ਪ੍ਰਿਅੰਕਾ ਚੋਪੜਾ ਨੂੰ ਪਤੀ ਨਿਕ ਜੋਨਸ ਨੇ ਖ਼ਾਸ ਅੰਦਾਜ਼ ਦਿੱਤੀ ਜਨਮਦਿਨ ਦੀ ਵਧਾਈ
Thursday, Jul 18, 2024 - 12:43 PM (IST)
![](https://static.jagbani.com/multimedia/2024_7image_12_41_201251266pryanka1.jpg)
ਮੁੰਬਈ- ਪ੍ਰਿਅੰਕਾ ਚੋਪੜਾ ਇੱਕ ਗਲੋਬਲ ਆਈਕਨ ਹੈ। 2 ਦਹਾਕਿਆਂ ਤੋਂ ਅਦਾਕਾਰੀ ਦੀ ਦੁਨੀਆ 'ਚ ਸਰਗਰਮ ਭੂਮਿਕਾ ਨਿਭਾ ਰਹੀ ਦੇਸੀ ਗਰਲ ਦਾ ਅੱਜ ਜਨਮਦਿਨ ਹੈ। ਉਨ੍ਹਾਂ ਦੇ ਜਨਮਦਿਨ ਦੇ ਮੌਕੇ 'ਤੇ ਉਨ੍ਹਾਂ ਦੇ ਪਿਆਰੇ ਪਤੀ ਨਿਕ ਜੋਨਸ ਨੇ ਇਕ ਭਾਵੁਕ ਪੋਸਟ ਲਿਖੀ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਪ੍ਰਿਅੰਕਾ ਦੀਆਂ ਕਈ ਅਣਦੇਖੀਆਂ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਹਨ। ਇਕ ਤਸਵੀਰ 'ਚ ਦੋਵੇਂ ਇਕ-ਦੂਜੇ ਦੀਆਂ ਬਾਹਾਂ 'ਚ ਲਿਪਟੇ ਨਜ਼ਰ ਆ ਰਹੇ ਹਨ। ਨਿਕ ਜੋਨਸ ਨੇ ਇੰਸਟਾਗ੍ਰਾਮ 'ਤੇ ਪੋਸਟ ਰਾਹੀਂ ਆਪਣੀਆਂ ਭਾਵਨਾਵਾਂ ਜ਼ਾਹਰ ਕੀਤੀਆਂ। ਉਸ ਨੇ ਲਿਖਿਆ, 'ਤੁਸੀਂ ਉਹ ਮਹਿਲਾ ਹੋ, ਜਿਸ ਨੂੰ ਮਿਲਣ ਲਈ ਮੈਂ ਆਪਣੇ ਆਪ ਨੂੰ ਖੁਸ਼ਕਿਸਮਤ ਸਮਝਦਾ ਹਾਂ। ਜਨਮਦਿਨ ਮੁਬਾਰਕ ਮੇਰੇ ਪਿਆਰ।
ਤੁਹਾਨੂੰ ਦੱਸ ਦੇਈਏ ਕਿ ਪ੍ਰਿਯੰਕਾ ਹੁਣ ਆਪਣੇ ਪਤੀ ਨਾਲ ਅਮਰੀਕਾ 'ਚ ਰਹਿੰਦੀ ਹੈ। ਹਾਲ ਹੀ 'ਚ ਉਹ ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਦੇ ਵਿਆਹ 'ਚ ਸ਼ਾਮਲ ਹੋਣ ਲਈ ਭਾਰਤ ਆਈ ਸੀ। ਇਸ ਦੌਰਾਨ ਉਨ੍ਹਾਂ ਦੇ ਪਤੀ ਨਿਕ ਜੋਨਸ ਵੀ ਉਨ੍ਹਾਂ ਦੇ ਨਾਲ ਸਨ। ਇਸ ਜੋੜੇ ਦੇ ਡਾਂਸ ਵੀਡੀਓ ਅਤੇ ਕਈ ਸ਼ਾਨਦਾਰ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਅੱਜ ਵੀ ਮਸ਼ਹੂਰ ਹਨ। ਦੇਸੀ ਕੁੜੀ ਅਨੰਤ ਅੰਬਾਨੀ ਦੇ ਵਿਆਹ ਦੇ ਜਲੂਸ ਦਾ ਹਿੱਸਾ ਬਣ ਕੇ ਖੁੱਲ੍ਹ ਕੇ ਨੱਚਦੀ ਨਜ਼ਰ ਆਈ। ਉਸ ਨੇ 'ਚਿਕਨੀ ਚਮੇਲੀ', 'ਮੁਝਸੇ ਸ਼ਾਦੀ ਕਰੋਗੀ' ਅਤੇ ਹੋਰ ਬਾਲੀਵੁੱਡ ਚਾਰਟਬਸਟਰ ਗੀਤਾਂ 'ਤੇ ਆਪਣੀਆਂ ਚਾਲਾਂ ਨਾਲ ਸਾਰਿਆਂ ਨੂੰ ਮੰਤਰਮੁਗਧ ਕੀਤਾ। ਨਿਕ ਨੇ ਵੀ ਆਪਣੀ ਪਤਨੀ ਨੂੰ ਡਾਂਸ ਫਲੋਰ 'ਤੇ ਡਾਂਸ ਕਰਦੇ ਦੇਖ ਕੇ ਮਜ਼ਾ ਲਿਆ।
ਪ੍ਰਿਅੰਕਾ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਮਾਡਲਿੰਗ ਨਾਲ ਕੀਤੀ ਸੀ। ਸਾਲ 2000 'ਚ ਉਹ ਮਿਸ ਇੰਡੀਆ ਰਨਰ ਅੱਪ ਅਤੇ ਮਿਸ ਵਰਲਡ ਬਣੀ। ਉਨ੍ਹਾਂ ਦਿਨਾਂ 'ਚ ਉਹ 18 ਸਾਲ ਦੀ ਸੀ। ਸਾਲ 2002 'ਪ੍ਰਿਯੰਕਾ ਨੇ ਤਾਮਿਲ ਫ਼ਿਲਮ ਥਮਿਜ਼ਾਨ ਨਾਲ ਅਦਾਕਾਰੀ ਦੇ ਖੇਤਰ 'ਚ ਐਂਟਰੀ ਕੀਤੀ। ਅਦਾਕਾਰਾ ਉਸ ਸਮੇਂ ਵਿਜੇ ਥਲਾਪਤੀ ਨਾਲ ਸਕ੍ਰੀਨ ਸ਼ੇਅਰ ਕਰਦੀ ਨਜ਼ਰ ਆਈ ਸੀ। ਉਸ ਦੀ ਪਹਿਲੀ ਬਾਲੀਵੁੱਡ ਡੈਬਿਊ ਫ਼ਿਲਮ ਅਕਸ਼ੈ ਕੁਮਾਰ ਨਾਲ 'ਐਤਜ਼ਾਰ' ਸੀ। ਇਸ ਫ਼ਿਲਮ 'ਚ ਪ੍ਰਿਅੰਕਾ ਨੇ ਨੈਗੇਟਿਵ ਰੋਲ ਨਿਭਾਇਆ ਸੀ, ਜਿਸ ਨੂੰ ਦਰਸ਼ਕਾਂ ਨੇ ਕਾਫੀ ਪਸੰਦ ਕੀਤਾ ਸੀ।