ਅੱਜ ਹੀ ਛੱਡ ਦਿਓ ਇਹ 3 ਆਦਤਾਂ, ਸਿਹਤ ਹੋ ਸਕਦੈ ਵੱਡਾ ਨੁਕਸਾਨ

ਹੈਲਥ ਡੈਸਕ- ਆਪਣੀ ਰੋਜ਼ਾਨਾ ਦੀ ਜ਼ਿੰਦਗੀ 'ਚ ਅਸੀਂ ਅਣਜਾਣੇ 'ਚ ਕੁਝ ਅਜਿਹੀਆਂ ਆਦਤਾਂ ਸ਼ਾਮਲ ਕਰ ਲੈਂਦੇ ਹਨ ਜੋ ਲੰਬੇ ਸਮੇਂ 'ਚ ਸਿਹਤ ਨੂੰ ਨੁਕਸਾਨ ਪਹੁੰਚਾ ਸਕਦੀਆਂ ਹਨ। ਸਿਹਤ ਮਾਹਿਰਾਂ ਨੇ ਅਜਿਹੀਆਂ ਤਿੰਨ ਖ਼ਤਰਨਾਕ ਆਦਤਾਂ ਬਾਰੇ ਚਿਤਾਵਨੀ ਦਿੱਤੀ ਹੈ, ਜਿਸ ਨੂੰ ਹੁਣ ਸੁਧਾਰ ਦੀ ਲੋੜ ਹੈ। ਉਹ ਦੱਸਦੇ ਹਨ ਕਿ ਇਨ੍ਹਾਂ 'ਚ ਤਬਦੀਲੀ ਕਰਕੇ ਤੁਸੀਂ ਆਪਣਾ ਸਰੀਰ ਫਿੱਟ, ਮਨ ਸ਼ਾਂਤ ਅਤੇ ਤੰਦਰੁਸਤ ਰੱਖ ਸਕਦੇ ਹੋ।

1. ਦੁਪਹਿਰ ਦੇ ਖਾਣੇ ਦੇ ਬਾਅਦ ਚਾਹ ਜਾਂ ਕੌਫੀ ਪੀਣਾ

ਸਿਹਤ ਮਾਹਿਰਾਂ ਅਨੁਸਾਰ ਦੁਪਹਿਰ ਦੇ ਭੋਜਨ ਤੋਂ ਬਾਅਦ ਚਾਹ ਜਾਂ ਕੌਫੀ ਨਹੀਂ ਪੀਣੀ ਚਾਹੀਦੀ। ਕੈਫ਼ੀਨ ਅਤੇ ਟੈਨਿਨ ਸਰੀਰ 'ਚ ਘੰਟਿਆਂ ਤੱਕ ਰਹਿੰਦੇ ਹਨ ਅਤੇ ਇਹ ਮੇਲਾਟੋਨਿਨ ਨੂੰ ਦਬਾ ਕੇ ਡੂੰਘੀ ਨੀਂਦ 'ਚ ਰੁਕਾਵਟ ਪੈਦਾ ਕਰਦੇ ਹਨ। ਸਵੇਰੇ ਚਾਹ ਜਾਂ ਕੌਫੀ ਠੀਕ ਹੈ, ਪਰ ਸ਼ਾਮ ਜਾਂ ਰਾਤ ਨੂੰ ਇਹ ਨੀਂਦ ਖਰਾਬ ਕਰ ਸਕਦੇ ਹਨ ਅਤੇ ਥਕਾਵਟ ਵਧਾ ਸਕਦੇ ਹਨ।

2. ਭੋਜਨ ਨੂੰ ਪਚਣ ਦਾ ਸਮਾਂ ਦਿਓ

ਜੇ ਤੁਸੀਂ ਭੋਜਨ ਦੇ ਵਿਚਕਾਰ ਕੁਝ ਖਾਂਦੇ ਰਹਿੰਦੇ ਹੋ ਤਾਂ ਇਹ ਸਰੀਰ ਲਈ ਗਲਤ ਹੈ। ਇਸ ਨਾਲ ਬਲੱਡ ਸ਼ੂਗਰ ਅਤੇ ਇਨਸੁਲਿਨ ਦਾ ਲੈਵਲ ਉੱਪਰ-ਥੱਲੇ ਹੁੰਦਾ ਹੈ, ਜੋ ਹਾਰਮੋਨਲ ਸਿਸਟਮ 'ਤੇ ਦਬਾਅ ਪਾਉਂਦਾ ਹੈ। ਇਸ ਕਾਰਨ ਭਾਰ 'ਚ ਵਾਧਾ, ਮੂਡ ਸਵਿੰਗਜ਼ ਅਤੇ ਇਨਸੁਲਿਨ ਰੇਜ਼ਿਸਟੈਂਸ ਦਾ ਖ਼ਤਰਾ ਵੱਧ ਜਾਂਦਾ ਹੈ। ਇਸ ਲਈ ਅਗਲੇ ਭੋਜਨ ਤੱਕ ਸਰੀਰ ਨੂੰ ਪਚਾਉਣ ਦਾ ਸਮਾਂ ਦਿਓ।

3. ਪੈਕੇਜਡ ਜਾਂ ਪ੍ਰੋਸੈਸਡ ਫੂਡ ਤੋਂ ਬਚੋ

ਸਿਹਤ ਮਾਹਿਰ ਦੱਸਦੇ ਹਨ ਕਿ ਪ੍ਰੋਸੈਸਡ, ਪੈਕੇਜਡ ਜਾਂ ਰੈਡੀ-ਟੂ-ਈਟ ਖਾਣਾ ਸੁਵਿਧਾਜਨਕ ਹੋਣ ਦੇ ਬਾਵਜੂਦ ਸਿਹਤ ਲਈ ਹਾਨੀਕਾਰਕ ਹੈ। ਇਨ੍ਹਾਂ 'ਚ ਰਿਫਾਇੰਡ ਤੇਲ, ਵਾਧੂ ਸੋਡੀਅਮ ਅਤੇ ਰਸਾਇਣਕ ਪ੍ਰੀਜ਼ਰਵੇਟਿਵ ਹੁੰਦੇ ਹਨ ਜੋ ਸਮੇਂ ਦੇ ਨਾਲ ਅੰਤੜੀਆਂ, ਦਿਲ ਅਤੇ ਦਿਮਾਗ ਨੂੰ ਨੁਕਸਾਨ ਪਹੁੰਚਾ ਸਕਦੇ ਹਨ। ਤਾਜ਼ਾ ਘਰੇਲੂ ਭੋਜਨ ਸਭ ਤੋਂ ਸਿਹਤਮੰਦ ਹੈ।

Disclaimer: ਇਹ ਜਾਣਕਾਰੀ ਸਿਰਫ਼ ਆਮ ਜਨਰਲ ਜਾਣਕਾਰੀ ਲਈ ਹੈ। ਕਿਸੇ ਵੀ ਇਲਾਜ ਜਾਂ ਡਾਇਟ ਲਈ ਆਪਣੇ ਡਾਕਟਰ ਨਾਲ ਜ਼ਰੂਰ ਸਲਾਹ ਕਰੋ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8