ਸਾਨੀਆ ਨਾਲ ਵਿਆਹ ਦੇ ਬੰਧਨ 'ਚ ਬੱਝੇ ਅਰਜੁਨ ਤੇਂਦੁਲਕਰ, ਸਚਿਨ-ਅੰਜਲੀ ਤੋਂ ਲਿਆ ਆਸ਼ੀਰਵਾਦ (Video)

ਮੁੰਬਈ : ਦਿੱਗਜ ਭਾਰਤੀ ਕ੍ਰਿਕਟਰ ਸਚਿਨ ਤੇਂਦੁਲਕਰ ਦੇ ਬੇਟੇ ਅਰਜੁਨ ਤੇਂਦੁਲਕਰ ਦਾ ਵਿਆਹ ਹੋ ਗਿਆ ਹੈ। ਅਰਜੁਨ ਅਤੇ ਸਾਨੀਆ ਚੰਡੋਕ ਦਾ ਵਿਆਹ ਮੁੰਬਈ ਵਿੱਚ ਬਹੁਤ ਹੀ ਧੂਮ-ਧਾਮ ਨਾਲ ਸੰਪੰਨ ਹੋਇਆ। ਸੋਸ਼ਲ ਮੀਡੀਆ 'ਤੇ ਇਸ ਵਿਆਹ ਦੀ ਇੱਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਅਰਜੁਨ, ਸਾਨੀਆ ਦੇ ਗਲੇ ਵਿੱਚ ਵਰਮਾਲਾ ਪਾਉਂਦੇ ਹੋਏ ਨਜ਼ਰ ਆ ਰਹੇ ਹਨ,।

ਸਚਿਨ ਨੇ ਨਵੇਂ ਵਿਆਹੇ ਜੋੜੇ 'ਤੇ ਵਰ੍ਹਾਏ ਫੁੱਲ
ਵਾਇਰਲ ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਵਰਮਾਲਾ ਪਾਉਣ ਤੋਂ ਬਾਅਦ ਅਰਜੁਨ ਅਤੇ ਸਾਨੀਆ ਨੇ ਇੱਕ-ਦੂਜੇ ਨੂੰ ਗਲੇ ਲਗਾਇਆ। ਇਸ ਮੌਕੇ ਪਿਤਾ ਸਚਿਨ ਤੇਂਦੁਲਕਰ ਨੇ ਪਿੱਛੇ ਖੜ੍ਹੇ ਹੋ ਕੇ ਜੋੜੇ 'ਤੇ ਫੁੱਲਾਂ ਦੀ ਵਰਖਾ ਕੀਤੀ ਅਤੇ ਅਰਜੁਨ ਦੀ ਮਾਂ ਅੰਜਲੀ ਤੇਂਦੁਲਕਰ ਵੀ ਉੱਥੇ ਮੌਜੂਦ ਸੀ। ਇਹ ਵਿਆਹ ਅਜਿਹੇ ਸਮੇਂ ਹੋਇਆ ਹੈ ਜਦੋਂ ਸ਼ਾਮ ਨੂੰ ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਟੀ-20 ਵਿਸ਼ਵ ਕੱਪ ਦਾ ਸੈਮੀਫਾਈਨਲ ਮੁਕਾਬਲਾ ਖੇਡਿਆ ਜਾਣਾ ਹੈ।

Arjun Tendulkar, the son of Sachin Tendulkar, got married to Saaniya Chandhok today in Mumbai.❤️

Congratulations to Arjun and Saaniya. Best wishes for a happy life together. 💐 pic.twitter.com/HhkU9is64F

— 𝐑𝐮𝐬𝐡𝐢𝐢𝐢⁴⁵ (@rushiii_12) March 5, 2026

ਕਈ ਦਿੱਗਜ ਕ੍ਰਿਕਟਰ ਬਣੇ ਮਹਿਮਾਨ 
ਅਰਜੁਨ ਅਤੇ ਸਾਨੀਆ ਦੇ ਇਸ ਵਿਆਹ ਵਿੱਚ ਕ੍ਰਿਕਟ ਅਤੇ ਗਲੈਮਰ ਜਗਤ ਦੀਆਂ ਕਈ ਵੱਡੀਆਂ ਹਸਤੀਆਂ ਨੇ ਸ਼ਿਰਕਤ ਕੀਤੀ। ਮਹਿਮਾਨਾਂ ਦੀ ਸੂਚੀ ਵਿੱਚ ਐਮ.ਐਸ. ਧੋਨੀ, ਰਾਹੁਲ ਦ੍ਰਾਵਿੜ, ਰਵੀ ਸ਼ਾਸਤਰੀ, ਸੁਨੀਲ ਗਾਵਸਕਰ, ਅਨਿਲ ਕੁੰਬਲੇ, ਯੂਸੁਫ ਪਠਾਨ ਅਤੇ ਇਰਫਾਨ ਪਠਾਨ ਵਰਗੇ ਦਿੱਗਜ ਕ੍ਰਿਕਟਰ ਸ਼ਾਮਲ ਸਨ।

IPL 2026 ਵਿੱਚ ਨਵੀਂ ਟੀਮ ਲਈ ਖੇਡਣਗੇ ਅਰਜੁਨ ਤੇਂਦੁਲਕਰ 
ਆਉਣ ਵਾਲੇ ਆਈ.ਪੀ.ਐੱਲ. 2026 ਵਿੱਚ ਵੀ ਐਕਸ਼ਨ ਵਿੱਚ ਨਜ਼ਰ ਆਉਣਗੇ। ਇਸ ਸੀਜ਼ਨ ਲਈ ਉਹ ਮੁੰਬਈ ਇੰਡੀਅਨਜ਼ ਤੋਂ ਟ੍ਰੇਡ ਹੋ ਕੇ ਲਖਨਊ ਸੁਪਰ ਜਾਇੰਟਸ ਦੀ ਟੀਮ ਵਿੱਚ ਸ਼ਾਮਲ ਹੋ ਗਏ ਹਨ। ਘਰੇਲੂ ਕ੍ਰਿਕਟ ਵਿੱਚ ਗੋਆ ਲਈ ਖੇਡਣ ਵਾਲੇ 26 ਸਾਲਾ ਅਰਜੁਨ ਦੇ ਨਾਮ ਫਸਟ ਕਲਾਸ ਕ੍ਰਿਕਟ ਵਿੱਚ ਇੱਕ ਸੈਂਕੜਾ ਵੀ ਦਰਜ ਹੈ।