Hyundai ਅਤੇ Kia ਨੇ 34 ਲੱਖ ਗੱਡੀਆਂ ਨੂੰ ਕੀਤਾ Recall, ਕੈਨੇਡਾ ਤੋਂ ਵੀ ਵਾਪਸ ਮੰਗਵਾਈਆਂ ਕਾਰਾਂ
Thursday, Sep 28, 2023 - 10:08 PM (IST)
ਆਟੋਮੋਬਾਇਲ ਡੈਸਕ: ਹੁੰਡਈ ਅਤੇ ਕੀਆ ਨੇ ਅਮਰੀਕਾ 'ਚ 34 ਲੱਖ ਵਾਹਨਾਂ ਨੂੰ ਰਿਕਾਲ ਕੀਤਾ ਹੈ। ਦੋਵੇਂ ਕੰਪਨੀਆਂ ਇੰਜਣ ਦੇ ਕੰਪਾਰਟਮੈਂਟ ਨੂੰ ਅੱਗ ਲੱਗਣ ਦੇ ਖਤਰੇ ਕਾਰਨ ਕਾਰ ਮਾਲਕਾਂ ਨੂੰ ਬਾਹਰ ਪਾਰਕ ਕਰਨ ਲਈ ਕਹਿ ਰਹੀਆਂ ਹਨ। ਰੀਕਾਲ ਵਿਚ ਸਾਲ 2010 ਤੋਂ 2019 ਤੱਕ ਦੀਆਂ ਕਾਰਾਂ ਸ਼ਾਮਲ ਹਨ। ਕਿਆ ਨੇ ਬ੍ਰੇਕ ਵਿਚ ਸ਼ਾਰਟ ਸਰਕਟ ਕਾਰਨ 2010 ਤੋਂ 2017 ਤਕ ਦੇ ਕਈ ਮਾਡਲਾਂ ਨੂੰ ਵਾਪਸ ਲੈ ਲਿਆ ਹੈ, ਜਿਸ ਵਿਚ ਆਪਟੀਮਾ, ਫੋਰਟ, ਸੋਲ, ਸਪੋਰਟੇਜ, ਰੀਓ ਸਮੇਤ ਹੋਰ ਕਈ ਮਾਡਲ ਸ਼ਾਮਲ ਹਨ। ਕੀਆ ਨੇ ਪੁਸ਼ਟੀ ਕੀਤੀ ਕਿ ਕੈਨੇਡਾ ਵਿਚ 276,225 ਵਾਹਨ ਰਿਕਾਲ ਤੋਂ ਪ੍ਰਭਾਵਤ ਹਨ ਤੇ ਕੰਪਨੀ ਮਾਲਕਾਂ ਨੂੰ ਪ੍ਰਭਾਵਤ ਵਾਹਨਾਂ ਨੂੰ ਬਾਹਰ ਪਾਰਕ ਕਰਨ ਦੀ ਅਪੀਲ ਕਰਦੀ ਹੈ।
ਇਹ ਖ਼ਬਰ ਵੀ ਪੜ੍ਹੋ - ਪੰਜਾਬ ਪੁਲਸ ਦੇ ਮੁਲਾਜ਼ਮਾਂ ਦਾ ਕਾਰਨਾਮਾ, ਦੁਬਈ ਦੇ ਸਮੱਗਲਰਾਂ ਤੋਂ ਹੀ ਲੁੱਟ ਲਿਆ ਸੋਨਾ, CIA ਮੁਲਾਜ਼ਮ ਸਣੇ 5 ਗ੍ਰਿਫ਼ਤਾਰ
ਯੂ.ਐੱਸ. ਨੈਸ਼ਨਲ ਹਾਈਵੇਅ ਟ੍ਰੈਫਿਕ ਸੇਫਟੀ ਐਡਮਿਨਿਸਟ੍ਰੇਸ਼ਨ ਦੁਆਰਾ ਪੋਸਟ ਕੀਤੇ ਗਏ ਦਸਤਾਵੇਜ਼ਾਂ ਵਿਚ ਕਿਹਾ ਗਿਆ ਹੈ ਕਿ ਐਂਟੀ-ਲਾਕ ਬ੍ਰੇਕ ਕੰਟਰੋਲ ਮੋਡਿਊਲ ਤਰਲ ਪਦਾਰਥ ਲੀਕ ਕਰ ਸਕਦਾ ਹੈ ਅਤੇ ਬਿਜਲੀ ਦੀ ਕਮੀ ਦਾ ਕਾਰਨ ਬਣ ਸਕਦਾ ਹੈ, ਜਿਸ ਨਾਲ ਪਾਰਕ ਕਰਨ ਜਾਂ ਗੱਡੀ ਚਲਾਉਣ ਵੇਲੇ ਅੱਗ ਲੱਗ ਸਕਦੀ ਹੈ। ਵਾਹਨ ਨਿਰਮਾਤਾ ਨੇ ਮਾਲਕਾਂ ਨੂੰ ਮੁਰੰਮਤ ਹੋਣ ਤੱਕ ਗੱਡੀਆਂ ਨੂੰ ਘਰ ਦੇ ਬਾਹਰ ਜਾਂ ਦੂਰ ਪਾਰਕ ਕਰਨ ਦੀ ਸਲਾਹ ਦਿੱਤੀ ਹੈ। ਹੁੰਡਈ ਨੇ ਇਕ ਬਿਆਨ ਵਿਚ ਕਿਹਾ ਕਿ ਮਾਲਕ ਵਾਹਨ ਚਲਾਉਣਾ ਜਾਰੀ ਰੱਖ ਸਕਦੇ ਹਨ ਅਤੇ ਕਿਸੇ ਦੁਰਘਟਨਾ ਜਾਂ ਸੱਟ ਲੱਗਣ ਦੀ ਸੂਚਨਾ ਨਹੀਂ ਮਿਲੀ ਹੈ। ਉਹ ਆਪਣੇ ਗਾਹਕਾਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਰੀਕਾਲ ਕਰ ਰਿਹਾ ਹੈ। ਐਂਟੀ-ਲਾਕ ਬ੍ਰੇਕ ਮੋਟਰ ਸ਼ਾਫਟ ਵਿਚ ਇਕ O-ਰਿੰਗ ਸਮੇਂ ਦੇ ਨਾਲ ਬਰੇਕ ਤਰਲ ਵਿਚ ਨਮੀ ਤੇ ਗੰਦਗੀ ਕਾਰਨ ਸੀਲਿੰਗ ਤਾਕਤ ਗੁਆ ਸਕਦੀ ਹੈ, ਜਿਸ ਨਾਲ ਲੀਕੇਜ ਹੋ ਸਕਦੀ ਹੈ।
ਇਹ ਖ਼ਬਰ ਵੀ ਪੜ੍ਹੋ - ਵਿਜੀਲੈਂਸ ਵੱਲੋਂ DFSC, ਪਨਗ੍ਰੇਨ ਦੇ 2 ਇੰਸਪੈਕਟਰਾਂ ਤੇ 3 ਆੜਤੀਆਂ ਖ਼ਿਲਾਫ਼ ਕੇਸ ਦਰਜ, ਪੜ੍ਹੋ ਪੂਰਾ ਮਾਮਲਾ
ਕੀਆ ਨੇ ਕਿਹਾ ਕਿ ਬ੍ਰੇਕ ਕੰਟਰੋਲ ਯੂਨਿਟ ਵਿਚ ਪਾਵਰ ਦੀ ਕਮੀ ਕਾਰਨ ਇੰਜਣ ਦੇ ਡੱਬੇ ਵਿਚ ਅੱਗ ਲੱਗ ਸਕਦੀ ਹੈ, ਜਿਸ ਦੇ ਨਤੀਜੇ ਵਜੋਂ ਬਹੁਤ ਜ਼ਿਆਦਾ ਕਰੰਟ ਹੋ ਸਕਦਾ ਹੈ। ਸ਼ਾਰਟ ਸਰਕਟ ਦੇ ਸਹੀ ਕਾਰਨਾਂ ਦਾ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ ਹੈ ਅਤੇ ਕੋਈ ਹਾਦਸਾ ਜਾਂ ਸੱਟ ਨਹੀਂ ਲੱਗੀ ਹੈ।
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
