ਘਰ ''ਚ ਹੀ ਇੰਝ ਕੰਟਰੋਲ ਕਰੋ ਯੂਰਿਕ ਐਸਿਡ, ਮਿਲੇਗਾ ਦਰਦ ਤੋਂ ਛੁਟਕਾਰਾ

ਹੈਲਥ ਡੈਸਕ- ਯੂਰਿਕ ਐਸਿਡ ਦੀ ਮਾਤਰਾ ਜਦੋਂ ਸਰੀਰ 'ਚ ਬਹੁਤ ਵੱਧ ਹੋ ਜਾਂਦੀ ਹੈ, ਤਾਂ ਕਿਡਨੀ ਇਸ ਨੂੰ ਪੂਰੀ ਤਰ੍ਹਾਂ ਫਿਲਟਰ ਨਹੀਂ ਕਰ ਪਾਉਂਦੀ। ਨਤੀਜੇ ਵਜੋਂ, ਯੂਰਿਕ ਐਸਿਡ ਕ੍ਰਿਸਟਲ ਦੇ ਰੂਪ 'ਚ ਜੋੜਾਂ 'ਚ ਜੰਮਣਾ ਸ਼ੁਰੂ ਹੋ ਜਾਂਦਾ ਹੈ। ਇਸ ਕਰਕੇ ਜੋੜਾਂ 'ਚ ਦਰਦ, ਸੋਜ ਅਤੇ ਲਾਲੀ ਆਉਂਦੀ ਹੈ। ਇਸ ਦਰਦ ਤੋਂ ਰਾਹਤ ਲਈ ਅਤੇ ਯੂਰਿਕ ਐਸਿਡ ਦੇ ਪੱਧਰ ਨੂੰ ਕੰਟਰੋਲ 'ਚ ਰੱਖਣ ਲਈ ਕੁਝ ਖ਼ਾਸ ਗੱਲਾਂ ਦੀ ਪਾਲਣਾ ਜ਼ਰੂਰੀ ਹੈ।

ਯੂਰਿਕ ਐਸਿਡ ਕੰਟਰੋਲ ਕਰਨ ਲਈ ਇਨ੍ਹਾਂ ਗੱਲਾਂ ਦਾ ਧਿਆਨ ਰੱਖੋ:

1. ਜ਼ਿਆਦਾ ਪਾਣੀ ਪੀਓ:

ਸਰਦੀ 'ਚ ਅਸੀਂ ਘੱਟ ਪਾਣੀ ਪੀਦੇ ਹਾਂ, ਜਿਸ ਕਰਕੇ ਯੂਰਿਕ ਐਸਿਡ ਦਾ ਪੱਧਰ ਵੱਧ ਜਾਂਦਾ ਹੈ। ਜੋ ਲੋਕ ਯੂਰਿਕ ਐਸਿਡ ਤੋਂ ਪੀੜਤ ਹਨ, ਉਨ੍ਹਾਂ ਨੂੰ ਜ਼ਿਆਦਾ ਤੋਂ ਜ਼ਿਆਦਾ ਪਾਣੀ ਪੀਣਾ ਚਾਹੀਦਾ ਹੈ।

2. ਹਰੀ ਸਬਜ਼ੀਆਂ ਖਾਓ:

ਬਥੂਆ, ਮੇਥੀ, ਸਰ੍ਹੋਂ ਦਾ ਸਾਗ, ਪਾਲਕ, ਹਰੀ ਸਬਜ਼ੀਆਂ, ਮੂੰਗ, ਮਸੂਰ, ਪਰਵਲ, ਤੋਰੀ, ਲੌਕੀ, ਅੰਗੂਰ, ਅਨਾਰ, ਪਪੀਤਾ ਆਦਿ ਖਾਣਾ ਯੂਰਿਕ ਐਸਿਡ ਕੰਟਰੋਲ ਕਰਨ 'ਚ ਬਹੁਤ ਫਾਇਦੇਮੰਦ ਹੈ।

3. ਦਾਲਾਂ ਤੋਂ ਬਚੋ:

ਜੇ ਤੁਹਾਡੇ ਗੋਡਿਆਂ 'ਚ ਦਰਦ ਹੋ ਰਿਹਾ ਹੈ, ਤਾਂ ਰਾਤ ਦੇ ਖਾਣੇ 'ਚ ਦਾਲ, ਰਾਜਮਾ ਅਤੇ ਕਣਕ ਦਾ ਸੇਵਨ ਘੱਟ ਕਰੋ। ਪ੍ਰੋਟੀਨ ਵਾਲਾ ਖਾਣਾ ਯੂਰਿਕ ਐਸਿਡ ਦੇ ਪੱਧਰ ਨੂੰ ਤੇਜ਼ੀ ਨਾਲ ਵਧਾ ਸਕਦਾ ਹੈ।

4. ਰੋਜ਼ਾਨਾ ਕਸਰਤ ਕਰੋ:

ਹਰ ਰੋਜ਼ 45 ਮਿੰਟ ਦੀ ਕਸਰਤ ਯੂਰਿਕ ਐਸਿਡ ਕੰਟਰੋਲ ਕਰਨ ਲਈ ਬਹੁਤ ਪ੍ਰਭਾਵਸ਼ਾਲੀ ਹੈ। ਯੋਗਾ ਅਤੇ ਕਸਰਤ ਨਾਲ ਦਰਦ ਅਤੇ ਹੋਰ ਜਟਿਲਤਾਵਾਂ ਤੋਂ ਵੀ ਰਾਹਤ ਮਿਲਦੀ ਹੈ।

5. ਰਾਤ ਦਾ ਖਾਣਾ ਜਲਦੀ ਖਾਓ:

ਸੌਂਣ ਤੋਂ ਘੱਟੋ-ਘੱਟ 2 ਘੰਟੇ ਪਹਿਲਾਂ ਹਲਕਾ ਰਾਤ ਦਾ ਖਾਣਾ ਖਾਓ। ਇਸ ਨਾਲ ਯੂਰਿਕ ਐਸਿਡ ਕੰਟਰੋਲ 'ਚ ਰਹੇਗਾ।

ਨੋਟ– ਇਹ ਆਰਟੀਕਲ ਸਿਰਫ਼ ਆਮ ਜਾਣਕਾਰੀ ਲਈ ਹੈ। ਆਪਣੀ ਖੁਰਾਕ ਵਿੱਚ ਕੋਈ ਬਦਲਾਅ ਕਰਨ, ਕਿਸੇ ਵੀ ਬਿਮਾਰੀ ਨਾਲ ਸਬੰਧਤ ਕੋਈ ਵੀ ਉਪਾਅ ਕਰਨ ਜਾਂ ਕੋਈ ਵੀ ਘਰੇਲੂ ਨੁਸਖਾ ਅਪਣਾਉਣ ਤੋਂ ਪਹਿਲਾਂ ਆਪਣੇ ਡਾਕਟਰ ਦੀ ਸਲਾਹ ਜ਼ਰੂਰ ਲਓ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8