ਕੀ ਤੁਸੀਂ ਵੀ ਨਿੰਬੂ ਪਾਣੀ ਨੂੰ ਸਿਹਤ ਲਈ ਮੰਨਦੇ ਹੋ ਫਾਇਦੇਮੰਦ? ਨਾ ਰੱਖੋ ਭੁਲੇਖਾ

ਹੈਲਥ ਡੈਸਕ- ਨਿੰਬੂ ਪਾਣੀ ਨੂੰ ਸਿਹਤ ਲਈ ਲਾਭਦਾਇਕ ਮੰਨਿਆ ਜਾਂਦਾ ਹੈ। ਇਹ ਸਰੀਰ ਨੂੰ ਹਾਈਡਰੇਟ ਰੱਖਣ ਦਾ ਆਸਾਨ ਤਰੀਕਾ ਹੈ। ਸਾਧਾਰਣ ਪਾਣੀ ਪੀਣ ਦੀ ਬਜਾਏ ਬਹੁਤ ਲੋਕ ਨਿੰਬੂ ਮਿਲਾ ਕੇ ਪੀਣਾ ਪਸੰਦ ਕਰਦੇ ਹਨ ਕਿਉਂਕਿ ਇਸ ਨਾਲ ਸਵਾਦ ਵੀ ਆਉਂਦਾ ਹੈ ਅਤੇ ਪਾਣੀ ਪੀਣ ਦੀ ਆਦਤ ਵੀ ਵਧਦੀ ਹੈ। ਮਾਹਿਰਾਂ ਦੇ ਅਨੁਸਾਰ, ਇਹ ਛੋਟਾ ਜਿਹਾ ਬਦਲਾਅ ਸਰੀਰ ਦੀ ਹਰ ਕੋਸ਼ਿਕਾ ਲਈ ਫਾਇਦਾਮੰਦ ਹੁੰਦਾ ਹੈ। ਪਰ ਜ਼ਰੂਰੀ ਨਹੀਂ ਕਿ ਇਹ ਹਰ ਕਿਸੇ ਲਈ ਸਿਰਫ਼ ਲਾਭਦਾਇਕ ਹੀ ਹੋਵੇ।

ਵਿਟਾਮਿਨ C ਦਾ ਕੁਦਰਤੀ ਸਰੋਤ

ਨਿੰਬੂ 'ਚ ਵਿਟਾਮਿਨ C ਵੱਧ ਮਾਤਰਾ 'ਚ ਹੁੰਦਾ ਹੈ ਜੋ ਇਮਿਊਨ ਸਿਸਟਮ ਅਤੇ ਚਮੜੀ ਦੀ ਸਿਹਤ ਲਈ ਬਹੁਤ ਚੰਗਾ ਹੈ। ਹਾਲਾਂਕਿ ਇਕ ਗਲਾਸ ਨਿੰਬੂ ਪਾਣੀ ਨਾਲ ਪੂਰੇ ਦਿਨ ਦੀ ਵਿਟਾਮਿਨ C ਦੀ ਲੋੜ ਪੂਰੀ ਨਹੀਂ ਹੁੰਦੀ, ਪਰ ਇਹ ਸਵੇਰ ਦੇ ਸਮੇਂ ਹਲਕੀ ਖੁਰਾਕ ਵਰਗਾ ਕੰਮ ਕਰਦਾ ਹੈ। ਕੁਝ ਲੋਕਾਂ ਲਈ ਇਹ ਪਾਚਣ ਪ੍ਰਕਿਰਿਆ ਨੂੰ ਵੀ ਬਿਹਤਰ ਬਣਾ ਸਕਦਾ ਹੈ।

ਕਿਵੇਂ ਪੀਣਾ ਚਾਹੀਦਾ ਹੈ?

ਮਾਹਿਰ ਸਲਾਹ ਦਿੰਦੇ ਹਨ ਕਿ ਨਿੰਬੂ ਪਾਣੀ ਨੂੰ ਬਹੁਤ ਜ਼ਿਆਦਾ ਗਰਮ ਨਾ ਕੀਤਾ ਜਾਵੇ। ਉਬਲਦਾ ਪਾਣੀ ਵਿਟਾਮਿਨ C ਨੂੰ ਨਸ਼ਟ ਕਰ ਸਕਦਾ ਹੈ। ਹਲਕਾ ਗਰਮ ਪਾਣੀ, ਜਿਸ ਨੂੰ ਆਰਾਮ ਨਾਲ ਪੀਤਾ ਜਾ ਸਕੇ, ਸਭ ਤੋਂ ਵਧੀਆ ਹੈ।

ਇਨ੍ਹਾਂ ਲਈ ਖਤਰਨਾਕ ਹੋ ਸਕਦਾ ਹੈ

ਜਿਨ੍ਹਾਂ ਨੂੰ ਐਸਿਡ ਰਿਫਲਕਸ ਦੀ ਸਮੱਸਿਆ ਹੈ, ਉਨ੍ਹਾਂ ਲਈ ਨਿੰਬੂ ਪਾਣੀ ਹਾਨੀਕਾਰਕ ਹੋ ਸਕਦਾ ਹੈ। ਇਸ ਦਾ ਐਸਿਡਿਕ ਸੁਭਾਅ ਪੇਟ ਦਰਦ ਅਤੇ ਜਲਣ ਪੈਦਾ ਕਰ ਸਕਦਾ ਹੈ। ਇਸ ਲਈ ਆਪਣੀ ਸਿਹਤ ਅਨੁਸਾਰ ਹੀ ਇਸ ਦਾ ਸੇਵਨ ਕਰੋ।

ਦੰਦਾਂ ਨੂੰ ਨੁਕਸਾਨ

ਨਿੰਬੂ ਪਾਣੀ ਦਾ ਨਿਯਮਿਤ ਸੇਵਨ ਦੰਦਾਂ ਦੇ ਇਨੇਮਲ ਨੂੰ ਕਮਜ਼ੋਰ ਕਰ ਸਕਦਾ ਹੈ। ਇਸ ਤੋਂ ਬਚਾਅ ਲਈ ਸਟ੍ਰਾ ਨਾਲ ਪੀਓ ਜਾਂ ਪੀਣ ਤੋਂ ਬਾਅਦ ਸਾਫ਼ ਪਾਣੀ ਨਾਲ ਕੁੱਲ੍ਹਾ ਕਰੋ।

ਜਾਦੂਈ ਡ੍ਰਿੰਕ ਨਹੀਂ

ਸਭ ਤੋਂ ਵੱਡਾ ਭਰਮ ਇਹ ਹੈ ਕਿ ਨਿੰਬੂ ਪਾਣੀ ਸਰੀਰ ਨੂੰ ਡਿਟੌਕਸ ਕਰਦਾ ਹੈ। ਮਾਹਿਰਾਂ ਮੁਤਾਬਕ, ਸਾਡਾ ਸਰੀਰ ਲਿਵਰ ਅਤੇ ਕਿਡਨੀ ਰਾਹੀਂ ਆਪਣੇ ਆਪ ਹੀ ਡਿਟੌਕਸ ਕਰਦਾ ਹੈ। ਨਿੰਬੂ ਪਾਣੀ ਸਿਰਫ਼ ਹਾਈਡ੍ਰੇਸ਼ਨ ਅਤੇ ਪਾਚਣ 'ਚ ਮਦਦ ਕਰਦਾ ਹੈ। 

ਨੋਟ– ਇਹ ਆਰਟੀਕਲ ਸਿਰਫ਼ ਆਮ ਜਾਣਕਾਰੀ ਲਈ ਹੈ। ਆਪਣੀ ਖੁਰਾਕ ਵਿੱਚ ਕੋਈ ਬਦਲਾਅ ਕਰਨ, ਕਿਸੇ ਵੀ ਬਿਮਾਰੀ ਨਾਲ ਸਬੰਧਤ ਕੋਈ ਵੀ ਉਪਾਅ ਕਰਨ ਜਾਂ ਕੋਈ ਵੀ ਘਰੇਲੂ ਨੁਸਖਾ ਅਪਣਾਉਣ ਤੋਂ ਪਹਿਲਾਂ ਆਪਣੇ ਡਾਕਟਰ ਦੀ ਸਲਾਹ ਜ਼ਰੂਰ ਲਓ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8