ਮੁਟਿਆਰਾਂ ਨੂੰ ਰਾਇਲ ਲੁੱਕ ਦੇ ਰਹੇ ਹਨ ਹੈਵੀ ਐਂਬ੍ਰਾਇਡਰੀ ਵਾਲੇ ਵੈਲਵੇਟ ਸੂਟ

ਵੈਬ ਡੈਸਕ- ਅੱਜਕੱਲ ਮੁਟਿਆਰਾਂ ਅਤੇ ਔਰਤਾਂ ਖ਼ਾਸ ਮੌਕਿਆਂ ’ਤੇ ਅਜਿਹੀ ਪੋਸ਼ਾਕ ਚੁਣਦੀਆਂ ਹਨ ਜੋ ਉਨ੍ਹਾਂ ਨੂੰ ਸਭ ਤੋਂ ਖ਼ੂਬਸੂਰਤ ਅਤੇ ਸਟਾਈਲਿਸ਼ ਬਣਾਏ। ਮੌਜੂਦਾ ਸਮੇਂ ’ਚ ਹਲਕੀ ਠੰਡ ਦਾ ਮੌਸਮ ਚੱਲ ਰਿਹਾ ਹੈ, ਅਜਿਹੇ ’ਚ ਹੈਵੀ ਐਂਬ੍ਰਾਇਡਰੀ ਵਾਲੇ ਵੈਲਵੇਟ ਸੂਟ ਮੁਟਿਆਰਾਂ ਅਤੇ ਔਰਤਾਂ ਵਿਚਾਲੇ ਖ਼ਾਸੇ ਲੋਕਪ੍ਰਿਯ ਹੋ ਰਹੇ ਹਨ। ਇਹ ਸੂਟ ਨਾ ਸਿਰਫ ਰਾਇਲ ਲੁੱਕ ਪ੍ਰਦਾਨ ਕਰਦੇ ਹਨ, ਸਗੋਂ ਠੰਡ ਤੋਂ ਵੀ ਸੁਰੱਖਿਆ ਦਿੰਦੇ ਹਨ। ਵੈਲਵੇਟ ਦੀ ਕੁਦਰਤੀ ਚਮਕ ਅਤੇ ਰਿੱਚ ਟੈਕਸਚਰ ਇਨ੍ਹਾਂ ਨੂੰ ਬੇਹੱਦ ਆਕਰਸ਼ਕ ਬਣਾਉਂਦਾ ਹੈ, ਜਦਕਿ ਹੈਵੀ ਐਂਬ੍ਰਾਇਡਰੀ ਇਨ੍ਹਾਂ ਨੂੰ ਚਾਰ ਚੰਦ ਲਗਾ ਦਿੰਦੀ ਹੈ। ਵੱਖ-ਵੱਖ ਸਟਾਈਲ ’ਚ ਉਪਲਬਧ ਇਹ ਸੂਟ ਹਰ ਤਰ੍ਹਾਂ ਦੀ ਪਸੰਦ ਨੂੰ ਪੂਰਾ ਕਰਦੇ ਹਨ। ਇਨ੍ਹਾਂ ’ਚ ਸਿੰਪਲ ਸੂਟ, ਸਲਵਾਰ ਕਮੀਜ਼, ਪਲਾਜ਼ੋ ਸੂਟ, ਪਲੇਅਰ ਸੂਟ, ਸ਼ਰਾਰਾ ਸੂਟ, ਫਰਾਕ ਸੂਟ, ਅਨਾਰਕਲੀ ਸੂਟ, ਧੋਤੀ ਸੂਟ, ਪਟਿਆਲਾ ਸੂਟ ਆਦਿ ਸ਼ਾਮਲ ਹਨ। ਇਹ ਸਾਰੇ ਸਟਾਈਲ ਮੁਟਿਆਰਾਂ ਨੂੰ ਵੱਖ-ਵੱਖ ਮੌਕਿਆਂ ਲਈ ਢੁਕਵਾਂ ਬਦਲ ਦਿੰਦੇ ਹਨ। ਚਾਹੇ ਉਹ ਪਾਰਟੀ ਹੋਵੇ, ਵਿਆਹ ਹੋਵੇ ਜਾਂ ਕੋਈ ਫੈਸਟੀਵਲ, ਇਹ ਸੂਟ ਹਰ ਮੌਕੇ ’ਤੇ ਫਿੱਟ ਬੈਠਦੇ ਹਨ। ਕਲਰ ਦੀ ਗੱਲ ਕਰੀਏ ਤਾਂ ਇਨ੍ਹਾਂ ਸੂਟਾਂ ’ਚ ਡਾਰਕ ਸ਼ੇਡਜ਼ ਸਭ ਤੋਂ ਜ਼ਿਆਦਾ ਪਸੰਦ ਕੀਤੇ ਜਾ ਰਹੇ ਹਨ। ਰੈੱਡ, ਮੈਰੂਨ, ਬਲੂ, ਗ੍ਰੀਨ, ਚਾਕਲੇਟ, ਪਰਪਲ ਵਰਗੇ ਗੂੜ੍ਹੇ ਰੰਗ ਇਨ੍ਹਾਂ ’ਚ ਪ੍ਰਮੁੱਖ ਹਨ। ਇਨ੍ਹਾਂ ’ਤੇ ਗੋਲਡਨ ਜਾਂ ਸਿਲਵਰ ਐਂਬ੍ਰਾਇਡਰੀ ਦਾ ਕੰਮ ਕੀਤਾ ਜਾਂਦਾ ਹੈ। ਕਦੇ-ਕਦੇ ਮਲਟੀ-ਕਲਰ ਐਂਬ੍ਰਾਇਡਰੀ ਜਾਂ ਮਿਰਰ ਵਰਕ ਵੀ ਦੇਖਣ ਨੂੰ ਮਿਲਦਾ ਹੈ, ਜੋ ਸੂਟ ਨੂੰ ਹੋਰ ਵੀ ਸ਼ਾਨਦਾਰ ਬਣਾਉਂਦਾ ਹੈ।

ਐਂਬ੍ਰਾਇਡਰੀ ਦਾ ਕੰਮ ਸੂਟ ਦੇ ਨੈੱਕਲਾਈਨ, ਸਲੀਵਜ਼, ਬਾਟਮ ਜਾਂ ਪੂਰੇ ਸੂਟ ’ਤੇ ਕੀਤਾ ਗਿਆ ਹੁੰਦਾ ਹੈ। ਕੁਝ ਸੂਟ ਫੁੱਲ ਹੈਵੀ ਐਂਬ੍ਰਾਇਡਰੀ ਵਾਲੇ ਹੁੰਦੇ ਹਨ, ਜਦਕਿ ਕੁਝ ’ਚ ਸਿਰਫ਼ ਖ਼ਾਸ ਹਿੱਸਿਆਂ ’ਤੇ ਫੋਕਸ ਹੁੰਦਾ ਹੈ, ਜਿਸ ਨਾਲ ਡਿਜ਼ਾਈਨ ਬੈਲੇਂਸਡ ਲੱਗਦਾ ਹੈ। ਇਸ ਦੇ ਨਾਲ ਜਿਊਲਰੀ ਦੀ ਚੋਣ ਵੀ ਮਹੱਤਵਪੂਰਨ ਹੈ। ਮੁਟਿਆਰਾਂ ਲਾਈਟ ਤੋਂ ਲੈ ਕੇ ਹੈਵੀ ਜਿਊਲਰੀ ਤੱਕ ਪਹਿਨਦੀਆਂ ਹਨ, ਜਿਵੇਂ ਕਿ ਗੋਲਡਨ ਜਾਂ ਸਿਲਵਰ ਸੈੱਟ, ਜੋ ਸੂਟ ਦੀ ਚਮਕ ਨਾਲ ਮੈਚ ਕਰਦੇ ਹਨ। ਐਕਸੈਸਰੀਜ਼ ’ਚ ਕਲੱਚ, ਪੋਟਲੀ ਬੈਗ ਆਦਿ ਦਾ ਇਸਤੇਮਾਲ ਕੀਤਾ ਜਾ ਰਿਹਾ ਹੈ, ਜੋ ਲੁੱਕ ਨੂੰ ਕੰਪਲੀਟ ਕਰਦੇ ਹਨ। ਮੇਕਅੱਪ ਦੇ ਮਾਮਲੇ ’ਚ ਐੱਚ. ਡੀ. ਮੇਕਅੱਪ ਕਾਫ਼ੀ ਟ੍ਰੈਂਡ ’ਚ ਹੈ, ਜੋ ਚਿਹਰੇ ਨੂੰ ਪਰਫੈਕਟ ਗਲੋ ਦਿੰਦਾ ਹੈ। ਵਿਆਹ, ਪਾਰਟੀ, ਐਨੀਵਰਸਰੀ, ਮਹਿੰਦੀ, ਸੰਗੀਤ ਵਰਗੇ ਮੌਕਿਆਂ ’ਤੇ ਇਹ ਕੰਬੀਨੇਸ਼ਨ ਮੁਟਿਆਰਾਂ ਨੂੰ ਸਭ ਤੋਂ ਆਕਰਸ਼ਕ ਬਣਾਉਂਦਾ ਹੈ। ਫੁੱਟਵੀਅਰ ’ਚ ਹਾਈ ਹੀਲਜ਼, ਸਟਾਈਲੈਟੋਸ ਜਾਂ ਸੈਂਡਲਜ਼ ਪਸੰਦ ਕੀਤੇ ਜਾ ਰਹੇ ਹਨ, ਜੋ ਪੂਰੀ ਲੁੱਕ ਨੂੰ ਐਲੀਵੇਟ ਕਰਦੇ ਹਨ। ਵੈਲਵੇਟ ਸੂਟ ਦਾ ਟ੍ਰੈਂਡ ਕਦੇ ਪੁਰਾਣਾ ਨਹੀਂ ਪੈਂਦਾ। ਇਹ ਕਲਾਸਿਕ ਅਤੇ ਲਗਜ਼ਰੀ ਫੈਬਰਿਕ ਹੋਣ ਕਾਰਨ ਹਮੇਸ਼ਾ ਫੇਮ ’ਚ ਰਹਿੰਦਾ ਹੈ। ਖ਼ਾਸ ਮੌਕਿਆਂ ’ਤੇ ਜ਼ਿਆਦਾਤਰ ਔਰਤਾਂ ਅਤੇ ਮੁਟਿਆਰਾਂ ਇਸੇ ’ਚ ਨਜ਼ਰ ਆਉਂਦੀਆਂ ਹਨ। ਇਸ ਸੀਜ਼ਨ ’ਚ ਹੈਵੀ ਐਂਬ੍ਰਾਇਡਰੀ ਵਾਲੇ ਵੈਲਵੇਟ ਸੂਟ ਫੈਸ਼ਨ ਦੀ ਦੁਨੀਆ ’ਚ ਛਾਏ ਹੋਏ ਹਨ, ਜੋ ਹਰ ਔਰਤ ਨੂੰ ਰਾਣੀ ਵਰਗਾ ਸਪੈਸ਼ਲ ਮਹਿਸੂਸ ਕਰਵਾਉਂਦੇ ਹਨ।