Aston Martin ਨੇ ਭਾਰਤ ''ਚ ਲਾਂਚ ਕੀਤੀ ਇਹ ਧਾਂਸੂ ਸਪੋਰਟ ਕਾਰ, ਕੀਮਤ ਉਡਾ ਦੇਵੇਗੀ ਹੋਸ਼

ਆਟੋ ਡੈਸਕ- ਪ੍ਰਮੁੱਖ ਬ੍ਰਿਟਿਸ਼ ਲਗਜ਼ਰੀ ਕਾਰ ਨਿਰਮਾਤਾ ਐਸਟਨ ਮਾਰਟਿਨ ਨੇ ਨਵੀਂ ਐਸਟਨ ਮਾਰਟਿਨ ਵੈਂਟੇਜ ਸਪੋਰਟਸ ਕਾਰ ਲਾਂਚ ਕਰਕੇ ਭਾਰਤੀ ਬਾਜ਼ਾਰ ਵਿੱਚ ਆਪਣੇ ਵਾਹਨ ਪੋਰਟਫੋਲੀਓ ਨੂੰ ਅਪਡੇਟ ਕੀਤਾ ਹੈ। ਆਕਰਸ਼ਕ ਲੁੱਕ ਅਤੇ ਪਾਵਰਫੁਲ ਇੰਜਣ ਨਾਲ ਲੈਸ ਇਸ ਸਪੋਰਟਸ ਕਾਰ ਦੀ ਸ਼ੁਰੂਆਤੀ ਕੀਮਤ 3.99 ਕਰੋੜ ਰੁਪਏ (ਐਕਸ-ਸ਼ੋਰੂਮ) ਰੱਖੀ ਗਈ ਹੈ। ਕੰਪਨੀ ਨੇ ਇਸ ਕਾਰ 'ਚ ਐਕਸਟੀਰਿਅਰ ਤੋਂ ਲੈ ਕੇ ਇੰਟੀਰੀਅਰ ਤੱਕ ਕਈ ਵੱਡੇ ਬਦਲਾਅ ਕੀਤੇ ਹਨ ਜੋ ਇਸ ਨੂੰ ਪਿਛਲੇ ਮਾਡਲ ਤੋਂ ਬਿਹਤਰ ਬਣਾਉਂਦੇ ਹਨ।

ਲੁੱਕ ਅਤੇ ਡਿਜ਼ਾਈਨ ਦੀ ਗੱਲ ਕਰੀਏ ਤਾਂ ਨਵੀਂ ਵੈਂਟੇਜ 'ਚ ਕੁਝ ਕਾਸਮੈਟਿਕ ਬਦਲਾਅ ਦੇਖਣ ਨੂੰ ਮਿਲ ਰਹੇ ਹਨ। ਇਸ 'ਚ ਨਵਾਂ ਬੰਪਰ ਅਤੇ ਫਰੰਟ ਗਰਿਲ ਦਿੱਤੀ ਗਈ ਹੈ। ਇਸ ਤੋਂ ਇਲਾਵਾ ਸਟੈਂਡਰਡ LED ਹੈੱਡਲਾਈਟਸ ਦੇ ਨਾਲ ਚੌੜੀ ਰੇਡੀਏਟਰ ਗ੍ਰਿਲ ਇਸ ਦੇ ਫਰੰਟ ਲੁੱਕ ਨੂੰ ਬਿਹਤਰ ਬਣਾਉਂਦੀ ਹੈ। ਕੰਪਨੀ ਨੇ ਇਸ ਨੂੰ 21 ਇੰਚ ਦੇ ਪਹੀਏ ਦਿੱਤੇ ਹਨ, ਜੋ ਕਿ ਮਿਸ਼ੇਲਿਨ ਟਾਇਰ ਨਾਲ ਲੈਸ ਹਨ। ਕਾਰ ਦੇ ਪਿਛਲੇ ਹਿੱਸੇ 'ਚ ਵੀ ਕੁਝ ਕਾਸਮੈਟਿਕ ਬਦਲਾਅ ਕੀਤੇ ਗਏ ਹਨ।

ਕੈਬਿਨ ਨੂੰ ਪ੍ਰੀਮੀਅਮ ਅਤੇ ਆਲੀਸ਼ਾਨ ਬਣਾਉਣ ਲਈ ਕੋਈ ਕਸਰ ਬਾਕੀ ਨਹੀਂ ਛੱਡੀ ਗਈ ਹੈ। ਇਸ 'ਚ DB12 ਵਰਗਾ ਮੋਡੀਫਿਕੇਸ਼ਨ ਦੇਖਿਆ ਗਿਆ ਹੈ। ਜਿਵੇਂ ਹੀ ਤੁਸੀਂ ਅੰਦਰ ਦਾਖਲ ਹੁੰਦੇ ਹੋ, ਤੁਹਾਡੀ ਨਜ਼ਰ ਸਿੱਧੀ 10.27 ਇੰਚ ਇੰਫੋਟੇਨਮੈਂਟ ਸਿਸਟਮ 'ਤੇ ਪੈਂਦੀ ਹੈ। ਇਸ ਕਾਰ 'ਚ Bowers & Wilkins ਦਾ ਆਡੀਓ ਸਿਸਟਮ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ ਹਲਕੇ ਕਾਰਬਨ ਫਾਈਬਰ ਮਟੀਰੀਅਲ ਨਾਲ ਲੈਦਰ ਸੀਟਾਂ ਕੈਬਿਨ ਨੂੰ ਵਧਾਉਂਦੀਆਂ ਹਨ।

 
ਪਾਵਰ ਅਤੇ ਪਰਫਾਰਮੈਂਸ

ਇਸ ਸਪੋਰਟਸ ਕਾਰ 'ਚ ਸਭ ਤੋਂ ਵੱਡਾ ਬਦਲਾਅ ਇਸ ਦੇ ਇੰਜਣ ਕੰਪਾਰਟਮੈਂਟ 'ਚ ਦੇਖਿਆ ਗਿਆ ਹੈ। ਕੰਪਨੀ ਨੇ AMG ਤੋਂ ਸੋਰਸ ਕੀਤੇ ਨਵੇਂ 4.0 ਲੀਟਰ V8 ਇੰਜਣ ਦੀ ਵਰਤੋਂ ਕੀਤੀ ਹੈ। ਜੋ 155PS ਦੀ ਵਾਧੂ ਪਾਵਰ ਅਤੇ 115Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਪਿਛਲੇ ਮਾਡਲ ਦੇ ਮੁਕਾਬਲੇ ਇਸ ਇੰਜਣ ਦਾ ਪਾਵਰ ਆਉਟਪੁੱਟ 30 ਫੀਸਦੀ ਅਤੇ ਟਾਰਕ ਲਗਭਗ 15 ਫੀਸਦੀ ਵਧਿਆ ਹੈ। ਹੁਣ ਇਹ ਇੰਜਣ 665PS ਦੀ ਪਾਵਰ ਅਤੇ 800Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਜ਼ਾਹਿਰ ਹੈ ਕਿ ਅਜਿਹਾ ਸ਼ਕਤੀਸ਼ਾਲੀ ਇੰਜਣ ਕਾਰ ਨੂੰ ਤੇਜ਼ ਕਰਨ 'ਚ ਕਾਫੀ ਮਦਦ ਕਰੇਗਾ।

ਕੰਪਨੀ ਨੇ ਇਸ ਇੰਜਣ ਨੂੰ 8-ਸਪੀਡ ZF ਆਟੋਮੈਟਿਕ ਗਿਅਰਬਾਕਸ ਨਾਲ ਜੋੜਿਆ ਹੈ, ਜੋ ਪਿਛਲੇ ਪਹੀਏ ਨੂੰ ਪਾਵਰ ਡਿਸਟ੍ਰੀਬਿਊਟ ਕਰਦਾ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਕਾਰ ਸਿਰਫ 3.4 ਸੈਕਿੰਡ 'ਚ 0 ਤੋਂ 100 km/h ਦੀ ਰਫਤਾਰ ਫੜਨ 'ਚ ਸਮਰੱਥ ਹੈ ਅਤੇ ਇਸ ਦੀ ਟਾਪ ਸਪੀਡ 325 km/h ਹੈ।

Aston Martin ਦਾ ਇਹ ਵੀ ਕਹਿਣਾ ਹੈ ਕਿ ਪਰਫਾਰਮੈਂਸ ਅਤੇ ਡਰਾਈਵਿੰਗ ਅਨੁਭਵ ਨੂੰ ਬਿਹਤਰ ਬਣਾਉਣ ਲਈ ਕਾਰ ਦੇ ਕਈ ਟ੍ਰੈਕਸ਼ਨ-ਮੈਨੇਜਮੈਂਟ ਮੋਡ, ਲਾਂਚ ਕੰਟਰੋਲ ਸਿਸਟਮ ਅਤੇ ਇਲੈਕਟ੍ਰੋਨਿਕ ਪਾਵਰ ਸਟੀਅਰਿੰਗ ਸਾਰਿਆਂ ਨੂੰ ਬਦਲ ਦਿੱਤਾ ਗਿਆ ਹੈ। ਇਹ ਸਾਰੀ ਤਕਨੀਕ ਇਕ ਬ੍ਰੇਕਿੰਗ ਸਿਸਟਮ ਦੇ ਨਾਲ ਕੰਟਰੋਲ ਕੀਤੀ ਜਾਂਦੀ ਹੈ। ਜਿਸ ਵਿਚ 6-ਪਿਸਟਨ ਕੈਲੀਪਰਸ ਦੇ ਨਾਲ ਫਰੰਟ 400 ਮਿ.ਮੀ. ਸਟੀਲ ਰੋਟਰਸ ਅਤੇ ਚਾਰ-ਪਿਸਟਨ ਕੈਲੀਪਰਸ ਦੇ ਨਾਲ ਪਿਛਲੇ ਪਾਸੇ 360 ਮਿ.ਮੀ ਰੋਟਰਸ ਦਿੱਤੇ ਗਏ ਹਨ। ਇਸ ਤੋਂ ਇਲਾਵਾ ਕਾਰਬਨ ਸਿਰੈਮਿਕ ਦਾ ਇਕ ਸੈੱਟ ਵੀ ਬਦਲ ਦੇ ਤੌਰ 'ਤੇ ਦਿੱਤਾ ਗਿਆ ਹੈ।