ਇਸ ਦੇਸ਼ ''ਚ ਸਭ ਤੋਂ ਵੱਧ ਲੋਕ ਖਾਂਦੇ ਹਨ ਵੈਜ ਫੂਡ, ਨਾਨ-ਵੈਜ ਖਾਣ ਵਾਲਿਆਂ ਦੀ ਗਿਣਤੀ ਸਿਰਫ ਇੰਨੀ

ਨੈਸ਼ਨਲ ਡੈਸਕ - ਭਾਰਤ ਸਮੇਤ ਦੁਨੀਆ ਦੇ ਜ਼ਿਆਦਾਤਰ ਦੇਸ਼ਾਂ 'ਚ ਖਾਣ-ਪੀਣ ਦਾ ਤਰੀਕਾ ਬਿਲਕੁਲ ਵੱਖਰਾ ਹੈ। ਖਾਣੇ ਦੀ ਗੱਲ ਕਰੀਏ ਤਾਂ ਕੁਝ ਲੋਕ ਸ਼ਾਕਾਹਾਰੀ ਖਾਣਾ ਪਸੰਦ ਕਰਦੇ ਹਨ ਤਾਂ ਕੁਝ ਲੋਕ ਨਾਨ-ਵੈਜ ਖਾਣਾ ਪਸੰਦ ਕਰਦੇ ਹਨ। ਹੁਣ ਕੁਝ ਲੋਕ ਵੀਗਨ ਖਾਣੇ ਨੂੰ ਵੀ ਅਪਣਾ ਰਹੇ ਹਨ। ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਦੁਨੀਆਂ ਵਿੱਚ ਕਿਹੜੇ ਦੇਸ਼ ਦੇ ਲੋਕ ਸਭ ਤੋਂ ਵੱਧ ਵੈਜ ਫੂਡ ਖਾਂਦੇ ਹਨ? ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਕਿਹੜੇ ਦੇਸ਼ ਵਿੱਚ ਸਭ ਤੋਂ ਵੱਧ ਵੈਜ ਫੂਡ ਖਾਣ ਵਾਲੇ ਲੋਕ ਹਨ।

ਵੈਜ ਫੂਡ
ਖਾਣੇ ਦੇ ਸ਼ੌਕੀਨ ਲੋਕ ਚੰਗੇ ਭੋਜਨ ਦੀ ਭਾਲ ਵਿਚ ਕਈ ਕਿਲੋਮੀਟਰ ਦਾ ਸਫ਼ਰ ਤੈਅ ਕਰਦੇ ਹਨ। ਭੋਜਨ ਦੀ ਸਭ ਤੋਂ ਵੱਡੀ ਵਿਸ਼ੇਸ਼ਤਾ ਇਹ ਹੈ ਕਿ ਸਾਰੇ ਸ਼ਹਿਰਾਂ, ਰਾਜਾਂ ਅਤੇ ਦੇਸ਼ਾਂ ਦੇ ਖਾਣ-ਪੀਣ ਦੀਆਂ ਆਦਤਾਂ ਬਿਲਕੁਲ ਵੱਖਰੀਆਂ ਹਨ। ਖਾਣ ਦੇ ਸ਼ੌਕੀਨ ਲੋਕ ਹਰ ਤਰ੍ਹਾਂ ਦੇ ਭੋਜਨ ਨੂੰ ਪਸੰਦ ਕਰਦੇ ਹਨ। ਇਸ 'ਚ ਕੁਝ ਲੋਕ ਸ਼ਾਕਾਹਾਰੀ ਖਾਣਾ ਪਸੰਦ ਕਰਦੇ ਹਨ ਤਾਂ ਕੁਝ ਲੋਕ ਨਾਨ-ਵੈਜ ਖਾਣਾ ਪਸੰਦ ਕਰਦੇ ਹਨ। ਹਾਲਾਂਕਿ, ਦੁਨੀਆ ਭਰ ਵਿੱਚ ਜ਼ਿਆਦਾਤਰ ਲੋਕ ਨਾਨ-ਵੈਜ ਖਾਂਦੇ ਹਨ। ਪਰ ਅੱਜ ਅਸੀਂ ਤੁਹਾਨੂੰ ਉਨ੍ਹਾਂ ਦੇਸ਼ਾਂ ਬਾਰੇ ਦੱਸਾਂਗੇ ਜਿੱਥੇ ਜ਼ਿਆਦਾਤਰ ਲੋਕ ਸ਼ਾਕਾਹਾਰੀ ਭੋਜਨ ਖਾਂਦੇ ਹਨ।

ਇੱਥੇ ਲੋਕ ਖਾਂਦੇ ਹਨ ਵੈਜ ਫੂਡ
ਤੁਹਾਨੂੰ ਦੱਸ ਦੇਈਏ ਕਿ ਵੈਜ ਫੂਡ ਖਾਣ ਵਾਲਿਆਂ ਦੀ ਸੂਚੀ ਵਿੱਚ ਭਾਰਤ ਸਭ ਤੋਂ ਪਹਿਲਾਂ ਆਉਂਦਾ ਹੈ। ਇੱਥੇ 38 ਫੀਸਦੀ ਤੋਂ ਜ਼ਿਆਦਾ ਲੋਕ ਸ਼ਾਕਾਹਾਰੀ ਭੋਜਨ ਖਾਂਦੇ ਹਨ। ਹਰਿਆਣਾ ਅਤੇ ਰਾਜਸਥਾਨ ਅਜਿਹੇ ਰਾਜ ਹਨ ਜਿੱਥੇ ਸਭ ਤੋਂ ਵੱਧ ਲੋਕ ਸ਼ਾਕਾਹਾਰੀ ਹਨ। ਇਸ ਤੋਂ ਬਾਅਦ ਸ਼ਾਕਾਹਾਰੀ ਖਾਣ ਵਾਲਿਆਂ 'ਚ ਇਜ਼ਰਾਈਲ ਦੂਜੇ ਸਥਾਨ 'ਤੇ ਹੈ। ਇੱਥੇ ਰਹਿਣ ਵਾਲੇ 13 ਫੀਸਦੀ ਲੋਕ ਸ਼ਾਕਾਹਾਰੀ ਭੋਜਨ ਕਰਦੇ ਹਨ। ਇੱਥੋਂ ਦੇ ਲੋਕਾਂ ਦਾ ਮੰਨਣਾ ਹੈ ਕਿ ਭੁੱਖ ਮਿਟਾਉਣ ਲਈ ਜਾਨਵਰਾਂ ਨੂੰ ਮਾਰਨਾ ਜਾਇਜ਼ ਨਹੀਂ ਹੈ।

ਇਨ੍ਹਾਂ ਦੇਸ਼ਾਂ ਵਿਚ ਵੀ ਲੋਕ ਖਾਂਦੇ ਹਨ ਵੈਜ ਫੂਡ
ਤੀਜੇ ਸਥਾਨ 'ਤੇ ਤਾਈਵਾਨ ਹੈ, ਜਿੱਥੇ 12 ਫੀਸਦੀ ਤੋਂ ਜ਼ਿਆਦਾ ਲੋਕ ਸਬਜ਼ੀਆਂ ਖਾਣਾ ਪਸੰਦ ਕਰਦੇ ਹਨ। ਇੱਥੇ ਬਹੁਤ ਸਾਰੇ ਸ਼ਾਕਾਹਾਰੀ ਰੈਸਟੋਰੈਂਟ ਹਨ। ਸ਼ਾਕਾਹਾਰੀ ਖਾਣ ਵਾਲਿਆਂ ਦੀ ਸੂਚੀ 'ਚ ਇਟਲੀ ਚੌਥੇ ਸਥਾਨ 'ਤੇ ਹੈ, ਜਿੱਥੇ 10 ਫੀਸਦੀ ਲੋਕ ਸਬਜ਼ੀਆਂ ਖਾਂਦੇ ਹਨ। ਹਾਲਾਂਕਿ ਇਟਲੀ ਨਾਨ-ਵੈਜ ਲਈ ਮਸ਼ਹੂਰ ਹੈ ਪਰ ਪੀ.ਯੂ. ਰਿਸਰਚ ਦੀ ਰਿਪੋਰਟ ਮੁਤਾਬਕ ਉੱਥੇ ਸ਼ਾਕਾਹਾਰੀ ਖਾਣ ਵਾਲਿਆਂ ਦੀ ਗਿਣਤੀ ਤੇਜ਼ੀ ਨਾਲ ਵੱਧ ਰਹੀ ਹੈ।

ਆਸਟ੍ਰੀਆ ਪੰਜਵੇਂ ਨੰਬਰ 'ਤੇ ਇੱਕ ਛੋਟਾ ਦੇਸ਼ ਹੈ। ਇੱਥੇ 9 ਫੀਸਦੀ ਲੋਕ ਸ਼ਾਕਾਹਾਰੀ ਖਾਣਾ ਪਸੰਦ ਕਰਦੇ ਹਨ। ਆਸਟ੍ਰੀਆ ਵਿੱਚ ਸ਼ਾਕਾਹਾਰੀ ਭੋਜਨ ਜ਼ਿਆਦਾ ਮਿੱਠਾ ਹੁੰਦਾ ਹੈ। ਇਸ ਵਿੱਚ ਬਹੁਤ ਸਾਰੇ ਤੱਤ ਸ਼ਾਮਿਲ ਹੁੰਦੇ ਹਨ। ਉਥੇ ਹੀ ਯੂਰਪੀ ਦੇਸ਼ ਜਰਮਨੀ ਸ਼ਾਕਾਹਾਰੀ ਦੇਸ਼ਾਂ ਦੀ ਸੂਚੀ 'ਚ 6ਵੇਂ ਨੰਬਰ 'ਤੇ ਹੈ। ਭਾਵੇਂ ਇੱਥੋਂ ਦੇ ਲੋਕ ਮਾਸਾਹਾਰੀ ਭੋਜਨ ਨੂੰ ਤਰਜੀਹ ਦਿੰਦੇ ਹਨ ਪਰ ਫਿਰ ਵੀ 9 ਫੀਸਦੀ ਲੋਕ ਪੂਰੀ ਤਰ੍ਹਾਂ ਸ਼ਾਕਾਹਾਰੀ ਭੋਜਨ 'ਤੇ ਨਿਰਭਰ ਹਨ।