ਸਮਾਰਟਰੋਨ ਨੇ ਭਾਰਤ 'ਚ ਲਾਂਚ ਕੀਤਾ ਪਹਿਲਾ ਵਿਅਰੇਬਲ ਸਮਾਰਟ ਬੈਂਡ tband
05/11/2018 11:38:26 AM
ਜਲੰਧਰ- ਸਮਾਰਟਰੋਨ ਨੇ ਭਾਰਤ 'ਚ ਆਪਣਾ ਪਹਿਲਾ ਵਿਅਰੇਬਲ ਡਿਵਾਇਸ ਮਤਲਬ ਸਮਾਰਟ ਬੈਂਡ tband ਦੇ ਨਾਂ ਨਾਲ ਲਾਂਚ ਕਰ ਦਿੱਤਾ ਹੈ। ਇਸ ਬੈਂਡ ਦੀ ਕੀਮਤ 4999 ਰੁਪਏ ਹੈ। ਸਮਾਰਟਰੋਨ ਦਾ ਕਹਿਣਾ ਹੈ ਕਿ ਇਸ tband ਤੋਂ ਯੂਜ਼ਰਸ ਬਲਡ ਪ੍ਰੈਸ਼ਰ ਅਤੇ ਇਲੈਕਟ੍ਰੋਕਾਰਡੀਯੋਗ੍ਰਾਫੀ ਮਾਨੀਟਰਿੰਗ ਆਦਿ ਦੀ ਜਾਣਕਾਰੀ ਸਮਾਰਟਫੋਨ 'ਤੇ ਸਮਾਰਟਰੋਨ ਦੇ ਹੈੱਲਥ ਐਪ 'ਚ ਵੇਖ ਸਕਣਗੇ।
ਕੰਪਨੀ ਮੁਤਾਬਕ ਇਸ ਡਿਵਾਇਸ 'ਚ ਕੈਲਰੀ ਕਾਊਂਟ ਕਰਨ ਦੇ ਨਾਲ-ਨਾਲ, ਸਲੀਪਿੰਗ ਪੈਟਰਨ, ਥਕਾਣ, ਤਨਾਅ ਅਤੇ ਪੂਰੇ ਦਿਨ ਦੀ ਐਕਟੀਵਿਟੀ ਨੂੰ ਟ੍ਰੈਕ ਕਰਣ ਦੀ ਸਮਰੱਥਾ ਹੈ। ਇਸ ਡਿਵਾਇਸ ਨਾਲ ਯੂਜ਼ਰਸ BP ਅਤੇ ECG ਮਾਨੀਟਰ ਕਰਨ ਤੋਂ ਇਲਾਵਾ, ਕੰਮ ਕਰਨ ਦੇ ਦੌਰਾਨ ਜਾਂ ਆਰਾਮ ਕਰਨ ਦੇ ਦੌਰਾਨ ਹਾਰਟ ਰੇਟ ਨੂੰ ਟ੍ਰੈਕ ਕਰ ਸਕਦੇ ਹਨ।
ਸਲੀਪ ਮਾਨੀਟਰ ਯੂਜ਼ਰ ਦੇ ਸਲੀਪਿੰਗ ਪੈਟਰਨ ਮਤਲਬ ਸੋਣ ਦੇ ਤਰੀਕੇ ਨੂੰ ਟ੍ਰੈਕ ਕਰਦਾ ਹੈ, ਜਿਸ ਦੇ ਨਾਲ ਯੂਜ਼ਰ ਜਾਣ ਸਕਣਗੇ ਕਿ ਉਹ ਅਸਲ 'ਚ ਕਿੰਨੀ ਦੇਰ ਸੁੱਤਾ ਰਿਹਾ ਅਤੇ ਕਿੰਨੀ ਦੇਰ ਜਗਾ ਰਿਹਾ। ਇਸ ਡਿਵਾਇਸ ਦਾ ਇਸਤੇਮਾਲ ਨੀਂਦ ਤੋਂ ਜਾਗਣ ਲਈ ਵੀ ਕੀਤਾ ਜਾ ਸਕਦਾ ਹੈ। ਇਹ ਫਿੱਟਨੈੱਸ ਟਰੈਕਰ ਯੂਜ਼ਰ ਦੇ ਚੱਲਣ ਜਾਂ ਦੌੜਨੇ ਦੀ ਦੂਰੀ ਨੂੰ ਵੀ ਟ੍ਰੈਕ ਕਰਦਾ ਹੈ। ਨਾਲ ਹੀ ਜੇਕਰ ਯੂਜ਼ਰ ਕੋਈ ਦਵਾਈ ਖਾਂਦਾ ਹੈ ਅਤੇ ਉਹ ਸਮੇਂ ਤੇ ਦਵਾਈ ਖਾਣਾ ਭੁੱਲ ਜਾਂਦਾ ਹੈ ਤਾਂ ਇਸ ਡਿਵਾਇਸ ਦੀ ਮਦਦ ਨਾਲ ਰਿਮਾਇੰਡਰ ਲਗਾਇਆ ਜਾ ਸਕਦਾ ਹੈ।
ਸਮਾਰਟਰੋਨ tband ਨਾਲ ਯੂਜ਼ਰਸ ਸਮਾਰਟਫੋਨ 'ਤੇ ਆਉਣ ਵਾਲੇ ਕਾਲ ਅਤੇ SMS ਦਾ ਨੋਟੀਫਿਕੇਸ਼ਨ ਵੀ ਪ੍ਰਾਪਤ ਕਰ ਪਾਣਗੇ। ਡਿਵਾਇਸ 'ਚ ਬਿਲਟ-ਇਨ DND ਮੋਡ ਦੀ ਸਹੂਲਤ ਹੈ ਜਿਸ ਦੇ ਨਾਲ ਯੂਜ਼ਰ ਚਾਅਣ ਤਾਂ ਆਪਣੇ ਬੈਂਡ ਨਾਲ ਹੀ ਨੋਟੀਫਿਕੇਸ਼ਨਸ ਨੂੰ ਡਿਐਕਟੀਵੇਟ ਕਰ ਸਕਦੇ ਹਨ।
ਇਸ 'ਚ 18 ਮਿ. ਮੀ. ਵਾਚ ਸਟ੍ਰੈਪ ਹੈ ਜਿਸ ਨੂੰ ਬਦਲਿਆ ਵੀ ਜਾ ਸਕਦਾ ਹੈ। ਸਮਾਰਟਰੋਨ tband ਨੂੰ IP67 ਰੇਟਿੰਗ ਮਿਲੀ ਹੈ ਜਿਸ ਦਾ ਮਤਲਬ ਇਹ ਡਿਵਾਇਸ ਵਾਟਰ ਅਤੇ ਡਸਟ ਰਜਿਸਟੇਂਟ ਹੈ। ਇਸ ਫਿਟਨੈੱਸ ਬੈਂਡ 'ਚ 0.96-ਇੰਚ OLED ਡਿਸਪਲੇਅ ਹੈ ਅਤੇ 100mAh ਦੀ ਬੈਟਰੀ ਹੈ, ਜਿਸ ਦੇ ਲਈ ਕੰਪਨੀ ਦਾ ਦਾਅਵਾ ਹੈ ਇਹ 4 ਦਿਨ ਤੱਕ ਬੈਕਅਪ ਦੇ ਨਾਲ ਹੈ। ਹੋਰ ਫੀਚਰਸ 'ਚ ਇਸ 'ਚ 3-ਐਕਸਿਸ ਐਕਸਲੇਰੋਮੀਟਰ, ਐਕਸਰਸਾਇਜ਼ BPM, HRVV, ਮੌਸਮ ਅਤੇ ਪੇਸ ਟ੍ਰੈਕਿੰਗ ਆਦਿ ਸ਼ਾਮਿਲ ਹਨ।
