ਨਹੁੰਆਂ ''ਚ ਹੋ ਰਿਹਾ ਬਦਲਾਅ ਤਾਂ ਹੋ ਜਾਓ ਸਾਵਧਾਨ, ਹੋ ਸਕਦੈ ਗੰਭੀਰ ਬੀਮਾਰੀ ਦਾ ਸਿਗਨਲ

ਵੈੱਬ ਡੈਸਕ- ਸਰਦੀ ਦੇ ਮੌਸਮ 'ਚ ਕਈ ਲੋਕਾਂ ਦੇ ਨਹੁੰਆਂ ਦਾ ਰੰਗ ਬਦਲ ਕੇ ਨੀਲਾ ਹੋ ਜਾਂਦਾ ਹੈ। Experts ਦੇ ਅਨੁਸਾਰ, ਜੇ ਨਹੁੰਆਂ ਦਾ ਰੰਗ ਵਾਰ-ਵਾਰ ਬਦਲਦਾ ਹੈ, ਤਾਂ ਇਸ ਨੂੰ ਨਜ਼ਰਅੰਦਾਜ਼ ਨਾ ਕਰੋ। ਨੀਲਾ ਜਾਂ ਜਾਮੁਨੀ ਰੰਗ ਕਿਸੇ ਗੰਭੀਰ ਸਿਹਤ ਸਮੱਸਿਆ ਦਾ ਸੰਕੇਤ ਹੋ ਸਕਦਾ ਹੈ।

ਨਹੁੰ ਨੀਲੇ ਹੋਣ ਦੇ ਮੁੱਖ ਕਾਰਣ

ਆਕਸੀਜਨ ਦੀ ਘਾਟ (Cyanosis)

ਜਦੋਂ ਲਾਲ ਖੂਨ ਦੇ ਸੈੱਲਾਂ 'ਚ ਆਕਸੀਜਨ ਘੱਟ ਹੋਵੇ, ਤਾਂ ਨਹੁੰ ਨੀਲੇ ਹੋ ਸਕਦੇ ਹਨ।

ਲੱਛਣ: ਸਾਹ ਲੈਣ 'ਚ ਮੁਸ਼ਕਲ, ਛਾਤੀ 'ਚ ਦਰਦ, ਸਾਹ ਫੁੱਲਣਾ।

ਜੇ ਨਹੁੰ ਨੀਲੇ ਹੋਣ, ਡਾਕਟਰ ਨੂੰ ਤੁਰੰਤ ਮਿਲੋ।

ਨਿਊਮੋਨੀਆ (Pneumonia)

• ਤੇਜ਼ ਬੁਖਾਰ ਦੇ ਨਾਲ ਨਹੁੰ ਦਾ ਨੀਲਾ ਹੋਣਾ ਨਿਊਮੋਨੀਆ ਦਾ ਸੰਕੇਤ ਹੋ ਸਕਦਾ ਹੈ।
• ਲੱਛਣ : ਤੇਜ਼ ਬੁਖਾਰ ਤੇ ਨਹੁੰ ਅਚਾਨਕ ਨੀਲੇ ਪੈ ਗਏ ਹਨ ਤਾਂ ਨਿਊਮੋਨੀਆ ਟੈਸਟ ਕਰਵਾਓ।
• ਖੂਨ ਦਾ ਸਹੀ ਪ੍ਰਵਾਹ ਨਾ ਹੋਣਾ (Raynaud's Phenomenon)
• ਹੱਥਾਂ ਅਤੇ ਪੈਰਾਂ ਦੀਆਂ ਖੂਨ ਦੀਆਂ ਨਾੜੀਆਂ ਸਖ਼ਤ ਹੋ ਜਾਣ ‘ਤੇ ਨਹੁੰ ਨੀਲੇ ਹੋ ਜਾਂਦੇ ਹਨ।
• ਉਪਾਅ: ਸਰੀਰ ਨੂੰ ਗਰਮ ਰੱਖੋ ਤਾਂ ਕਿ ਖੂਨ ਸਹੀ ਤਰੀਕੇ ਨਾਲ ਪ੍ਰਵਾਹਿਤ ਹੋਵੇ।

ਦਿਲ ਦੀ ਬੀਮਾਰੀ (Heart Disease)

ਜਨਮਜਾਤ ਦਿਲ ਜਾਂ ਖੂਨ ਦੀਆਂ ਨਾੜੀਆਂ 'ਚ ਅਸਾਮਾਨਤਾ ਵਾਲੇ ਲੋਕਾਂ ਦੇ ਨਹੁੰ ਨੀਲੇ ਹੋ ਸਕਦੇ ਹਨ।

ਕਾਰਨ: ਸਰੀਰ 'ਚ ਖੂਨ ਦਾ ਸੰਚਾਰ ਠੀਕ ਨਹੀਂ ਹੋਣਾ ਅਤੇ ਆਕਸੀਜਨ ਦੀ ਘਾਟ।

ਫੇਫੜਿਆਂ ਦੀ ਬੀਮਾਰੀ

ਅਸਥਮਾ, ਤੇਜ਼ ਸਾਹ ਦੀ ਤਕਲੀਫ਼ (Acute Respiratory Distress Syndrome) ਜਾਂ ਫੇਫੜਿਆਂ 'ਚ ਖੂਨ ਦੇ ਥੱਕੇ ਵੀ ਨਹੁੰ ਨੀਲੇ ਕਰ ਸਕਦੇ ਹਨ।

ਨੋਟ: ਅਜਿਹੀ ਸਥਿਤੀ 'ਚ ਡਾਕਟਰ ਤੋਂ ਤੁਰੰਤ ਇਲਾਜ ਕਰਵਾਉਣਾ ਜ਼ਰੂਰੀ ਹੈ।

ਆਮ ਠੰਡ ਦੇ ਕਾਰਨ

ਕਈ ਵਾਰੀ ਜ਼ਿਆਦਾ ਠੰਡ ਦੇ ਕਾਰਨ ਨਹੁੰ ਨੀਲੇ ਹੋ ਜਾਂਦੇ ਹਨ।

ਜੇ ਇਹ ਇਕ-ਦੋ ਵਾਰੀ ਹੁੰਦਾ ਹੈ ਤਾਂ ਚਿੰਤਾ ਦੀ ਲੋੜ ਨਹੀਂ। ਪਰ ਵਾਰ-ਵਾਰ ਨਹੁੰਆਂ ਦਾ ਨੀਲਾ ਪੈਣਾ ਕਿਸੇ ਗੰਭੀਰ ਸਿਹਤ ਸਮੱਸਿਆ ਦਾ ਸਿਗਨਲ ਹੋ ਸਕਦਾ ਹੈ, ਇਸ ਲਈ ਇਸ ਨੂੰ ਅਣਦੇਖਾ ਨਾ ਕਰੋ।

ਕੀ ਕਰਨਾ ਚਾਹੀਦਾ ਹੈ?

• ਨੀਲੇ ਨਹੁੰਆਂ ਦੀ ਸਮੱਸਿਆ ਵਾਰ-ਵਾਰ ਹੋਣ 'ਤੇ ਡਾਕਟਰ ਤੋਂ ਜਾਂਚ ਕਰਵਾਓ।
• ਸਰੀਰ ਨੂੰ ਠੰਡ ਤੋਂ ਬਚਾਓ ਅਤੇ ਖੂਨ ਪ੍ਰਵਾਹ ਨੂੰ ਬਰਕਰਾਰ ਰੱਖੋ।
• ਜੇ ਸਾਹ ਲੈਣ, ਛਾਤੀ ਦਰਦ ਜਾਂ ਤੇਜ਼ ਬੁਖਾਰ ਹੋਵੇ, ਤਾਂ ਤੁਰੰਤ ਡਾਕਟਰੀ ਸਹਾਇਤਾ ਲਵੋ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8