LIVE BUDGET 2021: ਵਿੱਤ ਮੰਤਰੀ ਸੀਤਾਰਮਨ ਨੇ ਪੜ੍ਹਣਾ ਸ਼ੁਰੂ ਕੀਤਾ ਬਜਟ, ਜਾਣੋ ਪਲ-ਪਲ ਦੀ ਅਪਡੇਟ

ਨਵੀਂ ਦਿੱਲੀ- ਵਿੱਤੀ ਸਾਲ 2021-22 ਦਾ ਬਜਟ 1 ਫਰਵਰੀ ਭਾਵ ਅੱਜ ਪੇਸ਼ ਕੀਤਾ ਜਾਣਾ ਹੈ। ਇਹ ਮੋਦੀ ਸਰਕਾਰ ਦੇ ਦੂਜੇ ਕਾਰਜਕਾਲ ਦਾ ਤੀਜਾ ਬਜਟ ਹੋਵੇਗਾ। ਨਿਰਮਲਾ ਸੀਤਾਰਮਨ ਆਪਣਾ ਤੀਜਾ ਬਜਟ ਵਿੱਤ ਮੰਤਰੀ ਵਜੋਂ ਪੇਸ਼ ਕਰਨ ਜਾ ਰਹੀ ਹੈ। ਇਸ ਵਾਰ ਦਾ ਬਜਟ ਕੋਰੋਨਾ ਮਹਾਮਾਰੀ ਅਤੇ ਇਸ ਤੋਂ ਬਾਅਦ ਦੇ ਆਰਥਿਕ ਸੰਕਟ ਕਾਰਨ ਬਹੁਤ ਮਹੱਤਵਪੂਰਨ ਹੋ ਗਿਆ ਹੈ। ਬਜਟ ਵਿਚ ਅਗਲੇ ਵਿੱਤੀ ਵਰ੍ਹੇ ਸਰਕਾਰ ਵਲੋਂ ਕੀਤੇ ਜਾਣ ਵਾਲੇ ਖਰਚਿਆਂ ਦੇ ਨਾਲ-ਨਾਲ ਆਰਥਿਕਤਾ ਨੂੰ ਮਜ਼ਬੂਤ ​​ਕਰਨ ਦੀਆਂ ਘੋਸ਼ਣਾਵਾਂ ਅਤੇ ਹੋਰ ਵਿਵਸਥਾਵਾਂ ਵੀ ਕੀਤੀਆਂ ਜਾਣਗੀਆਂ।

ਵਿੱਤ ਮੰਤਰੀ ਅੱਜ ਸੰਸਦ ਵਿਚ ਦੇਸ਼ ਦਾ ਆਮ ਬਜਟ ਪੇਸ਼ ਕਰਨਗੇ। ਕੋਵਿਡ ਕਾਰਨ ਇਸ ਸਾਲ ਪਹਿਲੀ ਵਾਰ ਬਜਟ ਪੇਪਰ ਰਹਿਤ ਹੋਵੇਗਾ। ਜੇ ਵਿੱਤ ਮੰਤਰਾਲੇ ਦੀ ਮੰਨੀਏ ਤਾਂ ਵਿੱਤ ਮੰਤਰੀ ਮੇਡ-ਇਨ-ਇੰਡੀਆ ਟੈਬਲੇਟ ਰਾਹੀਂ ਬਜਟ ਪੇਸ਼ ਕਰਨਗੇ। ਬਜਟ ਦੀ ਸਾਫਟ ਕਾਪੀ ਆਨਲਾਈਨ ਉਪਲਬਧ ਹੋਵੇਗੀ।

ਲੋਕਾਂ ਦੀਆਂ ਉਮੀਦਾਂ' ਤੇ ਖਰਾ ਉਤਰੇਗਾ ਬਜਟ : ਅਨੁਰਾਗ ਠਾਕੁਰ 
ਬਜਟ ਤੋਂ ਪਹਿਲਾਂ ਕੇਂਦਰੀ ਵਿੱਤ ਰਾਜ ਮੰਤਰੀ ਅਨੁਰਾਗ ਠਾਕੁਰ ਨੇ ਆਪਣੇ ਘਰ ਪੂਜਾ ਅਰਚਨਾ ਕੀਤੀ। ਇਸ ਦੌਰਾਨ ਅਨੁਰਾਗ ਠਾਕੁਰ ਨੇ ਕਿਹਾ, 'ਆਮ ਬਜਟ ਲੋਕਾਂ ਦੀਆਂ ਉਮੀਦਾਂ' ਤੇ ਖਰਾ ਉਤਰੇਗਾ ਹੈ। ਇਹ ਸਵੈ-ਨਿਰਭਰ ਭਾਰਤ ਨੂੰ ਦਿਸ਼ਾ ਦੇਣ ਵਾਲਾ ਹੋਵੇਗਾ। ਇਹ ਜਨਤਾ ਦੀਆਂ ਉਮੀਦਾਂ ਦਾ ਬਜਟ ਹੋਵੇਗਾ।

LIVE UPDATE:

ਨਿਰਮਲਾ ਸੀਤਾਰਮਨ ਪੇਸ਼ ਕਰ ਰਹੀ ਹੈ ਦੇਸ਼ ਦਾ ਬਜਟ

• ਖੇਤੀਬਾੜੀ ਕਾਨੂੰਨਾਂ ਨੂੰ ਲੈ ਕੇ ਹੋ ਰਹੇ ਹੰਗਾਮੇ ਦਰਮਿਆਨ ਵਿੱਤ ਮੰਤਰੀ ਸੀਤਾਰਮਨ ਨੇ ਬਜਟ ਭਾਸ਼ਣ ਦੀ ਕੀਤੀ ਸ਼ੁਰੂਆਤ।
• ਕੋਰੋਨਾ ਆਫ਼ਤ ਦਰਿਮਆਨ ਸਰਕਾਰ ਨੇ ਸਵੈ-ਨਿਰਭਰ ਭਾਰਤ ਪੈਕੇਜ ਲਿਆਂਦਾ
• ਮਹਾਮਾਰੀ 'ਚ 80 ਕਰੋੜ ਲੋਕਾਂ ਨੂੰ ਮੁਫ਼ਤ ਅਨਾਜ ਦਿੱਤਾ
• ਸੰਕਟ ਦਾ ਸਾਹਮਣਾ ਕਰ ਰਹੀ ਹੈ ਗਲੋਬਲ ਆਰਥਿਕਤਾ
• ਨਿਰਮਲਾ ਸੀਤਾਰਮਨ ਨੇ ਕਿਹਾ ਕਿ ਮੋਦੀ ਸਰਕਾਰ ਵੱਲੋਂ ਕੋਰੋਨਾ ਆਫ਼ਤ ਦੌਰਾਨ ਸਵੈ-ਨਿਰਭਰ ਭਾਰਤ ਪੈਕੇਜ ਸਮੇਤ ਕਈ ਯੋਜਨਾਵਾਂ ਦੇਸ਼ ਵਿਚ ਲਿਆਂਦੀਆਂ ਸਨ। ਤਾਂ ਜੋ ਆਰਥਿਕਤਾ ਦੀ ਰਫਤਾਰ ਨੂੰ ਅੱਗੇ ਵਧਾਇਆ ਜਾ ਸਕੇ। ਸਵੈ-ਨਿਰਭਰ ਭਾਰਤ ਪੈਕੇਜ ਵਿਚ ਕੁੱਲ 27.1 ਲੱਖ ਕਰੋੜ ਰੁਪਏ ਜਾਰੀ ਕੀਤੇ ਗਏ ਸਨ। ਇਹ ਸਾਰੇ ਪੰਜ ਮਿਨੀ ਬਜਟ ਦੇ ਸਮਾਨ ਸੀ।
• ਅੱਜ ਭਾਰਤ ਕੋਲ 2 ਟੀਕੇ ਉਪਲਬਧ ਹਨ ਅਤੇ ਅਸੀਂ ਨਾ ਸਿਰਫ ਆਪਣੇ ਨਾਗਰਿਕਾਂ ਨੂੰ ਸਗੋਂ 100 ਜਾਂ ਵੱਧ ਦੇਸ਼ਾਂ ਨੂੰ ਟੀਕੇ ਦੇਣਾ ਸ਼ੁਰੂ ਕਰ ਦਿੱਤਾ ਹੈ। ਜਲਦੀ ਹੀ 2 ਹੋਰ ਟੀਕਿਆਂ ਦੀ ਉਮੀਦ ਹੈ : ਨਿਰਮਲਾ ਸੀਤਾਰਮਨ
• 20 ਸਾਲ ਪੁਰਾਣੇ ਨਿੱਜੀ ਵਾਹਨਾਂ ਲਈ ਸਕ੍ਰੈਪਿੰਗ ਪਾਲਸੀ ਲਾਂਚ
• 15 ਸਾਲ ਪੁਰਾਣੇ ਕਮਰਸ਼ੀਅਲ ਵਾਹਨਾਂ ਲਈ ਸਕ੍ਰੈਪਿੰਗ ਪਾਲਸੀ ਲਾਂਚ
• ਬਜਟ 2021: 75 ਸਾਲ ਤੋਂ ਵੱਧ ਦੇ ਬਜ਼ੁਰਗਾਂ ਨੂੰ ਇਨਕਮ ਟੈਕਸ ਰਿਟਰਨ 'ਚ ਛੋਟ
•  ਸ਼ਹਿਰੀ ਜਲਜੀਵਨ ਮਿਸ਼ਨ 'ਤੇ 2.87 ਕਰੋੜ ਰੁਪਏ ਖ਼ਰਚੇਗੀ ਸਰਕਾਰ
• ਬਜਟ 2021 : ਟੀਕਾਕਰਨ 'ਤੇ 35,000 ਕਰੋੜ ਰੁਪਏ ਖ਼ਰਚੇਗੀ ਸਰਕਾਰ
• ਸਰਕਾਰ ਨੇ ਸਿਹਤ ਬਜਟ ਵਧਾ ਕੇ 2.23 ਲੱਖ ਕਰੋੜ ਰੁ: ਕੀਤਾ
• ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਦੇ ਬਜਟ ਭਾਸ਼ਣ ਵਿਚ ਦੱਸਿਆ ਗਿਆ ਸੀ ਕਿ ਦੇਸ਼ ਵਿਚ 7 ਟੈਕਸਟਾਈਲ ਪਾਰਕ ਬਣਾਏ ਜਾਣਗੇ, ਤਾਂ ਜੋ ਭਾਰਤ ਇਸ ਖੇਤਰ ਵਿਚ ਨਿਰਯਾਤ ਕਰਨ ਵਾਲਾ ਦੇਸ਼ ਬਣੇ। ਇਹ ਪਾਰਕ ਤਿੰਨ ਸਾਲਾਂ ਵਿਚ ਬਣ ਜਾਣਗੇ। ਵਿੱਤ ਮੰਤਰੀ ਦੀ ਤਰਫੋਂ, ਵਿਕਾਸ ਵਿੱਤੀ ਇੰਸਟੀਚਿਊਟ (ਡੀ.ਐੱਫ.ਆਈ.) ਸਥਾਪਤ ਕਰਨ ਦਾ ਐਲਾਨ ਕੀਤਾ ਗਿਆ, ਜਿਸ 'ਤੇ ਤਿੰਨ ਸਾਲਾਂ ਦੇ ਅੰਦਰ 5 ਲੱਖ ਕਰੋੜ ਰੁਪਏ ਦੇ ਉਧਾਰੀ ਪ੍ਰਾਜੈਕਟ ਹੋਣਗੇ।
• ਬਜਟ ਵਿਚ ਐਲਾਨ ਕੀਤਾ ਗਿਆ ਹੈ ਕਿ ਰੇਲਵੇ, ਐਨਐਚਏਆਈ, ਏਅਰਪੋਰਟ ਅਥਾਰਟੀ ਕੋਲ ਹੁਣ ਆਪਣੇ ਪੱਧਰ 'ਤੇ ਬਹੁਤ ਸਾਰੇ ਪ੍ਰਾਜੈਕਟਾਂ ਨੂੰ ਪਾਸ ਕਰਨ ਦੀ ਤਾਕਤ ਹੋਵੇਗੀ। ਵਿੱਤ ਮੰਤਰੀ ਨੇ ਪੂੰਜੀਗਤ ਖਰਚਿਆਂ ਲਈ 5 ਲੱਖ ਤੋਂ ਵੱਧ ਕੋਰਡ਼ ਦੇ ਬਜਟ ਦਾ ਐਲਾਨ ਕੀਤਾ। ਇਹ ਐਲਾਨ ਪਿਛਲੇ ਬਜਟ ਨਾਲੋਂ 30 ਪ੍ਰਤੀਸ਼ਤ ਵਧੇਰੇ ਹੈ। ਇਸ ਤੋਂ ਇਲਾਵਾ ਦੋ ਲੱਖ ਕਰੋੜ ਰੁਪਏ ਵਾਧੂ ਰਾਜ ਅਤੇ ਸੁਤੰਤਰ ਸੰਸਥਾਵਾਂ ਨੂੰ ਵੀ ਦਿੱਤੇ ਜਾਣਗੇ।
• ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਆਪਣੇ ਬਜਟ ਭਾਸ਼ਣ ਵਿਚ ਸਵੈ-ਨਿਰਭਰ ਤੰਦਰੁਸਤ ਭਾਰਤ ਯੋਜਨਾ ਦੀ ਘੋਸ਼ਣਾ ਕੀਤੀ। ਇਸ ਵਾਸਤੇ ਸਰਕਾਰ ਵੱਲੋਂ 64180 ਕਰੋੜ ਰੁਪਏ ਦਿੱਤੇ ਗਏ ਹਨ ਅਤੇ ਸਿਹਤ ਬਜਟ ਵਿਚ ਵਾਧਾ ਕੀਤਾ ਗਿਆ ਹੈ। ਇਸ ਦੇ ਨਾਲ ਸਰਕਾਰ ਦੁਆਰਾ ਭਾਰਤ ਵਿਚ WHO ਦੇ ਸਥਾਨਕ ਮਿਸ਼ਨ ਦੀ ਸ਼ੁਰੂਆਤ ਕੀਤੀ ਜਾਏਗੀ। ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਸਵੱਛ ਭਾਰਤ ਮਿਸ਼ਨ ਨੂੰ ਅੱਗੇ ਵਧਾਉਣ ਦਾ ਐਲਾਨ ਕੀਤਾ। ਇਸ ਦੇ ਤਹਿਤ ਸ਼ਹਿਰਾਂ ਵਿਚ ਅੰਮ੍ਰਿਤ ਸਕੀਮ ਲਈ 2,87,000 ਕਰੋੜ ਰੁਪਏ ਜਾਰੀ ਕੀਤੇ ਗਏ । ਇਸਦੇ ਨਾਲ, ਵਿੱਤ ਮੰਤਰੀ ਦੁਆਰਾ ਮਿਸ਼ਨ ਪੋਸ਼ਣ 2.0 ਦਾ ਐਲਾਨ ਕੀਤਾ ਗਿਆ ਹੈ। ਨਿਰਮਲਾ ਸੀਤਾਰਮਨ ਦੁਆਰਾ ਕੋਰੋਨਾ ਟੀਕੇ ਲਈ 35 ਹਜ਼ਾਰ ਕਰੋੜ ਰੁਪਏ ਦਾ ਐਲਾਨ ਕੀਤਾ ਗਿਆ ਸੀ। ਵਿੱਤ ਮੰਤਰੀ ਨੇ ਕਿਹਾ ਕਿ ਸਿਹਤ ਖੇਤਰ ਦੇ ਬਜਟ ਵਿਚ 137 ਪ੍ਰਤੀਸ਼ਤ ਦਾ ਵਾਧਾ ਕੀਤਾ ਗਿਆ ਹੈ।
• ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਕਿਹਾ ਕਿ ਰਾਸ਼ਟਰੀ ਰੇਲ ਯੋਜਨਾ 2030 ਤਿਆਰ ਹੈ। ਰੇਲਵੇ ਨੂੰ ਕੁੱਲ 1.10 ਲੱਖ ਕਰੋੜ ਰੁਪਏ ਦਾ ਬਜਟ ਦਿੱਤਾ ਗਿਆ ਹੈ। ਭਾਰਤੀ ਰੇਲਵੇ ਤੋਂ ਇਲਾਵਾ ਮੈਟਰੋ, ਸਿਟੀ ਬੱਸ ਸਰਵਿਸ ਵਧਾਉਣ 'ਤੇ ਧਿਆਨ ਦਿੱਤਾ ਜਾਵੇਗਾ। ਇਸ ਦੇ ਲਈ 18 ਹਜ਼ਾਰ ਕਰੋੜ ਰੁਪਏ ਦੀ ਲਾਗਤ ਆਵੇਗੀ। ਹੁਣ ਮੈਟਰੋ ਲਾਈਟਾਂ ਲਿਆਉਣ 'ਤੇ ਜ਼ੋਰ ਦਿੱਤਾ ਜਾ ਰਿਹਾ ਹੈ। ਕੋਚੀ, ਬੰਗਲੌਰ, ਚੇਨਈ, ਨਾਗਪੁਰ, ਨਾਸਿਕ ਵਿਚ ਮੈਟਰੋ ਪ੍ਰਾਜੈਕਟ ਨੂੰ ਉਤਸ਼ਾਹਤ ਕਰਨ ਦਾ ਐਲਾਨ ਕੀਤਾ ਗਿਆ ਸੀ।
• ਤਾਮਿਲਨਾਡੂ ਵਿਚ ਰਾਸ਼ਟਰੀ ਰਾਜਮਾਰਗ ਪ੍ਰਾਜੈਕਟ (1.03 ਲੱਖ ਕਰੋੜ), ਇਸ ਵਿਚ ਹੀ ਆਰਥਿਕ ਗਲਿਆਰੇ ਬਣਾਏ ਜਾਣਗੇ। ਕੇਰਲ ਵਿਚ 65 ਹਜ਼ਾਰ ਕਰੋੜ ਦੇ ਰਾਸ਼ਟਰੀ ਰਾਜਮਾਰਗਾਂ ਦਾ ਨਿਰਮਾਣ ਕੀਤਾ ਜਾਏਗਾ, ਮੁੰਬਈ-ਕੰਨਿਆਕੁਮਾਰੀ ਆਰਥਿਕ ਗਲਿਆਰਾ ਦਾ ਐਲਾਨ ਕੀਤਾ। ਪੱਛਮੀ ਬੰਗਾਲ ਵਿਚ ਵੀ ਕੋਲਕਾਤਾ-ਸਿਲੀਗੁੜੀ ਲਈ ਰਾਸ਼ਟਰੀ ਰਾਜਮਾਰਗ ਪ੍ਰਾਜੈਕਟ ਦੀ ਘੋਸ਼ਣਾ। ਵਿੱਤ ਮੰਤਰੀ ਨੇ ਅਗਲੇ ਤਿੰਨ ਸਾਲਾਂ ਵਿਚ ਅਸਾਮ ਵਿਚ ਹਾਈਵੇਅ ਅਤੇ ਆਰਥਿਕ ਗਲਿਆਰੇ ਦੀ ਘੋਸ਼ਣਾ ਕੀਤੀ।
• ਬਿਜਲੀ ਖੇਤਰ ਲਈ ਵੀ ਐਲਾਨ ਕੀਤਾ ਗਿਆ ਸੀ। ਸਰਕਾਰ ਵੱਲੋਂ 3 ਲੱਖ ਕਰੋੜ ਰੁਪਏ ਤੋਂ ਵੱਧ ਦੀ ਲਾਗਤ ਵਾਲੀ ਯੋਜਨਾ ਸ਼ੁਰੂ ਕੀਤੀ ਜਾ ਰਹੀ ਹੈ, ਜੋ ਦੇਸ਼ ਵਿਚ ਬਿਜਲੀ ਨਾਲ ਜੁੜੇ ਬੁਨਿਆਦੀ ਢਾਂਚੇ ਨੂੰ ਮਜ਼ਬੂਤ ​​ਕਰਨ ਲਈ ਕੰਮ ਕਰੇਗੀ। ਸਰਕਾਰ ਵੱਲੋਂ ਹਾਈਡ੍ਰੋਜਨ ਪਲਾਂਟ ਬਣਾਉਣ ਦੀ ਵੀ ਘੋਸ਼ਣਾ ਕੀਤੀ ਗਈ ਹੈ। ਬਿਜਲੀ ਖੇਤਰ ਵਿਚ, ਬਹੁਤ ਸਾਰੇ ਪ੍ਰਾਜੈਕਟ ਪੀ.ਪੀ.ਪੀ. ਮਾਡਲ ਦੇ ਤਹਿਤ ਪੂਰੇ ਕੀਤੇ ਜਾਣਗੇ।
• ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਐਲਾਨ ਕੀਤਾ ਕਿ ਉਜਵਲਾ ਯੋਜਨਾ ਤਹਿਤ ਇਕ ਕਰੋੜ ਹੋਰ ਲਾਭਪਾਤਰੀ ਸ਼ਾਮਲ ਕੀਤੇ ਜਾਣਗੇ, ਹੁਣ ਤਕ 8 ਕਰੋੜ ਲੋਕਾਂ ਨੂੰ ਇਹ ਸਹਾਇਤਾ ਦਿੱਤੀ ਜਾ ਚੁੱਕੀ ਹੈ। ਜੰਮੂ ਕਸ਼ਮੀਰ ਵਿੱਚ ਵੀ ਗੈਸ ਪਾਈਪ ਲਾਈਨ ਯੋਜਨਾ ਸ਼ੁਰੂ ਕੀਤੀ ਜਾਏਗੀ।
• ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਐਲਾਨ ਕੀਤਾ ਕਿ ਹੁਣ ਬੀਮਾ ਖੇਤਰ ਵਿਚ 74 ਪ੍ਰਤੀਸ਼ਤ ਐਫਡੀਆਈ ਕੀਤੀ ਜਾ ਸਕਦੀ ਹੈ, ਪਹਿਲਾਂ ਇੱਥੇ ਸਿਰਫ 49 ਪ੍ਰਤੀਸ਼ਤ ਦੀ ਆਗਿਆ ਸੀ। ਇਸ ਤੋਂ ਇਲਾਵਾ ਨਿਵੇਸ਼ਕਾਂ ਲਈ ਇਕ ਚਾਰਟਰ ਦੀ ਘੋਸ਼ਣਾ ਕੀਤੀ ਗਈ ਹੈ। ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਕੰਪਨੀਆਂ ਸ਼ੁਰੂ ਕਰਨ ਦਾ ਐਲਾਨ ਕੀਤਾ। ਇਸ ਦੇ ਤਹਿਤ, ਲਗਭਗ ਇੱਕ ਪ੍ਰਤੀਸ਼ਤ ਕੰਪਨੀਆਂ ਨੂੰ ਸ਼ੁਰੂਆਤ ਵਿੱਚ ਬਿਨਾਂ ਕਿਸੇ ਰੋਕ ਦੇ ਕੰਮ ਕਰਨ ਦੀ ਆਗਿਆ ਦਿੱਤੀ ਜਾਏਗੀ।
• ਨਿਰਮਲਾ ਨੇ ਕਿਹਾ, 'ਕਿਸਾਨਾਂ ਨੂੰ ਸਮਰਪਿਤ ਸਰਕਾਰ'
  ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਬਜਟ ਭਾਸ਼ਣ ਵਿਚ ਕਿਹਾ ਕਿ ਸਰਕਾਰ ਕਿਸਾਨਾਂ ਦੀ ਆਮਦਨੀ ਦੁੱਗਣੀ ਕਰਨ ਲਈ ਕੰਮ ਕਰ ਰਹੀ ਹੈ। ਵਿੱਤ ਮੰਤਰੀ ਨੇ ਕਿਹਾ ਕਿ ਹਰ ਸੈਕਟਰ ਵਿਚ ਮੋਦੀ ਸਰਕਾਰ ਵੱਲੋਂ ਕਿਸਾਨਾਂ ਨੂੰ ਮੁਹੱਈਆ ਕਰਵਾਈ ਗਈ ਹੈ, ਦਾਲਾਂ, ਕਣਕ, ਝੋਨੇ ਅਤੇ ਹੋਰ ਫਸਲਾਂ ਦੇ ਐਮ.ਐਸ.ਪੀ. ਵਿੱਚ ਵਾਧਾ ਕੀਤਾ ਗਿਆ ਹੈ।
• ਦੋ ਸਰਕਾਰੀ ਬੈਂਕਾਂ, 1 ਜਨਰਲ ਬੀਮਾ ਕੰਪਨੀ ਵੇਚੇਗੀ ਸਰਕਾਰ
•  ਜਨਤਕ ਖੇਤਰ ਦੇ ਬੈਂਕਾਂ 'ਚ 20,000 ਕਰੋੜ ਰੁ: ਪਾਵੇਗੀ ਸਰਕਾਰ
• ਐਗਰੀ-ਫਿਸ਼ਿੰਗ ਸੈਕਟਰ ਲਈ ਘੋਸ਼ਣਾ ਲਈ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਕਿਹਾ ਕਿ ਮਾਲਕੀਅਤ ਯੋਜਨਾ ਹੁਣ ਪੂਰੇ ਦੇਸ਼ ਵਿਚ ਲਾਗੂ ਕੀਤੀ ਜਾਏਗੀ। ਖੇਤੀਬਾੜੀ ਦਾ ਕਰਜ਼ਾ ਟੀਚਾ ਵਧਾ ਕੇ 16 ਲੱਖ ਕਰੋੜ ਕੀਤਾ ਜਾ ਰਿਹਾ ਹੈ। ਆਪ੍ਰੇਸ਼ਨ ਗ੍ਰੀਨ ਸਕੀਮ ਦੀ ਘੋਸ਼ਣਾ ਕੀਤੀ ਗਈ ਹੈ, ਜੋ ਕਿ ਬਹੁਤ ਸਾਰੀਆਂ ਫਸਲਾਂ ਨੂੰ ਕਵਰ ਕਰੇਗੀ ਅਤੇ ਕਿਸਾਨਾਂ ਨੂੰ ਲਾਭ ਦੇਵੇਗੀ।
• ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਦੀ ਤਰਫੋਂ ਇਹ ਕਿਹਾ ਗਿਆ ਸੀ ਕਿ ਪੰਜ ਮੱਛੀ ਫੜਨ ਵਾਲੇ ਬੰਦਰਗਾਹ ਆਰਥਿਕ ਗਤੀਵਿਧੀਆਂ ਦੇ ਕੇਂਦਰ ਵਜੋਂ ਤਿਆਰ ਕੀਤੇ ਜਾਣਗੇ। ਤਾਮਿਲਨਾਡੂ ਵਿਚ ਫਿਸ਼ ਲੈਂਡਿੰਗ ਸੈਂਟਰ ਵਿਕਸਤ ਕੀਤਾ ਜਾਵੇਗਾ।
• ਦੇਸ਼ ਭਰ ਦੇ ਪ੍ਰਵਾਸੀ ਮਜ਼ਦੂਰਾਂ ਲਈ ਇਕ ਦੇਸ਼-ਇਕ ਰਾਸ਼ਨ ਯੋਜਨਾ ਸ਼ੁਰੂ ਕੀਤੀ ਗਈ ਹੈ। ਇੱਕ ਪੋਰਟੇਲ ਸ਼ੁਰੂ ਕੀਤੀ ਜਾਏਗੀ, ਜਿਸ ਵਿੱਚ ਪ੍ਰਵਾਸੀ ਕਰਮਚਾਰੀ ਨਾਲ ਜੁੜੇ ਡੇਟਾ ਹੋਣਗੇ।
• ਬਜ਼ੁਰਗ ਨਾਗਰਿਕਾਂ ਲਈ ਇਕ ਵੱਡਾ ਐਲਾਨ ਪੈਨਸ਼ਨ, ਵਿਆਜ ਆਮਦਨੀ 'ਤੇ ਨਹੀਂ ਲਗਾਈ ਜਾਵੇਗੀ ਆਈ.ਟੀ.ਆਰ.।
•  

Delhi: Finance Minister Nirmala Sitharaman arrives at the Ministry of Finance. She will present the #UnionBudget 2021-22 in the Parliament today. pic.twitter.com/rtS3izUHcm

— ANI (@ANI) February 1, 2021

• ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਅਤੇ ਵਿੱਤ ਰਾਜ ਮੰਤਰੀ ਅਨੁਰਾਗ ਠਾਕੁਰ ਵਿੱਤ ਮੰਤਰਾਲੇ ਤੋਂ ਰਾਸ਼ਟਰਪਤੀ ਭਵਨ ਪਹੁੰਚ ਗਏ ਹਨ। ਵਿੱਤ ਮੰਤਰੀ ਨੇ ਕਿਹਾ ਕਿ ਬਜਟ ਟੈਬਲੇਟ ਰਾਹੀਂ ਪੇਸ਼ ਕੀਤਾ ਜਾਵੇਗਾ।
• ਵਿੱਤ ਮੰਤਰੀ ਬਜਟ ਪੇਸ਼ ਕਰਨ ਤੋਂ ਪਹਿਲਾਂ ਰਾਸ਼ਟਰਪਤੀ ਨੂੰ ਮਿਲੇ।
• ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਅਤੇ ਅਨੁਰਾਗ ਠਾਕੁਰ ਸੰਸਦ ਭਵਨ ਪਹੁੰਚ ਗਏ ਹਨ। ਇੱਥੇ ਹੁਣ ਕੁਝ ਸਮੇਂ ਵਿਚ ਮੋਦੀ ਕੈਬੇਨਿਟ ਦੀ ਬੈਠਕ ਸ਼ੁਰੂ ਹੋਵੇਗੀ, ਜਿਸ ਵਿਚ ਬਜਟ ਨੂੰ ਪ੍ਰਵਾਨਗੀ ਦਿੱਤੀ ਜਾਵੇਗੀ।
• ਪ੍ਰਧਾਨ ਮੰਤਰੀ ਮੋਦੀ ਪਹੁੰਚੇ ਸੰਸਦ ਭਵਨ।
• ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਅਤੇ ਕੇਂਦਰੀ ਸਿਹਤ ਮੰਤਰੀ ਡਾ. ਹਰਸ਼ਵਰਧਨ ਸੰਸਦ ਭਵਨ ਪਹੁੰਚੇ।
• ਸ਼ੁਰੂ ਹੋਈ ਮੋਦੀ ਕੈਬੇਨਿਟ ਦੀ ਬੈਠਕ, ਜਲਦੀ ਮਿਲੇਗੀ ਬਜਟ ਨੂੰ ਮਨਜ਼ੂਰੀ
• ਭਾਜਪਾ ਦੀ ਸੰਸਦ ਮੈਂਬਰ ਹੇਮਾ ਮਾਲਿਨੀ ਸੰਸਦ ਭਵਨ ਪਹੁੰਚੀ
• ਲੋਕ ਸਭਾ ਸਪੀਕਰ ਓਮ ਬਿਰਲਾ ਸੰਸਦ ਭਵਨ ਪਹੁੰਚੇ।
• ਬਜਟ ਦੇ ਵਿਰੋਧ ਵਿਚ ਕਾਲੇ ਕੱਪੜੇ ਪਾ ਕੇ ਆਏ ਕਾਂਗਰਸ ਦੇ ਸੰਸਦ ਮੈਂਬਰ
• ਪ੍ਰਧਾਨਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ ਵਾਲੀ ਮੀਟਿੰਗ ਵਿਚ ਆਮ ਬਜਟ ਨੂੰ ਮਨਜ਼ੂਰੀ ਦੇ ਦਿੱਤੀ ਗਈ ਹੈ। ਨਿਰਮਲਾ ਸੀਤਾਰਮਨ ਹੁਣ ਕੁਝ ਸਮੇਂ ਬਾਅਦ ਸੰਸਦ ਵਿਚ ਬਜਟ ਪੇਸ਼ ਕਰਨਗੇ।