Google ਦਾ ਖਾਸ Pixel 10a ਲਾਂਚ, ਪਰ ਹਰ ਕੋਈ ਨਹੀਂ ਖਰੀਦ ਸਕੇਗਾ

ਟੋਕੀਓ : ਦਿੱਗਜ ਟੈਕਨਾਲੋਜੀ ਕੰਪਨੀ ਗੂਗਲ ਨੇ ਆਪਣੇ ਲੋਕਪ੍ਰਿਯ ਸਮਾਰਟਫੋਨ Pixel 10a ਦਾ ਇੱਕ ਵਿਸ਼ੇਸ਼ ਐਡੀਸ਼ਨ ਲਾਂਚ ਕਰ ਦਿੱਤਾ ਹੈ। ਇਹ ਨਵਾਂ ਫੋਨ ਆਪਣੇ ਖਾਸ ਡਿਜ਼ਾਈਨ ਅਤੇ ਥੀਮਸ ਕਾਰਨ ਚਰਚਾ ਵਿੱਚ ਹੈ, ਪਰ ਇਸ ਨੂੰ ਖਰੀਦਣ ਦੇ ਚਾਹਵਾਨਾਂ ਲਈ ਇੱਕ ਮਾੜੀ ਖ਼ਬਰ ਵੀ ਹੈ ਕਿਉਂਕਿ ਕੰਪਨੀ ਨੇ ਇਸ ਨੂੰ ਸਿਰਫ ਜਾਪਾਨ ਵਿੱਚ ਹੀ ਪੇਸ਼ ਕੀਤਾ ਹੈ।

ਖਾਸ ਡਿਜ਼ਾਈਨ ਅਤੇ ਆਰਟਵਰਕ
ਇਸ ਸਪੈਸ਼ਲ ਐਡੀਸ਼ਨ ਨੂੰ ਜਾਪਾਨੀ ਬ੍ਰਾਂਡ 'Heralbony' ਦੇ ਨਾਲ ਮਿਲ ਕੇ ਤਿਆਰ ਕੀਤਾ ਗਿਆ ਹੈ। ਫੋਨ ਵਿੱਚ ਇੱਕ ਨਵਾਂ 'Isai Blue' ਰੰਗ ਦਿੱਤਾ ਗਿਆ ਹੈ। ਇਸ ਦੇ ਨਾਲ ਮਿਲਣ ਵਾਲੇ ਸਪੈਸ਼ਲ ਬਾਕਸ 'ਤੇ ਮਿਦੋਰੀ ਕੂਡੋ ਦਾ ਆਰਟਵਰਕ ਹੈ, ਜਦਕਿ ਬਲੂ ਬੰਪਰ ਕੇਸ ਅਤੇ ਸਟਿੱਕਰਾਂ 'ਤੇ ਨੋਜ਼ੋਮੀ ਫੁਜੀਤਾ ਦਾ ਡਿਜ਼ਾਈਨ ਦੇਖਣ ਨੂੰ ਮਿਲੇਗਾ। ਇੰਨਾ ਹੀ ਨਹੀਂ, ਫੋਨ ਵਿੱਚ ਜਾਪਾਨੀ ਕਲਾਕਾਰਾਂ ਤੋਂ ਪ੍ਰੇਰਿਤ ਕਸਟਮ 'Material You' ਥੀਮਸ ਵੀ ਦਿੱਤੇ ਗਏ ਹਨ।

ਕੀਮਤ ਅਤੇ ਉਪਲਬਧਤਾ
ਜਾਪਾਨ ਵਿੱਚ ਇਸ ਫੋਨ ਦੀ ਕੀਮਤ 94,900 ਯੇਨ ਰੱਖੀ ਗਈ ਹੈ, ਜੋ ਭਾਰਤੀ ਰੁਪਏ ਵਿੱਚ ਲਗਭਗ 55,000 ਰੁਪਏ ਦੇ ਕਰੀਬ ਬਣਦੀ ਹੈ। ਫੋਨ ਦੀ ਵਿਕਰੀ 20 ਮਈ ਤੋਂ ਸ਼ੁਰੂ ਹੋਵੇਗੀ। ਫਿਲਹਾਲ ਭਾਰਤ ਜਾਂ ਹੋਰ ਦੇਸ਼ਾਂ ਵਿੱਚ ਇਸ ਦੇ ਲਾਂਚ ਹੋਣ ਬਾਰੇ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ।

Pixel 10a ਦੇ ਦਮਦਾਰ ਫੀਚਰਸ:
   ਡਿਸਪਲੇ: 6.3 ਇੰਚ ਦੀ Actua pOLED ਡਿਸਪਲੇ (120Hz ਰਿਫ੍ਰੈਸ਼ ਰੇਟ)।
   ਪ੍ਰੋਸੈਸਰ: Tensor G4 ਪ੍ਰੋਸੈਸਰ ਅਤੇ Titan M2 ਸੁਰੱਖਿਆ ਚਿਪ।
   ਕੈਮਰਾ: 48 ਮੈਗਾਪਿਕਸਲ ਦਾ ਪ੍ਰਾਇਮਰੀ ਅਤੇ 13 ਮੈਗਾਪਿਕਸਲ ਦਾ ਅਲਟਰਾ ਵਾਈਡ ਲੈਂਸ।
   ਬੈਟਰੀ: 5100mAh ਦੀ ਬੈਟਰੀ, 30W ਫਾਸਟ ਚਾਰਜਿੰਗ ਦੇ ਨਾਲ।
   ਸਾਫਟਵੇਅਰ: ਇਹ ਫੋਨ Android 16 'ਤੇ ਚੱਲੇਗਾ ਅਤੇ ਕੰਪਨੀ ਨੇ 7 ਸਾਲਾਂ ਤੱਕ ਅਪਡੇਟ ਦੇਣ ਦਾ ਵਾਅਦਾ ਕੀਤਾ ਹੈ।

ਗੂਗਲ ਦਾ ਇਹ ਫੋਨ ਉਨ੍ਹਾਂ ਲੋਕਾਂ ਲਈ ਖਾਸ ਹੈ ਜੋ ਆਰਟ ਅਤੇ ਟੈਕਨਾਲੋਜੀ ਦਾ ਸੁਮੇਲ ਪਸੰਦ ਕਰਦੇ ਹਨ, ਪਰ ਇਸ ਦੀ ਸੀਮਤ ਉਪਲਬਧਤਾ ਨੇ ਬਾਕੀ ਦੁਨੀਆ ਦੇ ਪ੍ਰਸ਼ੰਸਕਾਂ ਨੂੰ ਕੁਝ ਨਿਰਾਸ਼ ਜ਼ਰੂਰ ਕੀਤਾ ਹੈ।