ਕੈਚ ਫੜਨ 'ਚ ਭਾਰਤੀ ਟੀਮ ਟਾਪ 'ਤੇ, ਪਾਕਿਸਤਾਨ ਰਿਹਾ ਫਾਡੀ

ਸਪੋਰਟਸ ਡੈਸਕ— ਕ੍ਰਿਕਟ 'ਚ ਪੁਰਾਣੀ ਕਹਾਵਤ ਹੈ 'ਲਪਕੋ ਕੈਚ-ਜਿੱਤੋ ਮੈਚ' ਤੇ ਟੀਮ ਇੰਡੀਆ ਇਸ ਕਹਾਵਤ 'ਤੇ ਅਮਲ ਕਰਦੇ ਹੋਏ ਟੂਰਨਮੈਂਟ 'ਚ ਹੁਣ ਤੱਕ ਅਜਿੱਤ ਬਣੀ ਹੋਈ ਹੈ। ਉਥੇ ਹੀ ਦੂਜੇ ਪਾਸੇ ਭਾਰਤ ਦੀ ਪੁਰਾਣੀ ਵਿਰੋਧੀ ਟੀਮ ਪਾਕਿਸਤਾਨ ਇਸ ਮਾਮਲੇ 'ਚ ਵੀ ਫਾਡੀ ਸਾਬਤ ਹੋ ਰਹੀ ਹੈ।

 ਭਾਰਤ ਨੇ ਹੁਣ ਤੱਕ ਟੂਰਨਮੈਂਟ 'ਚ ਸਭ ਤੋਂ ਘੱਟ ਇਕ ਹੀ ਕੈਚ ਛੱਡੇ ਹਨ, ਉਥੇ ਹੀ ਪਾਕਿਸਤਾਨ ਨੇ ਸਭ ਤੋਂ ਜ਼ਿਆਦਾ 14 ਕੈਚ ਛੱਡੇ ਹਨ। ਇਨ੍ਹੇ ਜ਼ਿਆਦਾ ਕੈਚ ਛੱਡਣ ਦਾ ਅਸਰ ਪਾਕਿਸਤਾਨ ਦੇ ਸਫਰ 'ਤੇ ਵੀ ਪਿਆ ਹੈ, ਜਿੱਥੇ ਉਸ ਨੇ ਹੁਣ ਤੱਕ 6 'ਚੋਂ ਸਿਰਫ 2 ਮੈਚ ਹੀ ਜਿੱਤੇ ਹਨ, ਜਦ ਕਿ ਭਾਰਤ ਨੇ 5 'ਚੋਂ 4 ਮੈਚ ਆਪਣੇ ਨਾਂ ਕੀਤੇ ਹਨ। ਉਸ ਦਾ ਇਕ ਮੈਚ ਨਿਊਜੀਲੈਂਡ ਦੇ ਖਿਲਾਫ ਮੀਂਹ 'ਚ ਧੁੱਲ ਗਿਆ ਸੀ।

 ਅਜਿਹੇ 'ਚ ਖੇਡ ਦੇ ਇਸ ਵਿਭਾਗ 'ਚ ਉਨ੍ਹਾਂ ਦਾ ਫਾਡੀ ਹੋਣਾ ਹੈਰਾਨੀ ਦੀ ਗੱਲ ਨਹੀਂ, ਪਰ ਜੇਕਰ ਆਪਣੀ ਦਮਦਾਰ ਫਿਲਡਿੰਗ ਲਈ ਮਸ਼ਹੂਰ ਇੰਗਲੈਂਡ, ਨਿਊਜ਼ੀਲੈਂਡ ਤੇ ਦੱਖਣੀ ਅਫਰੀਕਾ ਵਰਗੀਆਂ ਟੀਮਾਂ ਇਸ ਲਿਸਟ 'ਚ ਪਾਕਿਸਤਾਨ ਦੇ ਕਰੀਬ ਹਨ ਤਾਂ ਇਹ ਸਹੀ 'ਚ ਹੈਰਾਨ ਕਰਨ ਵਾਲੀ ਸਚਾਈ ਹੈ।

 ਇੰਗਲੈਂਡ ਦੀ ਟੀਮ ਨੇ ਟੂਰਨਮੈਂਟ 'ਚ ਹੁਣ ਤੱਕ 12 ਕੈਚ ਛੱਡੇ ਹਨ ਤੇ ਉਹ ਸਭ ਤੋਂ ਜ਼ਿਆਦਾ ਕੈਚ ਛੱਡਣ ਦੇ ਮਾਮਲੇ 'ਚ ਪਾਕਿਸਤਾਨ ਤੋਂ ਬਾਅਦ ਇਸ ਲਿਸਟ 'ਚ ਦੂੱਜੇ ਨੰਬਰ 'ਤੇ ਹੈ। ਜਦ ਕਿ ਨਿਊਜ਼ੀਲੈਂਡ ਤੇ ਦੱ. ਅਫਰੀਕਾ ਦੀਆਂ ਟੀਮਾਂ 9 ਤੇ 8 ਕੈਚ ਦੇ ਨਾਲ ਇੰਗਲੈਂਡ ਤੋਂ ਬਾਅਦ ਹੈ।

 ਭਾਰਤ ਤੋਂ ਬਾਅਦ ਸਭ ਤੋਂ ਘੱਟ ਕੈਚ ਛੱਡਣ ਵਾਲੀ ਟੀਮ ਅਫਗਾਨਿਸਤਾਨ ਦੀ ਹੀ ਹੈ। ਇਸ ਟੀਮ ਨੇ ਅਜੇ ਤੱਕ ਸਿਰਫ ਦੋ ਹੀ ਕੈਚ ਛੱਡੇ ਹਨ। ਉਥੇ ਹੀ ਸ਼੍ਰੀਲੰਕਾ ਨੇ 3, ਬੰਗਲਾਦੇਸ਼ ਤੇ ਆਸਟਰੇਲੀਆ ਨੇ 4 -4 ਤੇ ਵੈਸਟ ਇੰਡੀਜ਼ ਨੇ 6 ਕੈਚ ਛੱਡੇ ਹਨ।