''ਰਾਤ ਅਕੇਲੀ ਹੈ: ਦਿ ਬਾਂਸਲ ਮਰਡਰਸ'' ਦਾ ਟ੍ਰੇਲਰ ਰਿਲੀਜ਼

ਮੁੰਬਈ (ਏਜੰਸੀ) - ਬਾਲੀਵੁੱਡ ਅਦਾਕਾਰ ਨਵਾਜ਼ੂਦੀਨ ਸਿੱਦੀਕੀ ਦੀ ਫਿਲਮ 'ਰਾਤ ਅਕੇਲੀ ਹੈ: ਦਿ ਬਾਂਸਲ ਮਰਡਰਸ' ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਹਨੀ ਤ੍ਰੇਹਨ ਦੁਆਰਾ ਨਿਰਦੇਸ਼ਤ ਅਤੇ ਸਮਿਤਾ ਸਿੰਘ ਦੁਆਰਾ ਲਿਖੀ ਗਈ, 'ਰਾਤ ਅਕੇਲੀ ਹੈ: ਦਿ ਬਾਂਸਲ ਮਰਡਰਸ' 2020 ਦੀ ਫਿਲਮ 'ਰਾਤ ਅਕੇਲੀ ਹੈ' ਦਾ ਸੀਕਵਲ ਹੈ। ਨਵਾਜ਼ੂਦੀਨ ਸਿੱਦੀਕੀ ਤੋਂ ਇਲਾਵਾ, ਇਸ ਫਿਲਮ ਵਿੱਚ ਰਾਧਿਕਾ, ਚਿਤਰਾਂਗਦਾ ਸਿੰਘ, ਦੀਪਤੀ ਨਵਲ, ਇਲਾ ਅਰੁਣ ਬਾਜਪਾਈ, ਰੇਵਤੀ ਆਸ਼ਾ ਕੇਲੂਨੀ, ਰਜਤ ਕਪੂਰ ਅਤੇ ਸੰਜੇ ਕਪੂਰ ਵੀ ਹਨ।

'ਰਾਤ ਅਕੇਲੀ ਹੈ: ਦਿ ਬਾਂਸਲ ਮਰਡਰਸ' ਦਾ ਟ੍ਰੇਲਰ ਅਮੀਰ ਬਾਂਸਲ ਪਰਿਵਾਰ ਦੇ ਸਾਰੇ ਮੈਂਬਰਾਂ ਦੇ ਉਨ੍ਹਾਂ ਦੇ ਘਰ ਵਿੱਚ ਬੇਰਹਿਮੀ ਨਾਲ ਕੀਤੇ ਗਏ ਕਤਲ ਨੂੰ ਦਰਸਾਉਂਦਾ ਹੈ। ਸਿਰਫ਼ ਮੀਰਾ ਬਾਂਸਲ ਬਚਦੀ ਹੈ, ਜੋ ਸੰਭਵ ਤੌਰ 'ਤੇ ਕੁੱਝ ਭੇਤ ਲੁਕਾ ਰਹੀ ਹੈ। ਇਸ ਮਾਮਲੇ ਦੇ ਤਾਰ ਗੁਰੂ ਮਾਂ ਅਤੇ ਉਨ੍ਹਾਂ ਦੇ ਚੇਲਿਆਂ ਨਾਲ ਵੀ ਜੁੜਦੇ ਹਨ। ਕੇਸ ਕਈ ਮੋੜ ਲੈਂਦਾ ਹੈ, ਅਤੇ ਇਹ ਇੰਸਪੈਕਟਰ ਜਤਿਲ 'ਤੇ ਨਿਰਭਰ ਕਰਦਾ ਹੈ ਕਿ ਉਹ ਰਹੱਸ ਨੂੰ ਸੁਲਝਾਏ ਅਤੇ ਸੱਚਾਈ ਦਾ ਪਰਦਾਫਾਸ਼ ਕਰੇ। "ਰਾਤ ਅਕੇਲੀਹੈ: ਦਿ ਬਾਂਸਲ ਮਰਡਰਜ਼" 19 ਦਸੰਬਰ, 2025 ਨੂੰ ਨੈੱਟਫਲਿਕਸ 'ਤੇ ਸਟ੍ਰੀਮ ਕੀਤੀ ਜਾਵੇਗੀ।