ਅਨਿਲ ਕਪੂਰ ਦਾ ਦਮਦਾਰ ਐਕਸ਼ਨ ਅਵਤਾਰ ! ਫਿਲਮ ''ਸੂਬੇਦਾਰ'' ਦਾ ਟ੍ਰੇਲਰ ਰਿਲੀਜ਼

ਮੁੰਬਈ (ਏਜੰਸੀ) : ਬਾਲੀਵੁੱਡ ਦੇ 'ਝਾਕਾਸ' ਅਦਾਕਾਰ ਅਨਿਲ ਕਪੂਰ ਇੱਕ ਵਾਰ ਫਿਰ ਆਪਣੇ ਦਮਦਾਰ ਅੰਦਾਜ਼ ਨਾਲ ਪਰਦੇ 'ਤੇ ਵਾਪਸੀ ਕਰ ਰਹੇ ਹਨ। ਪ੍ਰਾਈਮ ਵੀਡੀਓ ਨੇ ਉਨ੍ਹਾਂ ਦੀ ਆਉਣ ਵਾਲੀ ਮੋਸਟ ਅਵੇਟਿਡ ਐਕਸ਼ਨ-ਡਰਾਮਾ ਫਿਲਮ 'ਸੂਬੇਦਾਰ' ਦਾ ਧਮਾਕੇਦਾਰ ਟ੍ਰੇਲਰ ਰਿਲੀਜ਼ ਕਰ ਦਿੱਤਾ ਹੈ। ਇਸ ਫਿਲਮ ਵਿੱਚ ਅਨਿਲ ਕਪੂਰ ਇੱਕ ਸੇਵਾਮੁਕਤ ਫੌਜੀ ਦੀ ਭੂਮਿਕਾ ਵਿੱਚ ਨਜ਼ਰ ਆ ਰਹੇ ਹਨ, ਜਿਸ ਦਾ ਅੰਦਾਜ਼ ਪ੍ਰਸ਼ੰਸਕਾਂ ਦੇ ਹੋਸ਼ ਉਡਾ ਰਿਹਾ ਹੈ।

ਇਹ ਵੀ ਪੜ੍ਹੋ: B'day Spl: ਪੂਜਾ ਭੱਟ ਦੇ ਉਹ 3 ਵੱਡੇ ਵਿਵਾਦ, ਜਿਨ੍ਹਾਂ ਨੇ ਹਿਲਾ ਕੇ ਰੱਖ ਦਿੱਤਾ ਸੀ ਪੂਰਾ ਬਾਲੀਵੁੱਡ !

ਕੀ ਹੈ ਫਿਲਮ ਦੀ ਕਹਾਣੀ?

'ਸੂਬੇਦਾਰ' ਦਾ ਟ੍ਰੇਲਰ ਭਾਰਤ ਦੇ ਇੱਕ ਪਛੜੇ ਇਲਾਕੇ ਦੀ ਕਹਾਣੀ ਪੇਸ਼ ਕਰਦਾ ਹੈ, ਜਿੱਥੇ ਗੈਰ-ਕਾਨੂੰਨੀ ਰੇਤ ਮਾਈਨਿੰਗ ਕਾਰਨ ਦਹਿਸ਼ਤ ਦਾ ਮਾਹੌਲ ਹੈ। ਅਨਿਲ ਕਪੂਰ ਸੂਬੇਦਾਰ ਅਰਜੁਨ ਮੌਰਿਆ ਦਾ ਕਿਰਦਾਰ ਨਿਭਾ ਰਹੇ ਹਨ, ਜੋ ਕਿ ਇੱਕ ਅਨੁਸ਼ਾਸਿਤ ਅਤੇ ਜੰਗ ਦੇ ਜ਼ਖਮਾਂ ਨਾਲ ਭਰਿਆ ਇਨਸਾਨ ਹੈ। ਉਸ ਦੀ ਜ਼ਿੰਦਗੀ ਵਿੱਚ ਉਦੋਂ ਮੋੜ ਆਉਂਦਾ ਹੈ ਜਦੋਂ ਉਸ ਦਾ ਸਾਹਮਣਾ 'ਪ੍ਰਿੰਸ' (ਆਦਿਤਿਆ ਰਾਵਲ) ਨਾਮ ਦੇ ਇੱਕ ਖ਼ਤਰਨਾਕ ਦੁਸ਼ਮਣ ਨਾਲ ਹੁੰਦਾ ਹੈ।

ਇਹ ਵੀ ਪੜ੍ਹੋ: ਬਾਲੀਵੁੱਡ ਦੀ 'ਬੋਲਡ' ਹਸੀਨਾ; ਕਦੇ ਪਿਤਾ ਨੂੰ ਕਿਸ ਕਰਕੇ ਫਸੀ, ਕਦੇ ਅਸ਼ਲੀਲ ਫੋਟੋਸ਼ੂਟ ਨਾਲ ਮਚਾਇਆ ਤਹਿਲਕਾ !

 

 

 

 

 

View this post on Instagram

 

 

 

 

 

 

 

 

 

 

 

A post shared by prime video IN (@primevideoin)

"ਫੌਜੀ ਹਾਂ, ਸੀਨੇ 'ਚ ਗੋਲੀ ਝੱਲ ਸਕਦੇ ਹਾਂ, ਬੇਇੱਜ਼ਤੀ ਨਹੀਂ"

ਟ੍ਰੇਲਰ ਵਿੱਚ ਅਨਿਲ ਕਪੂਰ ਦਾ ਇੱਕ ਡਾਇਲਾਗ "ਫੌਜੀ ਹਾਂ, ਸੀਨੇ 'ਚ ਗੋਲੀ ਝੱਲ ਸਕਦੇ ਹਾਂ, ਬੇਇੱਜ਼ਤੀ ਨਹੀਂ" ਕਾਫੀ ਵਾਇਰਲ ਹੋ ਰਿਹਾ ਹੈ। ਇਹ ਫਿਲਮ ਨਾ ਸਿਰਫ ਐਕਸ਼ਨ ਨਾਲ ਭਰਪੂਰ ਹੈ, ਬਲਕਿ ਇਹ ਅਰਜੁਨ ਮੌਰਿਆ ਅਤੇ ਉਸ ਦੀ ਬੇਟੀ ਸ਼ਿਆਮਾ (ਰਾਧਿਕਾ ਮਦਾਨ) ਦੇ ਤਣਾਅਪੂਰਨ ਰਿਸ਼ਤੇ ਦੀ ਭਾਵਨਾਤਮਕ ਕਹਾਣੀ ਵੀ ਬਿਆਨ ਕਰਦੀ ਹੈ।

ਇਹ ਵੀ ਪੜ੍ਹੋ: ਸੰਜੇ ਦੱਤ ਨੇ CM ਯੋਗੀ ਆਦਿੱਤਿਆਨਾਥ ਨਾਲ ਕੀਤੀ ਮੁਲਾਕਾਤ

ਵੱਡੀ ਸਟਾਰ ਕਾਸਟ ਅਤੇ ਰਿਲੀਜ਼ ਡੇਟ

ਸੁਰੇਸ਼ ਤ੍ਰਿਵੇਣੀ ਦੇ ਨਿਰਦੇਸ਼ਨ ਹੇਠ ਬਣੀ ਇਸ ਫਿਲਮ ਨੂੰ ਅਨਿਲ ਕਪੂਰ ਅਤੇ ਵਿਕਰਮ ਮਲਹੋਤਰਾ ਨੇ ਮਿਲ ਕੇ ਪ੍ਰੋਡਿਊਸ ਕੀਤਾ ਹੈ। ਫਿਲਮ ਵਿੱਚ ਰਾਧਿਕਾ ਮਦਾਨ ਦੇ ਨਾਲ-ਨਾਲ ਸੌਰਭ ਸ਼ੁਕਲਾ, ਮੋਨਾ ਸਿੰਘ, ਆਦਿਤਿਆ ਰਾਵਲ, ਫੈਜ਼ਲ ਮਲਿਕ ਅਤੇ ਖੁਸ਼ਬੂ ਸੁੰਦਰ ਅਹਿਮ ਭੂਮਿਕਾਵਾਂ ਵਿੱਚ ਹਨ। ਇਹ ਫਿਲਮ ਪ੍ਰਾਈਮ ਵੀਡੀਓ 'ਤੇ 05 ਮਾਰਚ ਨੂੰ ਰਿਲੀਜ਼ ਹੋਵੇਗੀ। ਇਹ ਫਿਲਮ ਭਾਰਤ ਸਮੇਤ ਦੁਨੀਆ ਭਰ ਦੇ 240 ਤੋਂ ਵੱਧ ਦੇਸ਼ਾਂ ਅਤੇ ਖੇਤਰਾਂ ਵਿੱਚ ਹਿੰਦੀ, ਤਾਮਿਲ ਅਤੇ ਤੇਲਗੂ ਭਾਸ਼ਾਵਾਂ ਵਿੱਚ ਉਪਲਬਧ ਹੋਵੇਗੀ।

ਇਹ ਵੀ ਪੜ੍ਹੋ: ਕੀ ਤੁਹਾਨੂੰ ਪਤਾ ਹੈ ਅੱਜ ਕਰੋੜਾਂ ਕਮਾਉਣ ਵਾਲਾ ਇਹ ਮਸ਼ਹੂਰ ਅਦਾਕਾਰ ਕਦੇ 35 ਰੁਪਏ 'ਚ ਕਰਦਾ ਸੀ ਗੁਜ਼ਾਰਾ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e