ਪੁਲਾੜ ਤੋਂ ਕਿਹੋ ਜਿਹਾ ਦਿਸਦੈ ਭਾਰਤ? ਸੁਨੀਤਾ ਵਿਲੀਅਮ ਨੇ ਇਸ ਢੰਗ ਨਾਲ ਦਿੱਤਾ ਜਵਾਬ ਕਿ ਰੂਹ ਹੋ ਜਾਵੇਗੀ ਖੁਸ਼

ਇੰਟਰਨੈਸ਼ਨਲ ਡੈਸਕ - ਪੁਲਾੜ ਤੋਂ ਭਾਰਤ ਕਿਹੋ ਜਿਹਾ ਦਿਖਾਈ ਦਿੰਦਾ ਹੈ? ਇਹ ਸਵਾਲ ਤੁਹਾਡੇ ਸਾਰਿਆਂ ਦੇ ਮਨ ’ਚ ਵੀ ਹੋ ਸਕਦਾ ਹੈ। ਇਸ ਸਵਾਲ ਦਾ ਜਵਾਬ ਉਦੋਂ ਮਿਲਿਆ ਜਦੋਂ ਪੁਲਾੜ ਯਾਤਰੀ ਰਾਕੇਸ਼ ਸ਼ਰਮਾ ਟੀ-ਸੋਯੂਜ਼ 11 ਮਿਸ਼ਨ ਤਹਿਤ ਪੁਲਾੜ ਯਾਤਰਾ 'ਤੇ ਗਏ। ਹਾਂ, ਉਸ ਸਮੇਂ ਦੀ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਨੇ ਰਾਕੇਸ਼ ਸ਼ਰਮਾ ਨਾਲ ਫ਼ੋਨ 'ਤੇ ਗੱਲ ਕੀਤੀ ਸੀ ਅਤੇ ਪੁੱਛਿਆ- ਸਾਡਾ ਭਾਰਤ ਪੁਲਾੜ ਤੋਂ ਕਿਹੋ ਜਿਹਾ ਦਿਖਦਾ ਹੈ? ਇਸ 'ਤੇ ਰਾਕੇਸ਼ ਸ਼ਰਮਾ ਨੇ ਕਿਹਾ ਸੀ - 'ਸਾਰੀ ਦੁਨੀਆਂ ਨਾਲੋਂ ਬਿਹਤਰ’ ਤਾਂ ਜਦੋਂ ਇਹੀ ਸਵਾਲ ਸੁਨੀਤਾ ਵਿਲੀਅਮ ਕੋਲੋਂ ਪੁੱਛਿਆ ਗਿਆ ਤਾਂ ਉਨ੍ਹਾਂ ਨੇ ਵੀ ਇਹੀ ਜਵਾਬ ।

ਜਾਣਕਾਰੀ ਅਨੁਸਾਰ ਦੱਸ ਦਈਏ ਕਿ ਸੁਨੀਤਾ ਵਿਲੀਅਮਜ਼ 9 ਮਹੀਨੇ ਕੌਮਾਂਤਰੀ ਪੁਲਾੜ ਸਟੇਸ਼ਨ 'ਤੇ ਫਸੇ ਰਹਿਣ ਤੋਂ ਬਾਅਦ ਧਰਤੀ 'ਤੇ ਵਾਪਸ ਆ ਗਈ ਹੈ। ਇਸ ਦੌਰਾਨ ਉਨ੍ਹਾਂ ਦੱਸਿਆ ਕਿ ਸਾਡਾ ਭਾਰਤ ਪੁਲਾੜ ਤੋਂ ਕਿਵੇਂ ਦਿਖਾਈ ਦਿੰਦਾ ਹੈ। ਉਸ ਨੇ ਭਾਰਤ ਦਾ ਬਹੁਤ ਹੀ ਸ਼ਾਨਦਾਰ ਵਰਣਨ ਕੀਤਾ ਹੈ। ਸੁਨੀਤਾ ਵਿਲੀਅਮਜ਼ ਅਤੇ ਬੁੱਚ ਵਿਲਮੋਰ ਨੇ ਮੰਗਲਵਾਰ ਨੂੰ ਪਹਿਲੀ ਵਾਰ ਮੀਡੀਆ ਨਾਲ ਗੱਲ ਕੀਤੀ ਅਤੇ ਉਨ੍ਹਾਂ ਦੇ ਕਈ ਸਵਾਲਾਂ ਦੇ ਜਵਾਬ ਦਿੱਤੇ। ਉਨ੍ਹਾਂ ਦੱਸਿਆ ਕਿ ਪੁਲਾੜ ਤੋਂ ਭਾਰਤ ਕਿੰਨਾ ਸੁੰਦਰ ਦਿਖਾਈ ਦਿੰਦਾ ਹੈ ਤੇ ਇਸ ਦੌਰਾਨ ਉਨ੍ਹਾਂ ਇਹ ਵੀ ਕਿਹਾ ਕਿ ਉਹ ਜ਼ਰੂਰ ਭਾਰਤ ਆਵੇਗੀ।

ਨਾਸਾ ਦੀ ਪੁਲਾੜ ਯਾਤਰੀ ਸੁਨੀਤਾ ਵਿਲੀਅਮ ਪੁਲਾੜ ਤੋਂ ਦਿਖਾਈ ਦੇਣ ਵਾਲੇ ਹਿਮਾਲਿਆ ਦੇ ਸ਼ਾਨਦਾਰ ਦ੍ਰਿਸ਼ ਦਾ ਵਰਣਨ ਕਰਦੀ ਹੈ। ਉਸ ਨੇ ਕਿਹਾ, 'ਭਾਰਤ ਬਹੁਤ ਹੀ ਸ਼ਾਨਦਾਰ ਹੈ।' ਜਦੋਂ ਵੀ ਅਸੀਂ ਹਿਮਾਲਿਆ ਤੋਂ ਲੰਘਦੇ ਸੀ, ਸਾਨੂੰ ਸ਼ਾਨਦਾਰ ਅਤੇ ਅਵਿਸ਼ਵਾਸ਼ਯੋਗ ਤਸਵੀਰਾਂ ਮਿਲਦੀਆਂ ਸਨ। ਇੰਝ ਲੱਗ ਰਿਹਾ ਸੀ ਜਿਵੇਂ ਕੋਈ ਲਹਿਰ ਉੱਠ ਕੇ ਭਾਰਤ ਵੱਲ ਵਹਿ ਰਹੀ ਹੋਵੇ। ਇਸ ਦੌਰਾਨ ਉਨ੍ਹਾਂ ਨੇ ਆਪਣਾ ਤਜਰਬਾ ਸਾਂਝਾ ਕਰਦਿਆਂ ਕਿਹਾ, ‘ਗੁਜਰਾਤ ਤੇ ਮੁੰਬਈ ’ਚ ਧਰਤੀ ਦੇ ਰੰਗ ਹੋਰ ਵੀ ਸਪੱਸ਼ਟ ਤੌਰ 'ਤੇ ਦਿਖਾਈ ਦੇ ਰਹੇ ਸਨ।’ ਇੰਝ ਲੱਗ ਰਿਹਾ ਸੀ ਜਿਵੇਂ ਕੋਈ ਕਹਿ ਰਿਹਾ ਹੋਵੇ- 'ਦੇਖੋ, ਇਹ ਆ ਗਿਆ ਹੈ।' ਵੱਡੇ ਸ਼ਹਿਰਾਂ ਤੋਂ ਛੋਟੇ ਕਸਬਿਆਂ ਤੱਕ ਰੌਸ਼ਨੀਆਂ ਦੇ ਜਾਲ ਫੈਲ ਗਏ ਸਨ। ਰਾਕੇਸ਼ ਸ਼ਰਮਾ ਨੇ ਵੀ ਅਜਿਹਾ ਹੀ ਜਵਾਬ ਦਿੱਤਾ। ਇਹ ਕਿਹਾ ਜਾਂਦਾ ਸੀ ਕਿ ਅਸਮਾਨ ਤੋਂ, ਭਾਰਤ ਦੁਨੀਆ ’ਚ ਸਭ ਤੋਂ ਵਧੀਆ ਦਿਖਾਈ ਦਿੰਦਾ ਹੈ - ਪੂਰੀ ਦੁਨੀਆ ’ਚ ਸਭ ਤੋਂ ਵਧੀਆ।

ਸੁਨੀਤਾ ਵਿਲੀਅਮਜ਼ ਨੇ ਆਪਣੇ ਪਿਤਾ ਦੇ ਵਤਨ, ਭਾਰਤ ’ਚ ਆਪਣੀਆਂ ਜੜ੍ਹਾਂ ਨਾਲ ਦੁਬਾਰਾ ਜੁੜਨ ਬਾਰੇ ਆਪਣੀ ਖੁਸ਼ੀ ਜ਼ਾਹਰ ਕੀਤੀ। ਉਨ੍ਹਾਂ ਪੁਲਾੜ ਖੋਜ ’ਚ ਭਾਰਤ ਦੀ ਵੱਧਦੀ ਭੂਮਿਕਾ 'ਤੇ ਵੀ ਖੁਸ਼ੀ ਪ੍ਰਗਟ ਕੀਤੀ। ਐਕਸੀਓਮ ਮਿਸ਼ਨ ਨਾਲ ਭਾਰਤ ਦੇ ਸਹਿਯੋਗ ਦਾ ਜ਼ਿਕਰ ਕਰਦੇ ਹੋਏ, ਉਸਨੇ ਕਿਹਾ, 'ਮੈਂ ਆਪਣੇ ਪਿਤਾ ਦੀ ਦੇਸ਼ ਵਾਪਸੀ ਦੀ ਉਡੀਕ ਕਰ ਰਹੀ ਹਾਂ ਅਤੇ ਇਕ ਭਾਰਤੀ ਪੁਲਾੜ ਯਾਤਰੀ ਨੂੰ ਐਕਸੀਓਮ ਮਿਸ਼ਨ ਨਾਲ ਪੁਲਾੜ ’ਚ ਜਾਂਦੇ ਦੇਖਣ ਦੀ ਉਮੀਦ ਕਰਦੀ ਹਾਂ।' ਸੁਨੀਤਾ ਵਿਲੀਅਮਜ਼ ਨੇ ਭਾਰਤ ਨੂੰ ਇਕ ਮਹਾਨ ਦੇਸ਼ ਅਤੇ ਇਕ ਸ਼ਾਨਦਾਰ ਲੋਕਤੰਤਰ ਦੱਸਿਆ। ਪੁਲਾੜ ਖੋਜ ’ਚ ਭਾਰਤ ਦੀ ਪ੍ਰਗਤੀ ਦੀ ਸ਼ਲਾਘਾ ਕੀਤੀ ਅਤੇ ਇਸ ਦੇ ਯਤਨਾਂ ਦਾ ਸਮਰਥਨ ਕਰਨ ਦੀ ਇੱਛਾ ਪ੍ਰਗਟਾਈ। ਤੁਹਾਨੂੰ ਦੱਸ ਦੇਈਏ ਕਿ ਭਾਰਤ ਆਪਣੇ ਖਾਹਿਸ਼ੀ ਪ੍ਰੋਗਰਾਮ ਨਾਲ ਮਨੁੱਖੀ ਪੁਲਾੜ ਉਡਾਣ ’ਚ ਤਰੱਕੀ ਕਰ ਰਿਹਾ ਹੈ, ਜੋ ਕਿ 2026 ਤੱਕ ਪੁਲਾੜ ਯਾਤਰੀਆਂ ਨੂੰ ਪੰਧ ’ਚ ਭੇਜਣ ਲਈ ਤਿਆਰ ਹੈ।