ਗੈਜੇਟ ਡੈਸਕ - ਜੇਕਰ ਤੁਸੀਂ ਇਕ ਅਜਿਹਾ ਸਮਾਰਟਫੋਨ ਲੱਭ ਰਹੇ ਹੋ ਜਿਸ ਦੀ ਬੈਟਰੀ ਖ਼ਤਮ ਹੋਣ ਦਾ ਨਾਮ ਨਾ ਲਵੇ, ਤਾਂ Oppo ਤੁਹਾਡੇ ਲਈ ਇਕ ਸ਼ਾਨਦਾਰ ਤੋਹਫ਼ਾ ਲੈ ਕੇ ਆ ਰਿਹਾ ਹੈ। ਚੀਨੀ ਕੰਪਨੀ ਆਪਣੀ ਮਸ਼ਹੂਰ A-ਸੀਰੀਜ਼ ਦਾ ਨਵਾਂ ਮਾਡਲ Oppo A6s Pro ਲਾਂਚ ਕਰਨ ਜਾ ਰਹੀ ਹੈ। ਇਸ ਫੋਨ ਦੀ ਸਭ ਤੋਂ ਵੱਡੀ ਖਾਸੀਅਤ ਇਸ ਦੀ 7000mAh ਦੀ ਜੰਬੋ ਬੈਟਰੀ ਹੈ, ਜੋ ਇਕ ਵਾਰ ਚਾਰਜ ਕਰਨ 'ਤੇ ਕਈ ਦਿਨਾਂ ਦਾ ਬੈਕਅਪ ਦੇਵੇਗੀ।

ਲਾਂਚਿੰਗ ਅਤੇ ਪ੍ਰੀ-ਆਰਡਰ

Oppo A6s Pro ਨੂੰ 14 ਅਪ੍ਰੈਲ ਨੂੰ ਚੀਨੀ ਬਾਜ਼ਾਰ 'ਚ ਉਤਾਰਿਆ ਜਾ ਰਿਹਾ ਹੈ। ਕੰਪਨੀ ਨੇ ਇਸ ਦੇ ਪ੍ਰੀ-ਆਰਡਰ ਵੀ ਸ਼ੁਰੂ ਕਰ ਦਿੱਤੇ ਹਨ। ਯੂਜ਼ਰਸ Oppo ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਜਾ ਕੇ ਮਾਮੂਲੀ ਰਕਮ ਦੇ ਕੇ ਇਸ ਨੂੰ ਬੁੱਕ ਕਰ ਸਕਦੇ ਹਨ। ਭਾਰਤੀ ਸਮੇਂ ਮੁਤਾਬਕ ਇਹ ਫੋਨ ਦੁਪਹਿਰ 12 ਵਜੇ ਲਾਂਚ ਕੀਤਾ ਜਾਵੇਗਾ।

Oppo A6s Pro ਦੇ ਦਮਦਾਰ ਫੀਚਰਸ :-

ਬੈਟਰੀ ਅਤੇ ਚਾਰਜਿੰਗ
- ਫੋਨ 'ਚ 7000mAh ਦੀ ਵੱਡੀ ਬੈਟਰੀ ਦਿੱਤੀ ਗਈ ਹੈ, ਜੋ 80W ਦੀ ਸੁਪਰ ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ।

ਡਿਸਪਲੇਅ
- ਇਸ 'ਚ 6.57 ਇੰਚ ਦੀ FHD+ OLED ਡਿਸਪਲੇਅ ਮਿਲੇਗੀ, ਜੋ 120Hz ਰਿਫ੍ਰੈਸ਼ ਰੇਟ ਅਤੇ 1400 ਨਿਟਸ ਦੀ ਬ੍ਰਾਈਟਨੈੱਸ ਨਾਲ ਲੈਸ ਹੈ।

ਪ੍ਰੋਸੈਸਰ
- ਬਿਹਤਰ ਪਰਫਾਰਮੈਂਸ ਲਈ ਇਸ 'ਚ MediaTek Helio G100 Max ਪ੍ਰੋਸੈਸਰ ਦਿੱਤਾ ਜਾ ਸਕਦਾ ਹੈ।

ਕੈਮਰਾ
- ਫੋਨ ਦੇ ਪਿਛਲੇ ਹਿੱਸੇ 'ਚ ਡਿਊਲ ਕੈਮਰਾ ਸੈੱਟਅੱਪ ਹੈ, ਜਿਸ 'ਚ 50MP ਦਾ ਮੁੱਖ ਕੈਮਰਾ ਹੈ। ਖ਼ਾਸ ਗੱਲ ਇਹ ਹੈ ਕਿ ਸੈਲਫੀ ਲਈ ਵੀ  50MP ਦਾ ਸ਼ਾਨਦਾਰ ਕੈਮਰਾ ਮਿਲੇਗਾ।

ਸਟੋਰੇਜ
- ਇਸ 'ਚ 8GB ਰੈਮ ਅਤੇ 256GB ਤੱਕ ਦੀ ਇੰਟਰਨਲ ਸਟੋਰੇਜ ਮਿਲ ਸਕਦੀ ਹੈ।

ਮਜ਼ਬੂਤੀ
- ਇਹ ਫੋਨ IP69K ਰੇਟਿੰਗ ਦੇ ਨਾਲ ਆਉਂਦਾ ਹੈ, ਜਿਸਦਾ ਮਤਲਬ ਹੈ ਕਿ ਇਹ ਪਾਣੀ ਅਤੇ ਧੂੜ-ਮਿੱਟੀ ਤੋਂ ਪੂਰੀ ਤਰ੍ਹਾਂ ਸੁਰੱਖਿਅਤ ਰਹੇਗਾ।

ਹੋਰ ਖੂਬੀਆਂ :-

ਇਹ ਇਕ 4G ਡਿਵਾਈਸ ਹੈ ਜੋ Android 16 'ਤੇ ਅਧਾਰਿਤ ColorOS 'ਤੇ ਕੰਮ ਕਰੇਗਾ। ਇਸ 'ਚ ਇਨ-ਡਿਸਪਲੇਅ ਫਿੰਗਰਪ੍ਰਿੰਟ ਸੈਂਸਰ, NFC, ਬਲੂਟੁੱਥ ਅਤੇ ਵਾਈ-ਫਾਈ ਵਰਗੇ ਸਾਰੇ ਜ਼ਰੂਰੀ ਫੀਚਰਸ ਮਿਲਣਗੇ।