ਤ੍ਰਿਪੁਰਾ ਦੇ ਸੀ.ਐੱਮ. ਬਿਪਲਬ ਦਾ ਅਜੀਬ ਬਿਆਨ, ਮਹਾਭਾਰਤ ਕਾਲ ''ਚ ਵੀ ਹੁੰਦੀ ਸੀ ਇੰਟਰਨੈੱਟ ਦੀ ਵਰਤੋਂ
04/18/2018 11:16:44 AM
ਗੁਹਾਟੀ— ਤ੍ਰਿਪੁਰਾ ਦੇ ਨੌਜਵਾਨ ਅਤੇ ਨਵੇਂ ਚੁਣੇ ਮੁੱਖ ਮੰਤਰੀ ਬਿਪਲਬ ਕੁਮਾਰ ਦੇਵ ਨੇ ਇੰਟਰਨੈੱਟ ਨੂੰ ਲੈ ਕੇ ਅਜੀਬੋ-ਗਰੀਬ ਬਿਆਨ ਦਿੱਤਾ ਹੈ। ਬਿਪਲਬ ਨੇ ਦਾਅਵਾ ਕੀਤਾ ਕਿ ਇੰਟਰਨੈੱਟ ਆਧੁਨਿਕ ਖੋਜ ਨਹੀਂ ਹੈ, ਸਗੋਂ ਇਸ ਦਾ ਮਹਾਭਾਰਤ ਕਾਲ ਤੋਂ ਹੀ ਇਸਤੇਮਾਲ ਹੋ ਰਿਹਾ ਹੈ। ਗੁਹਾਟੀ 'ਚ ਇਕ ਜਨਤਕ ਪ੍ਰੋਗਰਾਮ ਦੌਰਾਨ ਦੇਵ ਨੇ ਕਿਹਾ ਕਿ ਭਾਰਤ ਯੁੱਗਾਂ ਤੋਂ ਇੰਟਰਨੈੱਟ ਦੀ ਵਰਤੋਂ ਕਰ ਰਿਹਾ ਹੈ।
#Tripura Chief Minister #BiplabKumarDeb claimed that #internet and satellite are not something new but existed since the #Mahabharata era
— ANI Digital (@ani_digital) April 18, 2018
Read @ANI Story | https://t.co/D3QngXdkFJ pic.twitter.com/D6oRh5NqfS
ਦੇਵ ਨੇ ਕਿਹਾ ਕਿ ਮਹਾਭਾਰਤ ਦੌਰਾਨ ਨੇਤਰਹੀਣ ਧ੍ਰਿਤਰਾਸ਼ਟਰ ਨੂੰ ਸੰਜੇ ਨੇ ਯੁੱਧ ਮੈਦਾਨ ਦਾ ਪੂਰਾ ਹਾਲ ਸੁਣਾਇਆ ਸੀ ਅਤੇ ਇਹ ਬਿਨਾਂ ਇੰਟਰਨੈੱਟ ਅਤੇ ਤਕਨਾਲੋਜੀ ਦੇ ਸੰਭਵ ਨਹੀਂ ਹੈ। ਉਨ੍ਹਾਂ ਨੇ ਦਾਅਵਾ ਕੀਤਾ ਕਿ ਉਸ ਸਮੇਂ ਸੈਟੇਲਾਈਟ ਵੀ ਮੌਜੂਦ ਸਨ। ਦੇਵ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਤਾਰੀਫ ਕਰਦੇ ਹੋਏ ਕਿਹਾ ਕਿ ਉਨ੍ਹਾਂ ਨੇਭਾਰਤ ਨੂੰ ਡਿਜੀਟਲ ਦੀ ਦਿਸ਼ਾ 'ਚ ਅੱਗੇ ਵਧਾਇਆ ਹੈ। ਪ੍ਰਧਾਨ ਮੰਤਰੀ ਨੇ ਫੇਸਬੁੱਕ, ਵਟਸਐੱਪ ਅਤੇ ਟਵਿੱਟਰ ਨੂੰ ਲੋਕਾਂ ਦਰਮਿਆਨ ਪ੍ਰਚਲਿਤ ਕੀਤਾ। ਇੰਨਾ ਹੀ ਨਹੀਂ ਉਨ੍ਹਾਂ ਦੀ ਪ੍ਰੇਰਨਾ ਨਾਲ ਕੋਈ ਰਾਜਾਂ ਦੇ ਮੁੱਖ ਮੰਤਰੀ ਵੀ ਹੁਣ ਸੋਸ਼ਲ ਮੀਡੀਆ ਦੀ ਵਰਤੋਂ ਕਰ ਰਹੇ ਹਨ ਅਤੇ ਸਿੱਧੇ ਲੋਕਾਂ ਨਾਲ ਜੁੜਦੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਭਾਰਤ ਇਕ ਪੁਰਾਣੀ ਸੱਭਿਅਤਾ ਹੈ ਅਤੇ ਤਕਨਾਲੋਜੀ ਦੀ ਵਰਤੋਂ ਸਾਡੇ ਲਈ ਨਵੀਂ ਨਹੀਂ ਹੈ।