ਕੀ ਤੁਸੀਂ ਵੀ ਰਾਤ ਨੂੰ ਵਾਰ-ਵਾਰ ਪਿਸ਼ਾਬ ਆਉਣ ਦੀ ਸਮੱਸਿਆ ਤੋਂ ਹੋ ਪਰੇਸ਼ਾਨ? ਇੰਝ ਮਿਲੇਗੀ ਰਾਹਤ

ਹੈਲਥ ਡੈਸਕ- ਰਾਤ ਦੇ ਸਮੇਂ ਵਾਰ-ਵਾਰ ਪਿਸ਼ਾਬ ਆਉਣ ਦੀ ਸਮੱਸਿਆ ਨੂੰ ਮੈਡੀਕਲ ਭਾਸ਼ਾ 'ਚ ਨੈਕਟੂਰੀਆ (Nocturia) ਕਿਹਾ ਜਾਂਦਾ ਹੈ। ਇਹ ਸਮੱਸਿਆ ਨਾ ਸਿਰਫ਼ ਨੀਂਦ 'ਚ ਰੁਕਾਵਟ ਪੈਦਾ ਕਰਦੀ ਹੈ, ਸਗੋਂ ਲੰਬੇ ਸਮੇਂ ਤੱਕ ਰਹੇ ਤਾਂ ਸਿਹਤ 'ਤੇ ਵੀ ਗੰਭੀਰ ਪ੍ਰਭਾਵ ਪਾ ਸਕਦੀ ਹੈ।

ਇਹ ਹੋ ਸਕਦੇ ਹਨ ਮੁੱਖ ਕਾਰਨ :

ਜ਼ਿਆਦਾ ਪਾਣੀ ਪੀਣਾ: ਖ਼ਾਸ ਕਰਕੇ ਰਾਤ ਨੂੰ ਸੋਣ ਤੋਂ ਥੋੜ੍ਹੀ ਦੇਰ ਪਹਿਲਾਂ।

ਕੈਫੀਨ ਜਾਂ ਅਲਕੋਹਲ ਸੇਵਨ: ਚਾਹ, ਕੌਫੀ ਜਾਂ ਸ਼ਰਾਬ ਨਿਊਟ੍ਰੋਟਿਕ ਪ੍ਰਭਾਵ ਰੱਖਦੀਆਂ ਹਨ ਜੋ ਪਿਸ਼ਾਬ ਵਧਾਉਂਦੀਆਂ ਹਨ।

ਬਲੱਡ ਪ੍ਰੈਸ਼ਰ ਦੀਆਂ ਦਵਾਈਆਂ: ਕੁਝ ਦਵਾਈਆਂ ਪਿਸ਼ਾਬ ਵਧਾਉਂਦੀਆਂ ਹਨ।

ਸ਼ੂਗਰ ਦੇ ਮਰੀਜ਼ਾਂ ਨੂੰ ਰਾਤ ਨੂੰ ਵਧੇਰੇ ਪਿਸ਼ਾਬ ਵੀ ਹੈ।

ਪ੍ਰੋਸਟੇਟ ਗ੍ਰੰਥੀ ਦੀ ਸਮੱਸਿਆ (ਪੁਰਸ਼ਾਂ 'ਚ): ਵਧੇਰੇ ਉਮਰ ਦੇ ਪੁਰਸ਼ਾਂ 'ਚ ਆਮ ਹੈ।

ਯੂਰੀਨਰੀ ਇਨਫੈਕਸ਼ਨ ਜਾਂ ਬਲੈਡਰ ਸੰਬੰਧੀ ਰੋਗ।

ਕੀ ਹੋ ਸਕਦੇ ਹਨ ਨੁਕਸਾਨ?

ਨੀਂਦ ਦੀ ਘਾਟ ਕਾਰਨ ਥਕਾਵਟ, ਚਿੜਚਿੜਾਪਨ, ਧਿਆਨ ਨ ਲੱਗਣਾ, ਮੂਡ ਸਵਿੰਗ ਅਤੇ ਦਿਮਾਗੀ ਦਬਾਅ।

ਲੰਬੇ ਸਮੇਂ ਤੱਕ ਰਿਹੈ ਤਾਂ ਦਿਲ ਦੀ ਬੀਮਾਰੀ ਜਾਂ ਹਾਰਮੋਨਲ ਗੜਬੜ ਵੀ ਹੋ ਸਕਦੀ ਹੈ।

ਇਸ ਤਰ੍ਹਾਂ ਰਾਹਤ ਮਿਲ ਸਕਦੀ ਹੈ:

ਰਾਤ ਨੂੰ ਸੌਂਣ ਤੋਂ 2-3 ਘੰਟੇ ਪਹਿਲਾਂ ਤੱਕ ਪਾਣੀ ਪੀਣਾ ਘੱਟ ਕਰੋ।

ਕੈਫੀਨ ਅਤੇ ਅਲਕੋਹਲ ਤੋਂ ਬਚੋ, ਖ਼ਾਸ ਕਰਕੇ ਸ਼ਾਮ ਦੇ ਸਮੇਂ।

ਸੌਂਣ ਤੋਂ ਪਹਿਲਾਂ ਪਿਸ਼ਾਬ ਕਰਨਾ ਯਕੀਨੀ ਬਣਾਓ।

ਦਿਨ 'ਚ ਦਵਾਈਆਂ ਲੈਣ ਦੀ ਟਾਈਮਿੰਗ ਡਾਕਟਰ ਦੀ ਸਲਾਹ ਨਾਲ ਬਦਲੋ।

ਖੱਟਾ, ਤਿੱਖਾ ਜਾਂ ਭਾਰੀ ਭੋਜਨ ਰਾਤ ਨੂੰ ਨਾ ਖਾਓ।

ਕਦੋਂ ਡਾਕਟਰ ਨੂੰ ਦਿਖਾਉਣਾ ਚਾਹੀਦਾ ਹੈ?

ਜੇ ਇਹ ਲੱਛਣ ਲਗਾਤਾਰ 1 ਹਫ਼ਤੇ ਤੋਂ ਵੱਧ ਰਹੇ।

ਜੇ ਪਿਸ਼ਾਬ ਦੌਰਾਨ ਦਰਦ ਜਾਂ ਜਲਣ ਹੋਵੇ।

ਜੇ ਪੇਟ ਜਾਂ ਤਲਵੇ 'ਚ ਸੋਜ ਹੋਵੇ।

ਜੇ ਨੀਂਦ ਬਿਲਕੁਲ ਹੀ ਪੂਰੀ ਨਾ ਹੋ ਰਹੀ ਹੋ।

ਨਤੀਜਾ:

ਰਾਤ ਨੂੰ ਵਧੇਰੇ ਵਾਰੀ ਪਿਸ਼ਾਬ ਆਉਣਾ ਕੋਈ ਸਧਾਰਨ ਗੱਲ ਨਹੀਂ, ਇਹ ਸਰੀਰ 'ਚ ਚਲ ਰਹੀ ਅੰਦਰੂਨੀ ਗੜਬੜ ਦੀ ਨਿਸ਼ਾਨੀ ਹੋ ਸਕਦੀ ਹੈ। ਇਸ ਲਈ ਦੇਰੀ ਨਾ ਕਰੋ, ਸਧਾਰਨ ਉਪਾਅ ਦੇ ਨਾਲ ਜੇਕਰ ਫਰਕ ਨਾ ਪਵੇ ਤਾਂ ਡਾਕਟਰੀ ਸਲਾਹ ਲੈਣੀ ਲਾਜ਼ਮੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8