ਅਨੋਖਾ ਪਿਆਰ: ਲੱਡੂ ਗੋਪਾਲ ਨਾਲ ਵਿਆਹ ਕਰਵਾ ਜੋਤੀ ਬਣ ਗਈ ''ਮੀਰਾ''

ਨੈਸ਼ਨਲ ਡੈਸਕ- ਮਥੁਰਾ ਦੇ ਵਰਿੰਦਾਵਨ 'ਚ ਇਕ ਬਹੁਤ ਹੀ ਅਨੋਖਾ ਵਿਆਹ ਹੋਇਆ, ਜੋ ਚਰਚਾ ਦਾ ਵਿਸ਼ਾ ਬਣ ਗਿਆ। ਇਸ ਵਿਆਹ 'ਚ ਇਕ ਕੁੜੀ ਨੇ ਆਪਣੇ ਪਿਆਰੇ ਭਗਵਾਨ ਸ਼੍ਰੀ ਕ੍ਰਿਸ਼ਨ ਨਾਲ ਵਿਆਹ ਕੀਤਾ। ਹਰਿਆਣਾ ਦੇ ਸਿਰਸਾ ਦੀ ਰਹਿਣ ਵਾਲੀ ਜੋਤੀ ਭਦਵਾਰ, ਜੋ ਕਿ ਪੇਸ਼ੇ ਤੋਂ ਨਰਸ ਹੈ, ਪਿਛਲੇ ਇਕ ਸਾਲ ਤੋਂ ਵਰਿੰਦਾਵਨ 'ਚ ਰਹਿ ਰਹੀ ਸੀ ਅਤੇ ਕ੍ਰਿਸ਼ਨ ਭਗਤੀ ਕਰ ਰਹੀ ਸੀ। ਕ੍ਰਿਸ਼ਨ ਪ੍ਰਤੀ ਆਪਣੀ ਸ਼ਰਧਾ ਅਤੇ ਪਿਆਰ ਦੇ ਕਾਰਨ ਉਸ ਨੇ ਭਗਵਾਨ ਕ੍ਰਿਸ਼ਨ ਜਿਨ੍ਹਾਂ ਨੂੰ ਲੱਡੂ ਗੋਪਾਲ ਵੀ ਕਿਹਾ ਜਾਂਦਾ ਹੈ ਨਾਲ ਵਿਆਹ ਕਰ ਲਿਆ।

ਵਿਆਹ ਦੀਆਂ ਸਾਰੀਆਂ ਰਸਮਾਂ ਪੂਰੀਆਂ

34 ਸਾਲਾ ਜੋਤੀ ਨੇ ਸੰਸਾਰਿਕ ਬੰਧਨਾਂ ਤੋਂ ਮੁਕਤ ਹੋ ਕੇ ਭਗਵਾਨ ਕ੍ਰਿਸ਼ਨ ਨਾਲ ਵਿਆਹ ਕਰਵਾ ਲਿਆ। ਇਸ ਵਿਆਹ 'ਚ ਜੋਤੀ ਦੇ ਗੁਰੂ ਡਾ. ਗੌਤਮ ਨੇ ਕੰਨਿਆਦਾਨ ਕੀਤਾ। ਵਿਆਹ ਦੀਆਂ ਰਸਮਾਂ 'ਚ ਪੂਰੀ ਤਰ੍ਹਾਂ ਇਕ ਆਮ ਹਿੰਦੂ ਵਿਆਹ ਦੀਆਂ ਪਰੰਪਰਾਵਾਂ ਨਿਭਾਈਆਂ ਗਈਆਂ। ਜੋਤੀ ਨੇ ਲੱਡੂ ਗੋਪਾਲ ਦੀ ਬਰਾਤ 'ਚ ਸ਼ਾਮਲ ਹੋ ਕੇ ਵਿਆਹ ਕੀਤਾ ਅਤੇ ਇਸ ਦੌਰਾਨ ਬੈਂਡ-ਬਾਜਿਆਂ ਨਾਲ ਸਾਰੀਆਂ ਰਵਾਇਤੀ ਰਸਮਾਂ ਪੂਰੀਆਂ ਕੀਤੀਆਂ ਗਈਆਂ। 

ਪਰਿਵਾਰ ਅਤੇ ਰਿਸ਼ਤੇਦਾਰ ਹੋਏ ਖੁਸ਼

ਜੋਤੀ ਦੇ ਪਿਤਾ ਵਿਵੇਕਾਨੰਦ ਮਹਾਰਾਜ ਅਤੇ ਮਾਂ ਵੈਸ਼ਨਵੀ ਬੋਰੀਕਰ ਨੇ ਇਸ ਵਿਆਹ 'ਚ ਹਿੱਸਾ ਲਿਆ। ਪਿਤਾ ਵਿਵੇਕਾਨੰਦ ਇਸ ਅਨੋਖੇ ਵਿਆਹ ਤੋਂ ਖੁਸ਼ ਦਿਖਾਈ ਦਿੱਤੇ। ਉਨ੍ਹਾਂ ਕਿਹਾ,"ਆਮ ਵਿਆਹ ਤਾਂ ਸਾਰੇ ਕਰਦੇ ਹਨ ਪਰ ਮੇਰੀ ਧੀ ਨੇ ਭਗਵਾਨ ਕ੍ਰਿਸ਼ਨ ਨੂੰ ਆਪਣਾ ਜੀਵਨ ਸਾਥੀ ਚੁਣਿਆ ਹੈ ਅਤੇ ਇਹ ਸਾਡੇ ਲਈ ਮਾਣ ਵਾਲੀ ਗੱਲ ਹੈ।" ਵਿਆਹ ਤੋਂ ਬਾਅਦ ਜੋਤੀ ਨੇ ਕਿਹਾ,"ਮੈਂ ਰਾਤ ਨੂੰ ਜੋ ਵੀ ਸੁਪਨੇ ਦੇਖਦੀ ਸੀ ਅੱਜ ਉਹ ਸੱਚ ਹੋ ਗਏ ਹਨ।"

ਭਗਤ ਅਤੇ ਪਰਿਵਾਰ ਦਾ ਜਸ਼ਨ

ਜੋਤੀ ਦੇ ਰਿਸ਼ਤੇਦਾਰ ਅਤੇ ਵਿਆਹ ਦੇ ਮਹਿਮਾਨ ਵੀ ਵਿਆਹ ਸਮਾਰੋਹ ਦਾ ਹਿੱਸਾ ਬਣ ਕੇ ਖੁਸ਼ ਸਨ ਅਤੇ ਇਸ ਅਨੋਖੇ ਵਿਆਹ ਦਾ ਜਸ਼ਨ ਮਨਾਉਣ ਲਈ ਨੱਚਣ-ਗਾਉਣ 'ਚ ਰੁੱਝੇ ਸਨ। ਇਹ ਅਨੋਖਾ ਵਿਆਹ ਵਰਿੰਦਾਵਨ ਅਤੇ ਪੂਰੇ ਰਾਜ 'ਚ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਵਿਆਹ ਹਿੰਦੂ ਧਰਮ 'ਚ ਭਗਵਾਨ ਕ੍ਰਿਸ਼ਨ ਪ੍ਰਤੀ ਸ਼ਰਧਾ ਅਤੇ ਪਿਆਰ ਨੂੰ ਦਰਸਾਉਂਦਾ ਹੈ ਅਤੇ ਇਹ ਇਕ ਸੰਦੇਸ਼ ਵੀ ਦਿੰਦਾ ਹੈ ਕਿ ਹਰ ਕੁੜੀ ਆਪਣੇ ਜੀਵਨ 'ਚ ਭਗਵਾਨ ਕ੍ਰਿਸ਼ਨ ਵਰਗੇ ਗੁਣਾਂ ਵਾਲਾ ਪਤੀ ਚਾਹੁੰਦੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8