ਸਿੰਗਾਪੁਰ : ਅੰਤਰਰਾਸ਼ਟਰੀ ਠੱਗੀ ਗਿਰੋਹ ''ਚ ਸ਼ਾਮਲ ਤਿੰਨ ਭਾਰਤੀਆਂ ਨੂੰ ਜੇਲ੍ਹ ਦੀ ਸਜ਼ਾ

ਸਿੰਗਾਪੁਰ (ਭਾਸ਼ਾ)- ਸਿੰਗਾਪੁਰ ਵਿਚ ‘ਤਕਨੀਕੀ ਸਹਾਇਤਾ’ ਘੁਟਾਲੇ ਕਰਨ ਵਾਲੇ ਇੱਕ ਅੰਤਰਰਾਸ਼ਟਰੀ ਗਿਰੋਹ ਵਿੱਚ ਸ਼ਾਮਲ ਹੋਣ ਦੇ ਦੋਸ਼ ਵਿੱਚ ਤਿੰਨ ਭਾਰਤੀਆਂ ਨੂੰ ਸਿੰਗਾਪੁਰ ਵਿੱਚ ਜੇਲ੍ਹ ਭੇਜ ਦਿੱਤਾ ਗਿਆ। ਮੀਡੀਆ ਵਿੱਚ ਛਪੀਆਂ ਖ਼ਬਰਾਂ ਮੁਤਾਬਕ ਉਪਰੋਕਤ ਤਿੰਨੋਂ ਮੁਲਜ਼ਮ ਪੜ੍ਹਾਈ ਦੇ ਇਰਾਦੇ ਨਾਲ ਸਿੰਗਾਪੁਰ ਤੋਂ ਭਾਰਤ ਆਏ ਸਨ ਅਤੇ ਬਾਅਦ ਵਿੱਚ ਗਿਰੋਹ ਲਈ ਕੰਮ ਕਰਨ ਲੱਗੇ। 

ਸਟਰੇਟਸ ਟਾਈਮਜ਼ ਅਖਬਾਰ ਦੀ ਖ਼ਬਰ ਵਿਚ ਦੱਸਿਆ ਗਿਆ ਕਿ ਬੁੱਧਵਾਰ ਨੂੰ ਨੰਦੀ ਨੀਲਾਦਰੀ (24) ਨੂੰ 18 ਮਹੀਨਿਆਂ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ। ਨੀਲਾਦਰੀ ਨੇ 30,500 ਸਿੰਗਾਪੁਰ ਡਾਲਰ ਦਾ ਗਬਨ ਕੀਤਾ ਸੀ। ਰਿਪੋਰਟਾਂ ਮੁਤਾਬਕ ਇਕ ਹੋਰ ਦੋਸ਼ੀ ਅਕਾਸ਼ਦੀਪ ਸਿੰਘ (23) ਨੇ 1,18,000 ਸਿੰਗਾਪੁਰ ਡਾਲਰ ਤੋਂ ਵੱਧ ਦੀ ਠੱਗੀ ਮਾਰੀ ਸੀ ਅਤੇ ਉਸ ਨੂੰ ਇਕ ਸਾਲ ਦੀ ਸਜ਼ਾ ਸੁਣਾਈ ਗਈ। ਤੀਜੇ ਦੋਸ਼ੀ ਗਿਰੀ ਦੇਵਜੀਤ (24) ਨੂੰ ਗਲਤ ਤਰੀਕੇ ਨਾਲ 61,000 ਸਿੰਗਾਪੁਰ ਡਾਲਰ ਲੈਣ ਦੇ ਮਾਮਲੇ ਵਿਚ ਸੱਤ ਮਹੀਨੇ ਦੀ ਸਜ਼ਾ ਸੁਣਾਈ ਗਈ। ਗਿਰੀ ਅਤੇ ਨੰਦੀ 2019 ਵਿੱਚ ਸਿੰਗਾਪੁਰ ਆਏ ਸਨ ਜਦੋਂਕਿ ਆਕਾਸ਼ 2020 ਵਿੱਚ ਉਸ ਦੇ ਕੋਲ ਆਇਆ ਸੀ। 

ਪੜ੍ਹੋ ਇਹ ਅਹਿਮ ਖਬਰ - ਕਜ਼ਾਕਿਸਤਾਨ 'ਚ ਪ੍ਰਦਰਸ਼ਨ: ਦਰਜਨਾਂ ਪ੍ਰਦਰਸ਼ਨਕਾਰੀ ਅਤੇ 12 ਪੁਲਸ ਕਰਮੀਆਂ ਦੀ ਮੌਤ (ਤਸਵੀਰਾਂ)

ਅਦਾਲਤੀ ਦਸਤਾਵੇਜ਼ਾਂ ਵਿੱਚ ਇਹ ਨਹੀਂ ਦੱਸਿਆ ਗਿਆ ਕਿ ਉਹ ਕਿਸ ਕਾਲਜ ਵਿੱਚ ਪੜ੍ਹਦਾ ਸੀ। ਇਸ ਮਾਮਲੇ ਵਿੱਚ ਅਦਾਲਤ ਨੇ ਇਨ੍ਹਾਂ ਤਿੰਨਾਂ ਤੋਂ ਪਹਿਲਾਂ ਚਾਰ ਮੁਲਜ਼ਮਾਂ ਨੂੰ ਸਜ਼ਾ ਸੁਣਾਈ ਸੀ। ਸਿੰਗਾਪੁਰ ਪੁਲਸ ਫੋਰਸ ਵੱਲੋਂ ਜਾਰੀ ਬਿਆਨ ਮੁਤਾਬਕ ਇਹ ਘੁਟਾਲਾ ਕਈ ਦੇਸ਼ਾਂ ਵਿੱਚ ਫੈਲ ਗਿਆ ਸੀ।