ਬੱਚੇ ਨੂੰ ਬੁਖ਼ਾਰ ਹੋਣ ''ਤੇ ਮਾਪੇ ਹਮੇਸ਼ਾ ਕਰਦੇ ਹਨ ਇਹ 4 ਗਲਤੀਆਂ, ਸਿਹਤ ''ਤੇ ਪੈ ਸਕਦੈ ਬੁਰਾ ਅਸਰ

ਹੈਲਥ ਡੈਸਕ- ਬੱਚਿਆਂ ਨੂੰ ਬੁਖਾਰ ਹੋਣਾ ਇਕ ਆਮ ਸਮੱਸਿਆ ਹੈ, ਪਰ ਕਈ ਵਾਰੀ ਮਾਪੇ ਛੋਟੀਆਂ-ਛੋਟੀਆਂ ਗਲਤੀਆਂ ਕਰਕੇ ਬੱਚੇ ਦੀ ਸਿਹਤ ਹੋਰ ਖ਼ਰਾਬ ਕਰ ਦਿੰਦੇ ਹਨ। ਸਹੀ ਦੇਖਭਾਲ ਨਾ ਹੋਣ 'ਤੇ ਬੁਖਾਰ ਗੰਭੀਰ ਸਥਿਤੀ 'ਚ ਬਦਲ ਸਕਦਾ ਹੈ। ਇਸ ਲਈ ਇਹ ਜਾਣਨਾ ਜ਼ਰੂਰੀ ਹੈ ਕਿ ਬੁਖਾਰ ਦੌਰਾਨ ਕਿਹੜੀਆਂ ਗਲਤੀਆਂ ਤੋਂ ਬਚਣਾ ਚਾਹੀਦਾ ਹੈ ਤਾਂ ਜੋ ਬੱਚੇ ਦੀ ਸਿਹਤ ਸੁਰੱਖਿਅਤ ਰਹੇ ਅਤੇ ਉਹ ਜਲਦੀ ਠੀਕ ਹੋ ਸਕੇ।

ਇਹ ਵੀ ਪੜ੍ਹੋ : ਛਾਤੀ 'ਚ ਦਰਦ ਹੀ ਨਹੀਂ, ਇਹ 5 ਲੱਛਣ ਵੀ ਹੋ ਸਕਦੇ ਹਨ ਹਾਰਟ ਅਟੈਕ ਦੇ ਕਾਰਨ, ਸਮੇਂ ਰਹਿੰਦੇ ਕਰੋ ਪਛਾਣ

1. ਏਸੀ ਅਤੇ ਪੱਖਾ ਬੰਦ ਕਰ ਦੇਣਾ

ਬੁਖਾਰ ਹੋਣ 'ਤੇ ਮਾਪੇ ਅਕਸਰ ਫੈਨ ਜਾਂ ਏਸੀ ਬੰਦ ਕਰ ਦਿੰਦੇ ਹਨ ਤਾਂ ਕਿ ਪਸੀਨਾ ਆਏ ਅਤੇ ਬੁਖਾਰ ਘਟੇ। ਇਹ ਠੀਕ ਤਰੀਕਾ ਨਹੀਂ ਹੈ। ਲੰਬੇ ਸਮੇਂ ਲਈ ਘਰ ਦਾ ਤਾਪਮਾਨ ਜ਼ਿਆਦਾ ਰਹਿਣ ਨਾਲ ਬੱਚੇ ਦੀ ਤਕਲੀਫ਼ ਵੱਧ ਸਕਦੀ ਹੈ। ਜੇ ਬੱਚੇ ਨੂੰ ਕੰਬਣੀ ਜਾਂ ਠੰਡ ਮਹਿਸੂਸ ਹੋ ਰਹੀ ਹੋਵੇ ਤਾਂ ਕੁਝ ਸਮੇਂ ਲਈ ਫੈਨ ਜਾਂ ਏਸੀ ਬੰਦ ਕੀਤਾ ਜਾ ਸਕਦਾ ਹੈ, ਪਰ ਇਸ ਨੂੰ ਲਗਾਤਾਰ ਬੰਦ ਰੱਖਣਾ ਨੁਕਸਾਨਦਾਇਕ ਹੈ। ਸਹੀ ਤਾਪਮਾਨ ਬਣਾਈ ਰੱਖਣਾ ਬੁਖਾਰ ਦੌਰਾਨ ਬੱਚੇ ਲਈ ਜ਼ਰੂਰੀ ਹੈ।

2. ਬੱਚੇ ਨੂੰ ਵੱਧ ਕੱਪੜੇ ਜਾਂ ਚਾਦਰ ਦੇਣਾ

ਬੁਖਾਰ ਦੌਰਾਨ ਮਾਪੇ ਅਕਸਰ ਬੱਚੇ ਨੂੰ ਵੱਧ ਕੱਪੜੇ ਪਹਿਨਾਉਂਦੇ ਜਾਂ ਵੱਧ ਚਾਦਰ ਨਾਲ ਢੱਕ ਦਿੰਦੇ ਹਨ। ਇਹ ਸਭ ਤੋਂ ਆਮ ਗਲਤੀ ਹੈ। ਇਸ ਨਾਲ ਬੱਚੇ ਦੇ ਸਰੀਰ 'ਚ ਗਰਮੀ ਟ੍ਰੈਪ ਹੋ ਜਾਂਦੀ ਹੈ ਅਤੇ ਬਾਹਰ ਨਹੀਂ ਨਿਕਲ ਪਾਉਂਦੀ। ਬੁਖਾਰ ਘਟਾਉਣ ਲਈ ਸਰੀਰ ਦੀ ਗਰਮੀ ਬਾਹਰ ਕੱਢਣਾ ਜ਼ਰੂਰੀ ਹੈ। ਇਸ ਲਈ ਬੱਚੇ ਨੂੰ ਹਲਕੇ ਕੱਪੜੇ ਅਤੇ ਹਲਕੀ ਚਾਦਰ ਦਿਓ।

ਇਹ ਵੀ ਪੜ੍ਹੋ : Activa ਅਤੇ Splendor ਦੀਆਂ ਕੀਮਤਾਂ 'ਚ ਆਈ ਭਾਰੀ ਗਿਰਾਵਟ, ਜਾਣੋ ਕਿੰਨੇ ਹੋਏ ਸਸਤੇ

3. ਜ਼ਬਰਦਸਤੀ ਖਾਣਾ ਖੁਆਉਣਾ

ਬੁਖਾਰ ਦੌਰਾਨ ਕਈ ਮਾਪੇ ਬੱਚੇ ਨੂੰ ਜ਼ਬਰਦਸਤੀ ਖਾਣਾ ਖੁਆਉਂਦੇ ਹਨ। ਇਹ ਵੀ ਇਕ ਵੱਡੀ ਗਲਤੀ ਹੈ। ਬੱਚੇ ਦਾ ਸਰੀਰ ਇਸ ਸਮੇਂ ਆਰਾਮ ਚਾਹੁੰਦਾ ਹੈ ਅਤੇ ਉਸ ਨੂੰ ਵੱਧ ਖਾਣ ਦੀ ਲੋੜ ਨਹੀਂ ਹੁੰਦੀ। ਮਾਪੇ ਨੂੰ ਸਿਰਫ਼ ਬੱਚੇ ਨੂੰ ਡਿਹਾਈਡਰੇਸ਼ਨ ਤੋਂ ਬਚਾਉਣ 'ਤੇ ਧਿਆਨ ਦੇਣਾ ਚਾਹੀਦਾ ਹੈ। ਇਸ ਲਈ ਬੱਚੇ ਨੂੰ ਭਰਪੂਰ ਮਾਤਰਾ 'ਚ ਓਆਰਐਸ (ORS), ਨਾਰੀਅਲ ਪਾਣੀ ਜਾਂ ਕੋਸਾ ਪਾਣੀ ਪਿਲਾਉਣਾ ਚਾਹੀਦਾ ਹੈ।

4. ਸਰੀਰ ਦੀ ਗਰਮੀ ਘਟਾਉਣ ਦੇ ਤਰੀਕੇ ਭੁੱਲ ਜਾਣਾ

ਬੁਖਾਰ ਦੌਰਾਨ ਬੱਚੇ ਦਾ ਸਰੀਰ ਗਰਮ ਰਹਿੰਦਾ ਹੈ। ਮਾਪੇ ਅਕਸਰ ਇਹ ਭੁੱਲ ਜਾਂਦੇ ਹਨ ਕਿ ਬੁਖਾਰ ਘਟਾਉਣ ਲਈ ਹਲਕੀ ਸਪੰਜਿੰਗ ਜਾਂ ਕੋਸੇ ਪਾਣੀ ਨਾਲ ਸਰੀਰ ਦੀ ਗਰਮੀ ਘਟਾਉਣਾ ਬਹੁਤ ਜ਼ਰੂਰੀ ਹੈ। ਠੰਡੇ ਪਾਣੀ ਜਾਂ ਬਰਫ਼ ਵਰਤਣ ਨਾਲ ਬੱਚੇ ਨੂੰ ਹੋਰ ਸਮੱਸਿਆ ਹੋ ਸਕਦੀ ਹੈ। ਹਲਕੀ ਸਪੰਜਿੰਗ ਬੱਚੇ ਨੂੰ ਆਰਾਮ ਦਿੰਦੀ ਹੈ ਅਤੇ ਬੁਖਾਰ ਕੰਟਰੋਲ 'ਚ ਮਦਦ ਕਰਦੀ ਹੈ।

ਬੁਖਾਰ ਦੌਰਾਨ ਮਾਪਿਆਂ ਨੂੰ ਸਬਰ ਅਤੇ ਸਹੀ ਤਰੀਕੇ ਨਾਲ ਕੰਮ ਕਰਨਾ ਚਾਹੀਦਾ ਹੈ। ਗਲਤ ਉਪਾਅ ਬੱਚੇ ਦੀ ਸਥਿਤੀ ਖ਼ਰਾਬ ਕਰ ਸਕਦੇ ਹਨ, ਜਦੋਂਕਿ ਸਹੀ ਦੇਖਭਾਲ ਅਤੇ ਪੂਰੀ ਹਾਈਡ੍ਰੇਸ਼ਨ ਬੱਚੇ ਨੂੰ ਜਲਦੀ ਠੀਕ ਕਰਨ 'ਚ ਮਦਦ ਕਰਦੇ ਹਨ।

ਨੋਟ– ਇਹ ਆਰਟੀਕਲ ਸਿਰਫ਼ ਆਮ ਜਾਣਕਾਰੀ ਲਈ ਹੈ। ਆਪਣੀ ਖੁਰਾਕ ਵਿੱਚ ਕੋਈ ਬਦਲਾਅ ਕਰਨ, ਕਿਸੇ ਵੀ ਬਿਮਾਰੀ ਨਾਲ ਸਬੰਧਤ ਕੋਈ ਵੀ ਉਪਾਅ ਕਰਨ ਜਾਂ ਕੋਈ ਵੀ ਘਰੇਲੂ ਨੁਸਖਾ ਅਪਣਾਉਣ ਤੋਂ ਪਹਿਲਾਂ ਆਪਣੇ ਡਾਕਟਰ ਦੀ ਸਲਾਹ ਜ਼ਰੂਰ ਲਓ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8