ਲਾਂਚ ਹੋਇਆ ''Pro'' ਫੀਚਰਜ਼ ਵਾਲਾ ਧਾਕੜ ਫੋਨ ! 6500mAh ਦੀ ਬੈਟਰੀ ਤੇ JBLਦੇ ਸਪੀਕਰ, ਕੀਮਤ ਸਿਰਫ...

ਗੈਜੇਟ ਡੈਸਕ : ਤਕਨਾਲੋਜੀ ਕੰਪਨੀ ਇਨਫਿਨਿਕਸ (Infinix) ਨੇ ਭਾਰਤੀ ਬਾਜ਼ਾਰ 'ਚ ਆਪਣਾ ਨਵਾਂ ਧਾਕੜ ਸਮਾਰਟਫੋਨ Infinix Note 60 Pro 5G ਲਾਂਚ ਕਰ ਦਿੱਤਾ ਹੈ। ਇਸ ਫੋਨ ਦੀ ਸਭ ਤੋਂ ਵੱਡੀ ਖਾਸੀਅਤ ਇਸ ਦਾ ਰੰਗ ਹੈ, ਜੋ ਦੇਖਣ ਵਿੱਚ ਬਿਲਕੁਲ ਆਈਫੋਨ (iPhone) ਵਰਗਾ ਲੱਗਦਾ ਹੈ। 'ਪ੍ਰੋ' ਫੀਚਰਜ਼ ਨਾਲ ਲੈਸ ਇਹ ਫੋਨ ਨਾ ਸਿਰਫ ਦਿਖਣ 'ਚ ਸੁੰਦਰ ਹੈ, ਸਗੋਂ ਪਰਫਾਰਮੈਂਸ ਦੇ ਮਾਮਲੇ ਵਿੱਚ ਵੀ ਬਹੁਤ ਸ਼ਕਤੀਸ਼ਾਲੀ ਹੈ।

ਦਮਦਾਰ ਪ੍ਰੋਸੈਸਰ ਅਤੇ ਡਿਸਪਲੇਅ
ਇਸ ਸਮਾਰਟਫੋਨ 'ਚ Snapdragon 7s Gen 4 ਪ੍ਰੋਸੈਸਰ ਦਿੱਤਾ ਗਿਆ ਹੈ, ਜੋ ਬਿਹਤਰ ਸਪੀਡ ਯਕੀਨੀ ਬਣਾਉਂਦਾ ਹੈ। ਗੇਮਿੰਗ ਦੇ ਸ਼ੌਕੀਨਾਂ ਲਈ ਇਸ ਵਿੱਚ ਵੀਸੀ ਕੂਲਿੰਗ ਚੈਂਬਰ (VC Cooling Chamber) ਲਾਇਆ ਗਿਆ ਹੈ ਤਾਂ ਜੋ ਫੋਨ ਗਰਮ ਨਾ ਹੋਵੇ। ਫੋਨ ਵਿੱਚ 6.78 ਇੰਚ ਦੀ AMOLED ਡਿਸਪਲੇਅ ਹੈ, ਜੋ 144 ਹਰਟਜ਼ ਰਿਫ੍ਰੈਸ਼ ਰੇਟ ਅਤੇ 1.5K ਅਲਟਰਾ HDR ਨੂੰ ਸਪੋਰਟ ਕਰਦੀ ਹੈ।

ਬੈਟਰੀ ਅਤੇ ਕੈਮਰਾ
 ਬੈਟਰੀ ਦੇ ਮਾਮਲੇ ਵਿੱਚ ਇਹ ਫੋਨ ਕਾਫੀ ਅੱਗੇ ਹੈ। ਇਸ ਵਿੱਚ 6500mAh ਦੀ ਵੱਡੀ ਬੈਟਰੀ ਦਿੱਤੀ ਗਈ ਹੈ, ਜੋ 90W ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ। ਫੋਨ ਦੇ ਰੀਅਰ ਵਿੱਚ 50MP OIS ਕੈਮਰਾ ਅਤੇ 8 ਮੈਗਾਪਿਕਸਲ ਦਾ ਅਲਟਰਾ ਵਾਈਡ ਕੈਮਰਾ ਮਿਲਦਾ ਹੈ, ਜਦਕਿ ਸੈਲਫੀ ਲਈ 13 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਦਿੱਤਾ ਗਿਆ ਹੈ। ਬਿਹਤਰ ਆਵਾਜ਼ ਲਈ ਇਸ ਵਿੱਚ JBL ਸਾਊਂਡ ਦੇ ਨਾਲ ਡੁਅਲ ਸਟੀਰੀਓ ਸਪੀਕਰ ਹਨ।

ਕੀਮਤ ਅਤੇ ਲਾਂਚ ਆਫਰਸ 
Infinix Note 60 Pro 5G ਦੋ ਵੇਰੀਐਂਟਸ ਵਿੱਚ ਉਪਲਬਧ ਹੋਵੇਗਾ:
•8GB ਰੈਮ + 128GB ਸਟੋਰੇਜ: 31,999 ਰੁਪਏ
•8GB ਰੈਮ + 256GB ਸਟੋਰੇਜ: 34,999 ਰੁਪਏ

ਇਸ ਫੋਨ ਦੀ ਵਿਕਰੀ 20 ਅਪ੍ਰੈਲ 2026 ਤੋਂ ਫਲਿੱਪਕਾਰਟ ਅਤੇ ਕੰਪਨੀ ਦੀ ਵੈੱਬਸਾਈਟ 'ਤੇ ਸ਼ੁਰੂ ਹੋਵੇਗੀ। ਲਾਂਚ ਆਫਰ ਦੇ ਤਹਿਤ SBI, ICICI, ਅਤੇ ਹੋਰ ਪ੍ਰਮੁੱਖ ਬੈਂਕ ਕਾਰਡਾਂ ਰਾਹੀਂ ਭੁਗਤਾਨ ਕਰਨ 'ਤੇ 3,000 ਰੁਪਏ ਦੀ ਤੁਰੰਤ ਛੋਟ (Instant Discount) ਮਿਲੇਗੀ। ਬਾਜ਼ਾਰ ਵਿੱਚ ਇਸ ਫੋਨ ਦਾ ਸਿੱਧਾ ਮੁਕਾਬਲਾ ਮੋਟੋਰੋਲਾ, ਨਥਿੰਗ ਅਤੇ ਰੀਅਲਮੀ ਵਰਗੇ ਬ੍ਰਾਂਡਾਂ ਨਾਲ ਹੋਵੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e