ਟੀ-20 ਵਿਸ਼ਵ ਕੱਪ : ਮੈਕਗੁਰਕ ਅਤੇ ਸ਼ਾਰਟ ਰਿਜ਼ਰਵ ਖਿਡਾਰੀਆਂ ''ਚੋਂ, ਆਸਟ੍ਰੇਲੀਆਈ ਕੋਚ ਨੇ ਚੋਣ ਦੀ ਵਜ੍ਹਾ ਦੱਸੀ
Tuesday, May 21, 2024 - 12:37 PM (IST)
ਸਿਡਨੀ— ਆਸਟ੍ਰੇਲੀਆਈ ਕ੍ਰਿਕਟ ਟੀਮ ਦੇ ਕੋਚ ਐਂਡਰਿਊ ਮੈਕਡੋਨਾਲਡ ਨੇ ਮੰਗਲਵਾਰ ਨੂੰ ਕਿਹਾ ਕਿ ਕਰਿਸ਼ਮਾ ਵਾਲੇ ਨੌਜਵਾਨ ਬੱਲੇਬਾਜ਼ ਜੈਕ ਫਰੇਜ਼ਰ ਮੈਕਗੁਰਕ ਅਤੇ ਆਲਰਾਊਂਡਰ ਮੈਥਿਊ ਸ਼ਾਰਟ ਨੂੰ ਅਗਲੇ ਮਹੀਨੇ ਹੋਣ ਵਾਲੇ ਟੀ-20 ਵਿਸ਼ਵ ਕੱਪ ਲਈ ਯਾਤਰਾ ਰਿਜ਼ਰਵ ਦੇ ਰੂਪ 'ਚ ਰੱਖਿਆ ਗਿਆ ਹੈ ਕਿਉਂਕਿ ਉਹ ਟੀਮ 'ਚ ਕੁਝ ਵੱਖਰਾ ਲੈ ਆਉਂਦੇ ਹਨ।
ਫਰੇਜ਼ਰ ਮੈਕਗੁਰਕ, 22, ਨੇ ਦਿੱਲੀ ਕੈਪੀਟਲਜ਼ ਲਈ ਆਪਣੇ ਪਹਿਲੇ ਆਈਪੀਐੱਲ ਸੀਜ਼ਨ ਵਿੱਚ 234 ਤੋਂ ਵੱਧ ਦੀ ਸਟ੍ਰਾਈਕ ਰੇਟ ਨਾਲ 9 ਮੈਚਾਂ ਵਿੱਚ 330 ਦੌੜਾਂ ਬਣਾਈਆਂ, ਜਿਸ ਵਿੱਚ 32 ਚੌਕੇ ਅਤੇ 28 ਛੱਕੇ ਸ਼ਾਮਲ ਸਨ। ਉਨ੍ਹਾਂ ਨੂੰ ਟੀ-20 ਵਿਸ਼ਵ ਕੱਪ ਲਈ ਆਸਟ੍ਰੇਲੀਆ ਦੀ 15 ਮੈਂਬਰੀ ਟੀਮ ਵਿੱਚ ਸ਼ਾਮਲ ਨਹੀਂ ਕੀਤਾ ਗਿਆ ਸੀ ਪਰ ਹੁਣ ਉਹ ਰਿਜ਼ਰਵ ਵਜੋਂ ਜਾਵੇਗਾ।
ਮੈਕਡੋਨਲਡ ਨੇ ਕਿਹਾ, 'ਇਹ ਦੋਵੇਂ ਬਾਕੀਆਂ ਨਾਲੋਂ ਵੱਖਰੇ ਹਨ। ਫਰੇਜ਼ਰ ਇੱਕ ਸ਼ਾਨਦਾਰ ਸਲਾਮੀ ਬੱਲੇਬਾਜ਼ ਅਤੇ ਇੱਕ ਛੋਟੇ ਮੱਧ ਕ੍ਰਮ ਦੇ ਬੱਲੇਬਾਜ਼ ਦੇ ਨਾਲ-ਨਾਲ ਇੱਕ ਸਪਿਨਰ ਵੀ ਹੈ। ਟੀਮ ਦਾ ਕੋਈ ਖਿਡਾਰੀ ਜ਼ਖ਼ਮੀ ਹੋਣ 'ਤੇ ਹੀ ਉਸ ਨੂੰ ਖੇਡਣ ਦਾ ਮੌਕਾ ਮਿਲੇਗਾ। ਕੋਚ ਨੇ ਕਿਹਾ, 'ਇਹ ਦੋਵੇਂ ਫਾਈਨਲ 15 'ਚ ਨਹੀਂ ਹਨ, ਇਸ ਲਈ ਕੋਈ ਜ਼ਖਮੀ ਹੋਣ 'ਤੇ ਹੀ ਖੇਡ ਸਕਦੇ ਹਨ। ਸਾਡੇ ਕੋਲ ਇਹ ਦੋਵੇਂ ਖਿਡਾਰੀ ਦੋ ਚੰਗੇ ਵਿਕਲਪ ਹਨ।
ਸਲਾਮੀ ਬੱਲੇਬਾਜ਼ ਡੇਵਿਡ ਵਾਰਨਰ ਦੀ ਫਿਟਨੈੱਸ ਨੂੰ ਲੈ ਕੇ ਚਿੰਤਾ 'ਤੇ ਉਨ੍ਹਾਂ ਕਿਹਾ ਕਿ ਉਹ ਪੂਰੀ ਤਰ੍ਹਾਂ ਫਿੱਟ ਹਨ। ਉਨ੍ਹਾਂ ਨੇ ਕਿਹਾ, 'ਉਹ ਪੂਰੀ ਤਰ੍ਹਾਂ ਫਿੱਟ ਹੈ। ਉਸ ਨੇ ਇਹ ਖੁਦ ਕਿਹਾ ਹੈ। ਅਸੀਂ ਜਾਣਦੇ ਹਾਂ ਕਿ ਉਹ ਦਿੱਲੀ ਕੈਪੀਟਲਜ਼ ਲਈ ਆਖਰੀ ਮੈਚ ਨਹੀਂ ਖੇਡ ਸਕਿਆ ਸੀ ਪਰ ਉਨ੍ਹਾਂ ਮੈਚ ਲਈ ਟੀਮ ਚੋਣ ਦੀ ਰਣਨੀਤੀ ਵੱਖਰੀ ਸੀ। ਉਸਨੇ ਆਖਰ ਤੋਂ ਪਹਿਲੇ ਵਾਲਾ ਮੈਚ ਖੇਡਿਆ ਸੀ।
