ਗਲੋਬਲ ਬਾਜ਼ਾਰਾਂ ''ਚ ਤੇਜ਼ੀ ਦੇ ਵਿਚਾਲੇ ਸ਼ੁਰੂਆਤੀ ਕਾਰੋਬਾਰ ''ਚ ਸੈਂਸੈਕਸ, ਨਿਫਟੀ ਮਜ਼ਬੂਤ

ਮੁੰਬਈ—ਗਲੋਬਲ ਬਾਜ਼ਾਰਾਂ 'ਚ ਮਜ਼ਬੂਤੀ ਵਿਚਾਲੇ ਮੰਗਲਵਾਰ ਨੂੰ ਸ਼ੁਰੂਆਤੀ ਕਾਰੋਬਾਰ 'ਚ ਬੀ.ਐੱਸ. ਈ ਦਾ ਸੈਂਸੈਕਸ 60,000 ਦੇ ਅੰਕੜੇ ਨੂੰ ਪਾਰ ਕਰ ਗਿਆ। ਇਸ ਦੌਰਾਨ 30 ਸ਼ੇਅਰਾਂ ਵਾਲਾ ਸੂਚਕਾਂਕ ਅੰਕ 249.58 ਅੰਕ ਚੜ੍ਹ ਕੇ 60,081.24 'ਤੇ ਪਹੁੰਚ ਗਿਆ। ਇਸ ਦੌਰਾਨ, ਵਿਆਪਕ ਐੱਨ.ਐੱਸ.ਈ.ਨਿਫਟੀ 80.75 ਅੰਕ ਵਧ ਕੇ 17,811.50 'ਤੇ ਸੀ। ਸੈਂਸੈਕਸ 'ਚ ਮਾਰੂਤੀ, ਡਾ. ਰੈੱਡੀਜ਼, ਆਈ.ਸੀ.ਆਈ.ਸੀ.ਆਈ ਬੈਂਕ, ਅਲਟਰਾਟੈਕ ਸੀਮੈਂਟ, ਟਾਟਾ ਸਟੀਲ, ਮਹਿੰਦਰਾ ਐਂਡ ਮਹਿੰਦਰਾ, ਟੇਕ ਮਹਿੰਦਰਾ ਅਤੇ ਲਾਰਸਨ ਐਂਡ ਟੂਬਰੋ ਵਧਣ ਵਾਲੇ ਪ੍ਰਮੁੱਖ ਸਨ।
ਦੂਜੇ ਪਾਸੇ ਇੰਡਸਇੰਡ ਬੈਂਕ, ਨੇਸਲੇ, ਪਾਵਰ ਗ੍ਰਿਡ, ਹਿੰਦੁਸਤਾਨ ਯੂਨੀਲੀਵਰ ਅਤੇ ਬਜਾਜ ਫਿਨਸਰਵ ਦੇ ਸ਼ੇਅਰਾਂ 'ਚ ਗਿਰਾਵਟ ਹੋਈ। ਦੂਜੇ ਏਸ਼ੀਆਈ ਬਾਜ਼ਾਰਾਂ 'ਚ ਸਿਓਲ, ਟੋਕੀਓ, ਸ਼ੰਘਾਈ ਅਤੇ ਹਾਂਗਕਾਂਗ ਹਰੇ ਰੰਗ 'ਚ ਕਾਰੋਬਾਰ ਕਰ ਰਹੇ ਸਨ। ਹਿੰਦੂ ਸੰਵਤ ਸਾਲ 2079 ਦੀ ਸ਼ੁਰੂਆਤ ਦੇ ਮੌਕੇ 'ਤੇ ਸੋਮਵਾਰ ਨੂੰ ਇਕ ਘੰਟੇ ਦੇ ਵਿਸ਼ੇਸ਼ ਮੁਹੂਰਤ ਵਪਾਰ 'ਚ ਬੀ.ਐੱਸ.ਈ ਦਾ ਸੈਂਸੈਕਸ 524.51 ਅੰਕ ਜਾਂ 0.88 ਫੀਸਦੀ ਵਧ ਕੇ 59,831.66 'ਤੇ ਬੰਦ ਹੋਇਆ। ਦੂਜੇ ਪਾਸੇ ਨਿਫਟੀ 154.45 ਅੰਕ ਜਾਂ 0.88 ਫੀਸਦੀ ਦੇ ਵਾਧੇ ਨਾਲ 17,730.75 'ਤੇ ਬੰਦ ਹੋਇਆ।