ਤਾਂਬੇ ਦੇ ਭਾਂਡੇ ''ਚ ਪਾਣੀ ਪੀਣਾ ਸਿਹਤ ਲਈ ਲਾਭਕਾਰੀ, ਪਰ ਇਨ੍ਹਾਂ ਲੋਕਾਂ ਲਈ ਪਰਹੇਜ਼ ਵੀ ਜ਼ਰੂਰੀ

ਹੈਲਥ ਡੈਸਕ- ਕਈ ਵਾਰ ਤੁਸੀਂ ਆਪਣੇ ਵੱਡੇ-ਬੁਜ਼ੁਰਗਾਂ ਨੂੰ ਤਾਂਬੇ ਦੇ ਭਾਂਡੇ 'ਚ ਪਾਣੀ ਪੀਂਦੇ ਦੇਖਦੇ ਹੋ, ਪਰ ਕੀ ਤੁਸੀਂ ਕਦੇ ਇਹ ਸਵਾਲ ਕੀਤਾ ਕਿ ਇਸ ਦੇ ਪਿਛੇ ਕਿਹੜੀ ਸਾਇੰਟੀਫਿਕ ਵਜ੍ਹਾ ਹੈ? ਆਯੂਰਵੈਦ ਮੁਤਾਬਕ ਤਾਂਬੇ ਦੇ ਭਾਂਡੇ 'ਚ ਪਾਣੀ ਪੀਣਾ ਸਿਹਤ ਲਈ ਬੇਹੱਦ ਲਾਭਕਾਰੀ ਹੈ। ਇਸ ਪਾਣੀ ਦੇ ਬਹੁਤ ਸਾਰੇ ਫਾਇਦੇ ਹਨ। ਆਓ ਜਾਣਦੇ ਹਾਂ ਤਾਂਬੇ ਦੇ ਭਾਂਡੇ 'ਚ ਪਾਣੀ ਦੇ ਫ਼ਾਇਦੇ ਅਤੇ ਕਿਹੜੇ ਲੋਕਾਂ ਨੂੰ ਇਸ ਤੋਂ ਬਚਣਾ ਚਾਹੀਦਾ। 

ਪਾਚਨ ਸੰਬੰਧੀ ਸਮੱਸਿਆਵਾਂ

ਤਾਂਬੇ ਦੇ ਭਾਂਡੇ 'ਚ ਪਾਣੀ ਪੀਣ ਨਾਲ ਪੇਟ ਦੀਆਂ ਸਮੱਸਿਆਵਾਂ ਜਿਵੇਂ ਗੈਸ, ਐਸੀਡਿਟੀ ਅਤੇ ਕਬਜ਼ ਤੋਂ  ਰਾਹਤ ਮਿਲਦੀ ਹੈ। ਆਯੂਰਵੈਦ 'ਚ ਇਸ ਨੂੰ ਪਾਚਨ ਤੰਤਰ ਨੂੰ ਮਜ਼ਬੂਤ ਕਰਨ ਦੇ ਲਈ ਜਿਵੇਂ ਅਮ੍ਰਿਤ ਮੰਨਿਆ ਗਿਆ ਹੈ।

ਬੈਕਟੀਰੀਅਲ ਇਨਫੈਕਸ਼ਨ ਤੋਂ ਬਚਾਅ

ਤਾਂਬਾ ਇਕ ਕੁਦਰਤੀ ਐਂਟੀ-ਬੈਕਟੀਰੀਆਲ ਧਾਤੂ ਹੈ ਜੋ ਪਾਣੀ 'ਚ ਮੌਜੂਦ ਹਾਨੀਕਾਰਕ ਬੈਕਟੀਰੀਆ ਨੂੰ ਨਸ਼ਟ ਕਰ ਦਿੰਦਾ ਹੈ। ਇਸ ਨਾਲ ਬੈਕਟੀਰੀਅਲ ਇਨਫੈਕਸ਼ਨ ਤੋਂ ਬਚਾਅ ਹੁੰਦਾ ਹੈ, ਖਾਸ ਕਰਕੇ ਮਾਨਸੂਨ ਦੇ ਮੌਸਮ 'ਚ।

ਇਹ ਵੀ ਪੜ੍ਹੋ : ਸਾਲ ਦਾ ਆਖਰੀ ਸੂਰਜ ਗ੍ਰਹਿਣ, ਭਾਰਤ 'ਚ ਦਿਖਾਈ ਦੇਵੇਗਾ ਜਾਂ ਨਹੀਂ, ਲੱਗੇਗਾ ਸੂਤਕ ਕਾਲ, ਜਾਣੋ ਹਰ ਸਵਾਲ ਦਾ ਜਵਾਬ

ਮੁਹਾਸਿਆਂ ਤੋਂ ਰਾਹਤ

ਤਾਂਬੇ ਦੇ ਪਾਣੀ 'ਚ ਮੌਜੂਦ ਐਂਟੀ ਆਕਸੀਡੈਂਟ ਅਤੇ ਐਂਟੀ ਇੰਫਲਾਮੇਟਰੀ ਗੁਣ ਸਕਿਨ ਨੂੰ ਹੈਲਥੀ ਬਣਾਉਂਦੇ ਹਨ ਅਤੇ ਮੁਹਾਸਿਆਂ, ਦਾਗ-ਧਬੇ ਅਤੇ ਜ਼ਖ਼ਮਾਂ ਤੋਂ ਬਚਾਉਂਦੇ ਹਨ।

ਆਥਰਾਈਟਿਸ ਅਤੇ ਜੋੜਾਂ ਦਾ ਦਰਦ

ਤਾਂਬਾ ਐਂਟੀ–ਇੰਫਲਾਮੇਟਰੀ ਹੈ, ਜੋ ਆਥਰਾਈਟਿਸ (ਗਠੀਆ) ਅਤੇ ਜੋੜਾਂ ਦੇ ਦਰਦ ਨੂੰ ਘਟਾਉਂਦਾ ਹੈ ਅਤੇ ਹੱਡੀਆਂ ਨੂੰ ਮਜ਼ਬੂਤ ਕਰਨ 'ਚ ਮਦਦ ਕਰਦਾ ਹੈ।

ਇਹ ਵੀ ਪੜ੍ਹੋ : Airtel ਨੇ ਲਾਂਚ ਕੀਤਾ ਸਭ ਤੋਂ ਜੁਗਾੜੂ ਪਲਾਨ, 16 ਰੁਪਏ 'ਚ ਰੋਜ਼ ਮਿਲੇਗਾ 4GB ਡਾਟਾ ਤੇ...

ਕਿਸੇ ਨੂੰ ਨਹੀਂ ਪੀਣਾ ਚਾਹੀਦਾ ਤਾਂਬੇ ਦੇ ਭਾਂਡੇ 'ਚ ਪਾਣੀ?

ਜੇਕਰ ਕਿਸੇ ਨੂੰ ਵਿਲਸਨ ਡਿਜੀਜ਼ ਹੋਵੇ ਜਾਂ ਲਿਵਰ ਜਾਂ ਕਿਡਨੀ ਦੀਆਂ ਗੰਭੀਰ ਸਮੱਸਿਆਵਾਂ ਹੋਣ, ਤਾਂ ਉਨ੍ਹਾਂ ਨੂੰ ਤਾਂਬੇ ਦੇ ਭਾਂਡੇ 'ਚ ਪਾਣੀ ਨਹੀਂ ਪੀਣਾ ਚਾਹੀਦਾ। ਇਹ ਪਾਣੀ ਕਾਪਰ ਦੇ ਜਮਾਵ ਦਾ ਕਾਰਣ ਬਣ ਸਕਦਾ ਹੈ। ਨਾਲ ਹੀ ਜ਼ਿਆਦਾ ਪੀਣ ਨਾਲ ਉਲਟੀ, ਦਸਤ ਅਤੇ ਪੇਟ ਦਰਦ ਵਰਗੀਆਂ ਸਮੱਸਿਆਵਾਂ ਵੀ ਹੋ ਸਕਦੀਆਂ ਹਨ।

ਧਿਆਨ ਰੱਖਣ ਯੋਗ ਗੱਲਾਂ

• ਪਾਣੀ ਨੂੰ ਘੱਟ ਤੋਂ ਘੱਟ 6-8 ਘੰਟਿਆਂ ਤੱਕ ਰੱਖੋ ਤਾਂ ਕਿ ਸਹੀ ਪੋਸ਼ਣ ਮਿਲ ਸਕੇ।
• ਤਾਂਬੇ ਦੇ ਭਾਂਡੇ ਨੂੰ ਰੋਜ਼ ਸਾਫ ਕਰੋ, ਤਾਂ ਕਿ ਉਸ 'ਚ ਹਰੀ ਲਗਣ ਵਾਲੀ ਪਰਤ ਨਾ ਬਣੇ।
• ਪੀਣ ਵਾਲੇ ਪਾਣੀ ਦੀ ਮਾਤਰਾ ਨੂੰ ਸੀਮਿਤ ਰੱਖੋ, ਜ਼ਿਆਦਾ ਪੀਣ ਨਾਲ ਨੁਕਸਾਨ ਹੋ ਸਕਦਾ ਹੈ, ਇਕ ਤੋਂ ਦੋ ਗਿਲਾਸ ਰੋਜ਼ਾਨਾ ਪੀਣਾ ਕਾਫੀ ਹੁੰਦਾ ਹੈ।

ਬੱਚੇ ਅਤੇ ਗਰਭਵਤੀ ਔਰਤਾਂ ਲਈ ਸਾਵਧਾਨੀ

ਬੱਚਿਆਂ ਅਤੇ ਗਰਭਵਤੀ ਔਰਤਾਂ ਨੂੰ ਡਾਕਟਰੀ ਸਲਾਹ ਤੋਂ ਬਿਨਾਂ ਤਾਂਬੇ ਦੇ ਪਾਣੀ ਦਾ ਸੇਵਨ ਨਹੀਂ ਕਰਨਾ ਚਾਹੀਦਾ।

Disclaimer: ਇਹ ਜਾਣਕਾਰੀ ਸਿਰਫ਼ ਆਮ ਜਨਰਲ ਜਾਣਕਾਰੀ ਲਈ ਹੈ। ਕਿਸੇ ਵੀ ਇਲਾਜ ਜਾਂ ਡਾਇਟ ਲਈ ਆਪਣੇ ਡਾਕਟਰ ਨਾਲ ਜ਼ਰੂਰ ਸਲਾਹ ਕਰੋ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8