ਦੁੱਧ ਨੂੰ ਉਬਾਲਣ ਦਾ ਕੀ ਹੈ ਸਹੀ ਤਰੀਕਾ, ਕਿਤੇ ਤੁਸੀਂ ਵੀ ਤਾਂ ਨਹੀਂ ਕਰ ਰਹੇ ਇਹ ਗਲ਼ਤੀ

ਵੈੱਬ ਡੈਸਕ- ਭਾਰਤੀ ਘਰਾਂ ਵਿੱਚ ਪਹਿਲਾਂ ਦੁੱਧ ਨੂੰ ਉਬਾਲਣ ਦੀ ਆਦਤ ਹੁੰਦੀ ਹੈ। ਇਹ ਸੱਚ ਹੈ ਕਿ ਹਾਨੀਕਾਰਕ ਬੈਕਟੀਰੀਆ ਤੋਂ ਛੁਟਕਾਰਾ ਪਾਉਣ ਲਈ ਦੁੱਧ ਨੂੰ ਉਬਾਲਣਾ ਜ਼ਰੂਰੀ ਹੈ, ਪਰ ਇਹ ਸਿਰਫ ਕੱਚੇ ਦੁੱਧ ਲਈ ਜਾਇਜ਼ ਹੈ। ਬਾਜ਼ਾਰ ਵਿੱਚ ਪੌਲੀਬੈਗ ਪੈਕਿੰਗ ਵਿੱਚ ਉਪਲਬਧ ਪਾਸਚੁਰਾਈਜ਼ਡ ਦੁੱਧ ਪਹਿਲਾਂ ਹੀ ਬੈਕਟੀਰੀਆ ਨੂੰ ਨਸ਼ਟ ਕਰਨ ਦੀ ਪ੍ਰਕਿਰਿਆ ਵਿੱਚੋਂ ਲੰਘ ਚੁੱਕਾ ਹੈ ਅਤੇ ਪੈਕੇਟ ਵਿੱਚੋਂ ਪੀਣ ਯੋਗ ਹੈ। ਪਰ ਜੇਕਰ ਅਸੀਂ ਆਪ ਹੀ ਦੁੱਧ ਦੇ ਸਾਰੇ ਪੌਸ਼ਟਿਕ ਤੱਤ ਖਤਮ ਕਰ ਚੁੱਕੇ ਹਾਂ ਤਾਂ ਇਸ ਨੂੰ ਪੀਣ ਦਾ ਕੋਈ ਮਤਲਬ ਨਹੀਂ ਹੈ। ਅਸੀਂ ਅਜਿਹਾ ਇਸ ਲਈ ਕਹਿ ਰਹੇ ਹਾਂ ਕਿਉਂਕਿ ਅਜੇ ਵੀ 90 ਫੀਸਦੀ ਲੋਕ ਦੁੱਧ ਨੂੰ ਉਬਾਲਣ ਦਾ ਸਹੀ ਤਰੀਕਾ ਨਹੀਂ ਜਾਣਦੇ ਹਨ।
ਅਸੀਂ ਸਾਰੇ ਦੁੱਧ ਨੂੰ ਸਿਹਤ ਲਈ ਸਭ ਤੋਂ ਵਧੀਆ ਡਰਿੰਕ ਮੰਨਦੇ ਹਾਂ। ਦੁੱਧ ਇੱਕ ਅਜਿਹਾ ਪੇਅ ਹੈ ਜੋ ਕਈ ਖਾਣ-ਪੀਣ ਦੀਆਂ ਵਸਤੂਆਂ ਵਿੱਚ ਵਰਤਿਆ ਜਾਂਦਾ ਹੈ। ਪਰ ਕੀ ਅਸੀਂ ਉਹ ਦੁੱਧ ਪੀ ਰਹੇ ਹਾਂ ਜਿਸ ਵਿੱਚ ਸਾਰੇ ਪੌਸ਼ਟਿਕ ਤੱਤ ਮੌਜੂਦ ਹਨ? ਜੇਕਰ ਅਸੀਂ ਦੁੱਧ ਨੂੰ ਚੰਗੀ ਤਰ੍ਹਾਂ ਉਬਾਲਦੇ ਹਾਂ, ਤਾਂ ਇਹ ਸਾਡੇ ਲਈ ਸਿਹਤਮੰਦ ਹੈ। ਆਓ ਜਾਣਦੇ ਹਾਂ ਦੁੱਧ ਨੂੰ ਉਬਾਲਣ ਦਾ ਸਹੀ ਤਾਰੀਕਾ ਕੀ ਹੈ।

ਇਹ ਵੀ ਪੜ੍ਹੋ- ਆਇਰਨ ਨਾਲ ਭਰਪੂਰ 'ਗੁੜ' ਹੈ ਸਿਹਤ ਲਈ ਗੁਣਕਾਰੀ, ਜਾਣੋ ਬੇਮਿਸਾਲ ਲਾਭ
ਦੁੱਧ ਨੂੰ ਉਬਾਲਣ ਦਾ ਸਹੀ ਤਾਰੀਕਾ
ਪੈਕੇਟ ਬੰਦ ਦੁੱਧ ਨੂੰ ਪੀਣ ਤੋਂ ਪਹਿਲਾਂ ਥੋੜਾ ਜਿਹਾ ਗਰਮ ਕਰਨਾ ਸੁਰੱਖਿਅਤ ਹੈ ਪਰ ਇਸਨੂੰ 10 ਮਿੰਟਾਂ ਤੋਂ ਵੱਧ ਉਬਾਲਣ ਤੋਂ ਬਚੋ। ਇੱਕ ਗਲਾਸ ਦੁੱਧ ਕਾਫ਼ੀ ਗਰਮ ਹੋ ਜਾਂਦਾ ਹੈ ਅਤੇ ਮੱਧਮ ਅੱਗ 'ਤੇ 4-5 ਮਿੰਟਾਂ ਵਿੱਚ ਪੀਣ ਯੋਗ ਹੁੰਦਾ ਹੈ। ਇਹ ਯਕੀਨੀ ਬਣਾਏਗਾ ਕਿ ਦੁੱਧ ਵਿੱਚ ਜ਼ਰੂਰੀ ਪੌਸ਼ਟਿਕ ਤੱਤ ਬਰਕਰਾਰ ਰਹਿਣਗੇ। ਤੁਸੀਂ ਕੱਚੇ ਦੁੱਧ ਨੂੰ ਇੱਕੋ ਵਾਰ ਉਬਾਲ ਸਕਦੇ ਹੋ ਅਤੇ ਫਿਰ ਇਸਨੂੰ ਸੁਰੱਖਿਅਤ ਰੱਖਣ ਲਈ ਫਰਿੱਜ ਵਿੱਚ ਰੱਖ ਸਕਦੇ ਹੋ। ਇਸੇ ਤਰ੍ਹਾਂ, ਪਾਸਚੁਰਾਈਜ਼ਡ ਦੁੱਧ ਦੇ ਮਾਮਲੇ ਵਿਚ, ਤੁਹਾਨੂੰ ਲੋੜੀਂਦਾ ਦੁੱਧ ਹੀ ਲਓ ਅਤੇ ਉਬਾਲਣ ਦੀ ਬਜਾਏ ਗਰਮ ਕਰੋ।
ਦੁੱਧ ਨੂੰ ਉਬਾਲਦੇ ਸਮੇਂ ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ-
-ਪੈਕੇਟ ਬੰਦ ਦੁੱਧ ਜਾਂ ਕੱਚੇ ਦੁੱਧ ਨੂੰ ਉਬਾਲਣ ਤੋਂ ਪਹਿਲਾਂ ਇਕ ਚੌਥਾਈ ਸਾਫ ਪਾਣੀ ਪਾਓ, ਇਸ ਨਾਲ ਦੁੱਧ ਦੇ ਪੌਸ਼ਟਿਕ ਤੱਤ ਬਰਕਰਾਰ ਰਹਿੰਦੇ ਹਨ।
-ਦੁੱਧ ਨੂੰ ਜ਼ਿਆਦਾ ਦੇਰ ਤੱਕ ਨਾ ਉਬਾਲੋ

ਇਹ ਵੀ ਪੜ੍ਹੋ- ਸਮੇਂ ਤੋਂ ਪਹਿਲਾਂ ‘ਚਿੱਟੇ’ ਹੋ ਰਹੇ ‘ਵਾਲਾਂ’ ਨੂੰ ਇਨ੍ਹਾਂ ਘਰੇਲੂ ਨੁਸਖਿਆਂ ਨਾਲ ਕਰੋ ਮੁੜ ਤੋਂ ‘ਕਾਲਾ’
-ਦੁੱਧ ਨੂੰ ਉਬਾਲਣ ਤੋਂ ਬਾਅਦ ਜ਼ਿਆਦਾ ਦੇਰ ਤੱਕ ਖੁੱਲ੍ਹੇ 'ਚ ਨਾ ਰੱਖੋ।
-ਜਦੋਂ ਦੁੱਧ ਠੰਡਾ ਹੋ ਜਾਵੇ ਤਾਂ ਇਸ ਨੂੰ ਲੰਬੇ ਸਮੇਂ ਤੱਕ ਸੁਰੱਖਿਅਤ ਰੱਖਣ ਲਈ ਫਰਿੱਜ 'ਚ ਰੱਖੋ।
-ਦੁੱਧ ਨੂੰ ਵਾਰ-ਵਾਰ ਗਰਮ ਨਾ ਕਰੋ। ਇਸਨੂੰ ਇੱਕ ਵਾਰ ਉਬਾਲੋ ਅਤੇ ਇਸ ਨੂੰ ਦੁਬਾਰਾ ਉਬਾਲੇ ਬਿਨਾਂ ਹੀ ਇਸਤੇਮਾਲ ਕਰੋ।
-ਦੁੱਧ ਨੂੰ ਉਬਾਲਦੇ ਸਮੇਂ ਇਸ ਨੂੰ ਹਿਲਾਉਂਦੇ ਰਹੋ।
-ਦੁੱਧ ਨੂੰ ਗਰਮ ਕਰਨ ਅਤੇ ਦੁਬਾਰਾ ਗਰਮ ਕਰਨ ਲਈ ਮਾਈਕ੍ਰੋਵੇਵ-ਓਵਨ ਦੀ ਵਰਤੋਂ ਨਾ ਕਰੋ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ