ਗੈਜੇਟ ਡੈਸਕ - ਸਰਕਾਰੀ ਟੈਲੀਕਾਮ ਕੰਪਨੀ BSNL ਨੇ ਆਪਣੇ ਕਰੋੜਾਂ ਉਪਭੋਗਤਾਵਾਂ ਲਈ ਇਕ ਵਾਰ ਫਿਰ ਇਕ ਬਹੁਤ ਹੀ ਕਿਫਾਇਤੀ ਅਤੇ ਜ਼ਬਰਦਸਤ ਪ੍ਰੀਪੇਡ ਪਲਾਨ ਪੇਸ਼ ਕੀਤਾ ਹੈ। ਕੰਪਨੀ ਵੱਲੋਂ ਸੋਸ਼ਲ ਮੀਡੀਆ ਪਲੇਟਫਾਰਮ 'X' ਰਾਹੀਂ ਸਾਂਝੀ ਕੀਤੀ ਗਈ ਜਾਣਕਾਰੀ ਅਨੁਸਾਰ, ਇਸ ਨਵੇਂ ਪਲਾਨ ਵਿੱਚ ਗਾਹਕਾਂ ਨੂੰ ਲੰਬੀ ਵੈਲੀਡਿਟੀ ਦੇ ਨਾਲ-ਨਾਲ ਜ਼ਿਆਦਾ ਡੇਟਾ ਅਤੇ ਅਨਲਿਮਟਿਡ ਕਾਲਿੰਗ ਦੀ ਸਹੂਲਤ ਮਿਲੇਗੀ।

ਪਲਾਨ ਦੀ ਖਾਸੀਅਤ :-

ਕੀਮਤ ਅਤੇ ਵੈਲੀਡਿਟੀ
- BSNL ਦੇ ਇਸ ਸ਼ਾਨਦਾਰ ਪਲਾਨ ਦੀ ਕੀਮਤ 485 ਰੁਪਏ ਹੈ, ਜਿਸ 'ਚ ਉਪਭੋਗਤਾਵਾਂ ਨੂੰ 72 ਦਿਨਾਂ ਦੀ ਵੈਲੀਡਿਟੀ ਦਿੱਤੀ ਜਾ ਰਹੀ ਹੈ। ਇਸ ਨਾਲ ਗਾਹਕਾਂ ਨੂੰ ਵਾਰ-ਵਾਰ ਰੀਚਾਰਜ ਕਰਵਾਉਣ ਦੀ ਚਿੰਤਾ ਤੋਂ ਮੁਕਤੀ ਮਿਲੇਗੀ।

ਡੇਟਾ ਲਾਭ
- ਇਸ ਪਲਾਨ ਤਹਿਤ ਰੋਜ਼ਾਨਾ 2GB ਹਾਈ-ਸਪੀਡ ਡੇਟਾ ਮਿਲੇਗਾ, ਜੋ ਕਿ ਇੰਟਰਨੈੱਟ ਦੀ ਜ਼ਿਆਦਾ ਵਰਤੋਂ ਕਰਨ ਵਾਲਿਆਂ ਲਈ ਇਕ ਵੱਡਾ ਫਾਇਦਾ ਹੈ।

ਕਾਲਿੰਗ ਅਤੇ SMS
- ਇਸ 'ਚ ਦੇਸ਼ ਭਰ 'ਚ ਕਿਸੇ ਵੀ ਨੈੱਟਵਰਕ 'ਤੇ ਅਨਲਿਮਟਿਡ ਵਾਇਸ ਕਾਲਿੰਗ ਦੀ ਸਹੂਲਤ ਦੇ ਨਾਲ-ਨਾਲ ਰੋਜ਼ਾਨਾ 100 SMS ਭੇਜਣ ਦੀ ਸਹੂਲਤ ਵੀ ਸ਼ਾਮਲ ਹੈ।

ਕਿਸ ਲਈ ਹੈ ਇਹ ਪਲਾਨ ਫਾਇਦੇਮੰਦ?

ਕੰਪਨੀ ਨੇ ਇਹ ਪਲਾਨ ਖਾਸ ਤੌਰ 'ਤੇ ਉਨ੍ਹਾਂ ਲੋਕਾਂ ਨੂੰ ਧਿਆਨ 'ਚ ਰੱਖ ਕੇ ਤਿਆਰ ਕੀਤਾ ਹੈ ਜੋ ਘੱਟ ਕੀਮਤ 'ਚ ਲੰਬੇ ਸਮੇਂ ਦੀ ਵੈਲੀਡਿਟੀ ਚਾਹੁੰਦੇ ਹਨ। ਇਹ ਪਲਾਨ ਵਿਦਿਆਰਥੀਆਂ, ਵਰਕਿੰਗ ਪ੍ਰੋਫੈਸ਼ਨਲਜ਼ ਅਤੇ ਉਨ੍ਹਾਂ ਲੋਕਾਂ ਲਈ ਬਹੁਤ ਲਾਭਦਾਇਕ ਸਾਬਤ ਹੋ ਸਕਦਾ ਹੈ ਜੋ ਜ਼ਿਆਦਾ ਇੰਟਰਨੈੱਟ ਦੀ ਵਰਤੋਂ ਕਰਦੇ ਹਨ।

ਕਿਵੇਂ ਕਰੀਏ ਰੀਚਾਰਜ? 

ਜੇਕਰ ਤੁਸੀਂ ਇਸ ਪਲਾਨ ਦਾ ਲਾਭ ਲੈਣਾ ਚਾਹੁੰਦੇ ਹੋ, ਤਾਂ ਤੁਸੀਂ BSNL ਦੀ ਅਧਿਕਾਰਤ ਵੈੱਬਸਾਈਟ ਜਾਂ ਕੰਪਨੀ ਦੇ ਚੈਟਬੋਟ ਰਾਹੀਂ ਆਸਾਨੀ ਨਾਲ ਰੀਚਾਰਜ ਕਰ ਸਕਦੇ ਹੋ।