22 ਮਹੀਨੇ ਦੇ ਬੱਚੇ ਨੂੰ ਬਚਾਉਣ ਦੀ ਕੋਸ਼ਿਸ ''ਚ ਲੱਗੇ ਮਾਪੇ, ਪੋਪ ਨੇ ਦਿੱਤਾ ਸਮਰਥਨ
Thursday, Apr 05, 2018 - 05:58 PM (IST)
ਲੰਡਨ (ਬਿਊਰੋ)— ਪੋਪ ਫ੍ਰਾਂਸਿਸ ਨੇ ਗੰਭੀਰ ਰੂਪ ਨਾਲ ਬੀਮਾਰ ਬ੍ਰਿਟਿਸ਼ ਬੱਚੇ ਅਲਫੀ ਇਵਾਂਸ ਦੇ ਸਮਰਥਨ ਵਿਚ ਇਕ ਟਵੀਟ ਕੀਤਾ ਹੈ, ਜਿਸ ਦੇ ਮਾਤਾ-ਪਿਤਾ ਉਸ ਨੂੰ ਆਈ. ਸੀ. ਯੂ. ਵਿਚ ਰੱਖਣ ਦੀ ਕਾਨੂੰਨੀ ਲੜਾਈ ਹਾਰ ਗਏ ਹਨ। ਪੋਪ ਨੇ ਟਵੀਟ ਵਿਚ ਕਿਹਾ ਕਿ ਉਹ ਚਾਹੁੰਦੇ ਹਨ ਕਿ ਬੱਚੇ ਨੂੰ ਬਚਾਉਣ ਲਈ ਹਰ ਸੰਭਵ ਕੋਸ਼ਿਸ਼ ਕੀਤੀ ਜਾਣੀ ਚਾਹੀਦੀ ਹੈ।
It is my sincere hope that everything necessary may be done in order to continue compassionately accompanying little Alfie Evans, and that the deep suffering of his parents may be heard. I am praying for Alfie, for his family and for all who are involved.
— Pope Francis (@Pontifex) April 4, 2018
22 ਮਹੀਨਿਆਂ ਦੇ ਅਲਫੀ ਦੇ ਮਾਤਾ-ਪਿਤਾ ਟੌਮ ਇਵਾਂਸ ਅਤੇ ਕੇਟ ਜੇਮਜ਼ ਨੇ ਉਸ ਨੂੰ ਬਚਾਉਣ ਲਈ ਲੰਮੀ ਕਾਨੂੰਨੀ ਲੜਾਈ ਲੜੀ ਹੈ। ਅਲਫੀ ਇਵਾਂਸ undiagnosed neurological (ਦਿਮਾਗੀ ਬੀਮਾਰੀ) ਨਾਲ ਪੀੜਤ ਹੈ ਅਤੇ ਉਹ ਐਲਡਰ ਹੇ ਬੱਚਿਆਂ ਦੇ ਹਸਪਤਾਲ ਵਿਚ ''Semi-Vegetative State'' ਵਿਚ ਹੈ। ਡਾਕਟਰਾਂ ਮੁਤਾਬਕ ਅਲਫੀ ਦਾ ਬੱਚ ਪਾਉਣਾ ਮੁਸ਼ਕਲ ਹੈ।
ਬੀਤੇ ਮਹੀਨੇ ਬ੍ਰਿਟੇਨ ਦੇ ਸੁਪਰੀਮ ਕੋਰਟ ਨੇ ਹਾਈ ਕੋਰਟ ਦੇ ਫੈਸਲੇ ਦਾ ਪਾਲਣ ਕਰਦੇ ਹੋਏ ਟੌਮ ਅਤੇ ਜੇਮਜ਼ ਨੂੰ ਅਪੀਲ ਕਰਨ ਦੀ ਇਜਾਜ਼ਤ ਦੇਣ ਤੋਂ ਇਨਕਾਰ ਕਰ ਦਿੱਤਾ। ਉਨ੍ਹਾਂ ਮੁਤਾਬਕ ਲੀਵਰਪੂਲ ਵਿਚ ਐਲਡਰ ਹੇ ਬੱਚਿਆਂ ਦਾ ਹਸਪਤਾਲ ਕਦੇ ਵੀ ਉਸ ਨੂੰ ਆਈ. ਸੀ. ਯੂ. ਤੋਂ ਡਿਸਚਾਰਜ ਕਰ ਸਕਦਾ ਸੀ। ਉੱਧਰ ਮਨੁੱਖੀ ਅਧਿਕਾਰਾਂ ਦੀ ਯੂਰਪੀਅਨ ਅਦਾਲਤ (ਈ. ਸੀ. ਐੱਚ. ਆਰ.) ਨੇ ਵੀ ਅਲਫੀ ਦੇ ਮਾਪਿਆਂ ਦੀ ਸੁਣਵਾਈ ਦੀ ਮੰਗ ਨੂੰ ਰੱਦ ਕਰ ਦਿੱਤਾ ਹੈ। ਅਲਫੀ ਦੇ ਪਿਤਾ ਟੌਮ ਨੇ ਫੇਸਬੁੱਕ 'ਤੇ ਇਕ ਵੀਡੀਓ ਪੋਸਟ ਕੀਤੀ, ਜਿਸ ਵਿਚ ਉਨ੍ਹਾਂ ਨੇ ਦਿਖਾਇਆ ਕਿ ਅਲਫੀ ਦੀ ਹਾਲਤ ਵਿਚ 'ਸੁਧਾਰ' ਹੋ ਰਿਹਾ ਹੈ ਅਤੇ ਉਹ ਖੁਦ ਸਾਹ ਲੈ ਰਿਹਾ ਹੈ। ਉਨ੍ਹਾਂ ਨੇ ਦਾਅਵਾ ਕੀਤਾ ਕਿ ਹਸਪਤਾਲ ਸ਼ੁੱਕਰਵਾਰ ਨੂੰ ਅਲਫੀ ਨੂੰ ਆਈ. ਸੀ. ਯੂ. ਵਿਚੋਂ ਡਿਸਚਾਰਜ ਕਰ ਦੇਣਾ ਚਾਹੁੰਦਾ ਹੈ। ਟੌਮ ਨੇ ਕਿਹਾ ਕਿ ਅਸੀਂ ਇਸ ਪ੍ਰਕਿਰਿਆ ਨੂੰ ਜਾਰੀ ਰੱਖਣ ਲਈ ਹਸਪਤਾਲ ਅੱਗੇ ਬੇਨਤੀ ਕਰਦੇ ਹਾਂ। ਸਾਨੂੰ ਆਸ ਹੈ ਕਿ ਸਾਡੇ ਬੱਚੇ ਦੀ ਹਾਲਤ ਵਿਚ ਸੁਧਾਰ ਜ਼ਰੂਰ ਹੋਵੇਗਾ।
