ ਦਾ ਰਸ ਚਮੜੀ ਨੂੰ ਠੰਡਕ ਤੇ ਨਮੀ ਦਿੰਦਾ ਹੈ, ਜਿਸ ਨਾਲ ਟੈਨ ਘਟਦਾ ਹੈ।

• ਖੀਰੇ ਦਾ ਰਸ ਕੱਢ ਕੇ ਕਾਟਨ ਨਾਲ ਗਰਦਨ 'ਤੇ ਲਗਾਓ।
• 15 ਮਿੰਟ ਬਾਅਦ ਧੋ ਲਓ।
• ਰੋਜ਼ਾਨਾ ਜਾਂ ਹਫ਼ਤੇ 'ਚ 4-5 ਵਾਰ ਲਗਾਉਣ ਨਾਲ ਗਰਦਨ ਸਾਫ਼ ਤੇ ਚਮਕਦਾਰ ਬਣਦੀ ਹੈ।

ਧਿਆਨ ਰਹੇ- ਇਹ ਨੁਸਖ਼ੇ ਨਿਯਮਿਤ ਤਰੀਕੇ ਨਾਲ ਕਰਨ 'ਤੇ ਹੀ ਅਸਰ ਦਿੰਦੇ ਹਨ। ਨਾਲ ਹੀ, ਧੁੱਪ 'ਚ ਜਾਣ ਤੋਂ ਪਹਿਲਾਂ ਸਨਸਕ੍ਰੀਨ ਲਗਾਉਣਾ ਨਾ ਭੁੱਲੋ ਤਾਂ ਜੋ ਚਮੜੀ ਨੂੰ ਹੋਰ ਨੁਕਸਾਨ ਨਾ ਹੋਵੇ।

ਨੋਟ– ਇਹ ਆਰਟੀਕਲ ਸਿਰਫ਼ ਆਮ ਜਾਣਕਾਰੀ ਲਈ ਹੈ। ਆਪਣੀ ਖੁਰਾਕ ਵਿੱਚ ਕੋਈ ਬਦਲਾਅ ਕਰਨ, ਕਿਸੇ ਵੀ ਬਿਮਾਰੀ ਨਾਲ ਸਬੰਧਤ ਕੋਈ ਵੀ ਉਪਾਅ ਕਰਨ ਜਾਂ ਕੋਈ ਵੀ ਘਰੇਲੂ ਨੁਸਖਾ ਅਪਣਾਉਣ ਤੋਂ ਪਹਿਲਾਂ ਆਪਣੇ ਡਾਕਟਰ ਦੀ ਸਲਾਹ ਜ਼ਰੂਰ ਲਓ।