iPhone 18 Pro Max 'ਚ ਮਿਲੇਗਾ DSLR ਵਰਗਾ ਕੈਮਰਾ! ਲੀਕ ਹੋਏ ਸ਼ਾਨਦਾਰ ਫੀਚਰਜ਼

ਗੈਜੇਟ ਡੈਸਕ- ਦੁਨੀਆ ਦੀ ਦਿੱਗਜ ਤਕਨਾਲੋਜੀ ਕੰਪਨੀ ਐਪਲ ਆਪਣੇ ਆਉਣ ਵਾਲੇ ਆਈਫੋਨ 18 ਪ੍ਰੋ ਸੀਰੀਜ਼ ਦੇ ਨਾਲ ਸਮਾਰਟਫੋਨ ਫੋਟੋਗ੍ਰਾਫੀ ਦੀ ਦੁਨੀਆ ਵਿੱਚ ਇੱਕ ਨਵੀਂ ਕ੍ਰਾਂਤੀ ਲਿਆਉਣ ਦੀ ਤਿਆਰੀ ਕਰ ਰਹੀ ਹੈ। ਲੀਕ ਹੋਈਆਂ ਰਿਪੋਰਟਾਂ ਅਨੁਸਾਰ, iPhone 18 Pro ਅਤੇ iPhone 18 Pro Max ਵਿੱਚ ਅਜਿਹੇ ਕੈਮਰਾ ਅਪਗ੍ਰੇਡ ਮਿਲਣਗੇ ਜੋ ਇੱਕ ਪੇਸ਼ੇਵਰ DSLR ਕੈਮਰੇ ਦੀ ਟੱਕਰ ਦੇ ਹੋਣਗੇ। ਕੰਪਨੀ ਇਸ ਵਾਰ ਆਪਣਾ ਪੂਰਾ ਧਿਆਨ ਫੋਟੋਗ੍ਰਾਫੀ ਅਤੇ ਵੀਡੀਓਗ੍ਰਾਫੀ ਦੇ ਅਨੁਭਵ ਨੂੰ ਬਿਹਤਰ ਬਣਾਉਣ 'ਤੇ ਲਗਾ ਰਹੀ ਹੈ।

ਸੂਤਰਾਂ ਮੁਤਾਬਕ, ਐਪਲ ਇਸ ਸੀਰੀਜ਼ ਵਿੱਚ 48 ਮੈਗਾਪਿਕਸਲ ਦਾ ਨਵਾਂ ਪ੍ਰਾਇਮਰੀ ਕੈਮਰਾ ਸੈਂਸਰ ਦੇ ਸਕਦਾ ਹੈ। ਸਭ ਤੋਂ ਅਹਿਮ ਗੱਲ ਇਹ ਹੈ ਕਿ ਕੰਪਨੀ ਸੋਨੀ ਦੀ ਬਜਾਏ ਸੈਮਸੰਗ ਨਾਲ ਮਿਲ ਕੇ ਇੱਕ ਕਸਟਮ ਸੈਂਸਰ ਤਿਆਰ ਕਰ ਸਕਦੀ ਹੈ। ਇਹ ਸੈਂਸਰ ਤਿੰਨ ਪਰਤਾਂ ਵਾਲੇ ਡਿਜ਼ਾਈਨ 'ਤੇ ਅਧਾਰਿਤ ਹੋਵੇਗਾ, ਜੋ ਰੌਸ਼ਨੀ ਨੂੰ ਬਿਹਤਰ ਤਰੀਕੇ ਨਾਲ ਕੈਪਚਰ ਕਰ ਸਕੇਗਾ। ਇਸ ਦਾ ਸਿੱਧਾ ਫਾਇਦਾ ਯੂਜ਼ਰਸ ਨੂੰ 'ਲੋਅ ਲਾਈਟ ਫੋਟੋਗ੍ਰਾਫੀ' ਵਿੱਚ ਮਿਲੇਗਾ, ਜਿਸ ਨਾਲ ਰਾਤ ਦੇ ਸਮੇਂ ਵੀ ਤਸਵੀਰਾਂ ਬਹੁਤ ਸਾਫ਼ ਅਤੇ ਡਿਟੇਲਡ ਆਉਣਗੀਆਂ।

ਇਹ ਵੀ ਪੜ੍ਹੋ- ਮਹਿੰਦਰਾ ਦੀ ਇਸ ਗੱਡੀ 'ਤੇ ਟੁੱਟ ਕੇ ਪੈ ਗਏ ਲੋਕ! ਹੱਥੋ-ਹੱਥੀ ਵਿਕ ਗਈਆਂ 28000 ਤੋਂ ਵੱਧ ਗੱਡੀਆਂ

iPhone 18 Pro ਸੀਰੀਜ਼ ਵਿੱਚ ਪਹਿਲੀ ਵਾਰ ਵੇਰੀਏਬਲ ਅਪਰਚਰ ਸਿਸਟਮ ਦੇਖਣ ਨੂੰ ਮਿਲ ਸਕਦਾ ਹੈ। ਇਹ ਫੀਚਰ DSLR ਕੈਮਰਿਆਂ ਵਿੱਚ ਹੁੰਦਾ ਹੈ, ਜਿਸ ਨਾਲ ਕੈਮਰੇ ਵਿੱਚ ਆਉਣ ਵਾਲੀ ਰੌਸ਼ਨੀ ਨੂੰ ਕੰਟਰੋਲ ਕੀਤਾ ਜਾ ਸਕਦਾ ਹੈ। ਇਸ ਨਾਲ ਫੋਟੋਆਂ ਵਿੱਚ ਡੈਪਥ ਅਤੇ ਐਕਸਪੋਜ਼ਰ ਨੂੰ ਬਿਹਤਰ ਬਣਾ ਕੇ ਇੱਕ ਪ੍ਰੋਫੈਸ਼ਨਲ ਲੁੱਕ ਦਿੱਤੀ ਜਾ ਸਕੇਗੀ। ਇਸ ਤੋਂ ਇਲਾਵਾ, ਟੈਲੀਫੋਟੋ ਕੈਮਰੇ ਅਤੇ ਜ਼ੂਮ ਕੁਆਲਿਟੀ ਵਿੱਚ ਵੀ ਵੱਡਾ ਸੁਧਾਰ ਕੀਤਾ ਜਾ ਰਿਹਾ ਹੈ।

ਸਿਰਫ਼ ਪਿਛਲਾ ਕੈਮਰਾ ਹੀ ਨਹੀਂ, ਸਗੋਂ ਐਪਲ ਫਰੰਟ ਕੈਮਰੇ ਨੂੰ ਵੀ ਅਪਗ੍ਰੇਡ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ। ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ ਹਾਈ-ਰੇਜ਼ੋਲਿਊਸ਼ਨ ਸੈਂਸਰ ਦਿੱਤਾ ਜਾ ਸਕਦਾ ਹੈ। ਜਾਣਕਾਰੀ ਅਨੁਸਾਰ, iPhone 18 Pro ਅਤੇ Pro Max ਨੂੰ ਸਤੰਬਰ 2026 ਵਿੱਚ ਲਾਂਚ ਕੀਤਾ ਜਾ ਸਕਦਾ ਹੈ। ਜੇਕਰ ਇਹ ਲੀਕ ਹੋਈਆਂ ਜਾਣਕਾਰੀਆਂ ਸੱਚ ਸਾਬਤ ਹੁੰਦੀਆਂ ਹਨ, ਤਾਂ ਇਹ ਆਈਫੋਨ ਕੈਮਰਾ ਗੇਮ ਨੂੰ ਪੂਰੀ ਤਰ੍ਹਾਂ ਬਦਲ ਕੇ ਰੱਖ ਦੇਵੇਗਾ।

ਇਹ ਵੀ ਪੜ੍ਹੋ- ਐਤਵਾਰ ਸਵੇਰੇ ਹੀ ਲੱਗ ਜਾਵੇਗਾ ਬਿਜਲੀ ਦਾ ਕੱਟ! ਪੰਜਾਬ ਦੇ ਇਨ੍ਹਾਂ ਇਲਾਕਿਆਂ 'ਚ ਪੂਰਾ ਦਿਨ ਬੰਦ ਰਹੇਗੀ ਬੱਤੀ