ਉੱਠਣੋ-ਬੈਠਣੋ ਵੀ ਹੋ ਜਾਓਗੇ ਔਖੇ ! ਜੇ ਸਰੀਰ ''ਚ ਦਿਖਣ ਇਹ ਲੱਛਣ ਤਾਂ ਹੋ ਜਾਓ ਸਾਵਧਾਨ, ਨਾ ਕਰਿਓ Ignore

ਹੈਲਥ ਡੈਸਕ- ਕਈ ਲੋਕਾਂ ਨੂੰ ਇਹ ਗਲਤਫਹਿਮੀ ਹੁੰਦੀ ਹੈ ਕਿ ਗਠੀਆ (ਅਰਥਰਾਇਟਿਸ) ਸਿਰਫ਼ ਉਮਰ ਦਰਾਜ਼ ਹੋਣ 'ਤੇ ਹੀ ਹੁੰਦਾ ਹੈ। ਪਰ ਸੱਚਾਈ ਇਹ ਹੈ ਕਿ ਗਠੀਆ ਕਿਸੇ ਵੀ ਉਮਰ 'ਚ ਹੋ ਸਕਦਾ ਹੈ- ਚਾਹੇ ਤੁਸੀਂ ਨੌਜਵਾਨ ਹੋਵੋ ਜਾਂ ਮੱਧ ਉਮਰ ਦੇ। ਇਹ ਬੀਮਾਰੀ ਸਰੀਰ ਦੇ ਜੋੜਾਂ ਨੂੰ ਪ੍ਰਭਾਵਿਤ ਕਰਦੀ ਹੈ ਅਤੇ ਸਮੇਂ ਨਾਲ ਅਸਹਿਣਯੋਗ ਦਰਦ ਦਾ ਕਾਰਨ ਬਣ ਸਕਦੀ ਹੈ।

ਗਠੀਏ ਦੇ ਆਮ ਲੱਛਣ- ਤੁਹਾਨੂੰ ਜਾਣਨਾ ਬਹੁਤ ਜ਼ਰੂਰੀ ਹੈ:

ਜੋੜਾਂ 'ਚ ਦਰਦ

ਜਦੋਂ ਜੋੜਾਂ 'ਚ ਲਗਾਤਾਰ ਜਾਂ ਵਾਰ-ਵਾਰ ਦਰਦ ਮਹਿਸੂਸ ਹੋਵੇ ਤਾਂ ਇਹ ਗਠੀਆ ਦਾ ਪਹਿਲਾ ਸੰਕੇਤ ਹੋ ਸਕਦਾ ਹੈ। ਅਕਸਰ ਲੋਕ ਅਜਿਹਾ ਦਰਦ ਨਜ਼ਰਅੰਦਾਜ਼ ਕਰ ਦਿੰਦੇ ਹਨ ਪਰ ਇਹ ਚਿੰਤਾ ਦਾ ਵਿਸ਼ਾ ਹੋ ਸਕਦਾ ਹੈ।

ਜੋੜਾਂ 'ਚ ਸੋਜ 

ਜੇਕਰ ਤੁਹਾਡੇ ਜੋੜਾਂ 'ਚ ਸੋਜ ਆ ਰਹੀ ਹੈ ਜਾਂ ਛੂਹਣ 'ਤੇ ਗਰਮਾਹਟ ਮਹਿਸੂਸ ਹੋ ਰਹੀ ਹੈ, ਤਾਂ ਇਹ ਵੀ ਗਠੀਆ ਦੀ ਨਿਸ਼ਾਨੀ ਹੋ ਸਕਦੀ ਹੈ। ਇਸ ਦੇ ਨਾਲ-ਨਾਲ ਜੇਕਰ ਜੋੜ ਜ਼ਿਆਦਾ ਲਾਲ ਦਿਖ ਰਹੇ ਹਨ ਜਾਂ ਸੁਜੇ ਹੋਏ ਹਨ, ਤਾਂ ਚੌਕਸ ਹੋ ਜਾਣਾ ਚਾਹੀਦਾ ਹੈ।

ਅਕੜਨ ਅਤੇ ਹਿਲਜੁਲ 'ਚ ਰੁਕਾਵਟ

ਸਵੇਰੇ ਜਾਗਣ 'ਤੇ ਜਾਂ ਬੈਠਣ ਤੋਂ ਉੱਠਣ ਸਮੇਂ ਜੋੜਾਂ ਦੀ ਅਕੜਨ ਮਹਿਸੂਸ ਹੋਣਾ ਵੀ ਗਠੀਆ ਦਾ ਲੱਛਣ ਹੋ ਸਕਦਾ ਹੈ। ਇਹ ਅਕੜਨ ਸਮੇਂ ਦੇ ਨਾਲ ਵੱਧਦੀ ਜਾਂਦੀ ਹੈ।

ਥਕਾਵਟ ਅਤੇ ਕਮਜ਼ੋਰੀ

ਗਠੀਆ ਸਿਰਫ਼ ਦਰਦ ਦੀ ਹੀ ਨਹੀਂ, ਸਰੀਰ 'ਚ ਥਕਾਵਟ ਅਤੇ ਕਮਜ਼ੋਰੀ ਦੀ ਵੀ ਸਮੱਸਿਆ ਪੈਦਾ ਕਰ ਸਕਦਾ ਹੈ। ਇਹ ਲੱਛਣ ਆਮ ਤੌਰ 'ਤੇ ਨਜ਼ਰਅੰਦਾਜ਼ ਕਰ ਦਿੱਤੇ ਜਾਂਦੇ ਹਨ।

ਨਜ਼ਰਅੰਦਾਜ਼ ਨਾ ਕਰੋ– ਹੋ ਸਕਦੀ ਹੈ ਵੱਡੀ ਗਲਤੀ!

ਹੈਲਥ ਮਾਹਿਰਾਂ ਦੇ ਅਨੁਸਾਰ ਜੇਕਰ ਤੁਹਾਡੇ 'ਚ ਇਹ ਸਾਰੇ ਲੱਛਣ ਇਕੋ ਸਮੇਂ ਆ ਰਹੇ ਹਨ, ਤਾਂ ਗਠੀਆ ਹੋਣ ਦੀ ਸੰਭਾਵਨਾ ਕਾਫ਼ੀ ਵੱਧ ਜਾਂਦੀ ਹੈ। ਇਸ ਲਈ ਜਿੰਨੀ ਜਲਦੀ ਹੋ ਸਕੇ, ਡਾਕਟਰੀ ਜਾਂਚ ਕਰਵਾਉਣੀ ਚਾਹੀਦੀ ਹੈ। ਦੇਰੀ ਤੁਹਾਡੇ ਸਿਹਤ ਲਈ ਮਹਿੰਗੀ ਸਾਬਿਤ ਹੋ ਸਕਦੀ ਹੈ।

ਨੋਟ– ਇਹ ਆਰਟੀਕਲ ਸਿਰਫ਼ ਆਮ ਜਾਣਕਾਰੀ ਲਈ ਹੈ। ਆਪਣੀ ਖੁਰਾਕ ਵਿੱਚ ਕੋਈ ਬਦਲਾਅ ਕਰਨ, ਕਿਸੇ ਵੀ ਬਿਮਾਰੀ ਨਾਲ ਸਬੰਧਤ ਕੋਈ ਵੀ ਉਪਾਅ ਕਰਨ ਜਾਂ ਕੋਈ ਵੀ ਘਰੇਲੂ ਨੁਸਖਾ ਅਪਣਾਉਣ ਤੋਂ ਪਹਿਲਾਂ ਆਪਣੇ ਡਾਕਟਰ ਦੀ ਸਲਾਹ ਜ਼ਰੂਰ ਲਓ।