ਤਿਉਹਾਰਾਂ ''ਚ ਵਿਕਰੀ ਵਧਣ ਦੇ ਆਸਾਰ

ਬਿਜਨੈੱਸ ਡੈਸਕ- ਰਿਟੇਲ, ਐੱਫ.ਐੱਮ.ਸੀ.ਜੀ ਅਤੇ ਕੰਜ਼ਿਊਮਰ ਡਿਊਰੇਬਲਸ ਖੇਤਰ ਦੀਆਂ ਕੰਪਨੀਆਂ ਇਸ ਸਾਲ ਤਿਉਹਾਰਾਂ ਦੀ ਮੰਗ ਵਧਣ ਦੀ ਉਮੀਦ ਕਰ ਰਹੀਆਂ ਹਨ। ਪਿਛਲੇ ਦੋ ਸਾਲ ਦੇ ਦੌਰਾਨ ਕੋਰੋਨਾ ਲਾਗ ਦੇ ਕਾਰਨ ਤਿਉਹਾਰਾਂ 'ਚ ਵਿਕਰੀ ਕਾਫੀ ਕਮਜ਼ੋਰ ਰਹੀ ਸੀ। ਯਾਤਰੀ ਵਾਹਨਾਂ ਦੀ ਵਿਕਰੀ 'ਚ ਵੀ ਤੇਜ਼ੀ ਆਉਣ ਦੀ ਉਮੀਦ ਹੈ ਕਿਉਂਕਿ ਸੈਮੀਕੰਡਕਟਰ ਦੀ ਘਾਟ ਕੁਝ ਘੱਟ ਹੋਈ ਹੈ, ਜਿਸ ਨਾਲ ਵਾਹਨ ਵਿਨਿਰਮਾਤਾਵਾਂ ਨੂੰ ਉਤਪਾਦਨ ਵਧਾਉਣ 'ਚ ਮਦਦ ਮਿਲ ਰਹੀ ਹੈ। 
ਪਿਛਲੇ ਕੁਝ ਸਮੇਂ 'ਚ ਕੱਚੇ ਮਾਲ ਦੀ ਲਾਗਤ  ਵਧਣ ਨਾਲ ਐੱਫ.ਐੱਮ.ਸੀ.ਜੀ. ਕੰਪਨੀਆਂ ਨੂੰ ਕੀਮਤਾਂ ਵਧਾਉਣੀਆਂ ਪਈਆਂ, ਜਿਸ ਨਾਲ ਇਸ ਖੇਤਰ 'ਚ ਮੰਗ ਘੱਟ ਹੋ ਗਈ। ਕੱਪੜਾ ਖੇਤਰ 'ਚ ਸ਼ਹਿਰੀ ਬਾਜ਼ਾਰਾਂ 'ਚ ਤਾਂ ਅਪ੍ਰੈਲ ਤੋਂ ਹੀ ਵਿਕਰੀ ਵਧ ਰਹੀ ਹੈ ਅਤੇ ਤਿਉਹਾਰਾਂ 'ਚ ਵੀ ਜਾਰੀ ਰਹਿਣ ਦੀ ਉਮੀਦ ਹੈ ਪਰ ਪੇਂਡੂ ਬਾਜ਼ਾਰਾਂ 'ਚ ਕੱਪੜਿਆਂ ਦੀ ਮੰਗ ਅਜੇ ਕਮਜ਼ੋਰ ਹੈ ਕਿਉਂਕਿ ਉਸ ਇਲਾਕੇ ਦੇ ਖਰੀਦਾਰ ਖਾਣ-ਪੀਣ ਦੀਆਂ ਚੀਜ਼ਾਂ ਨੂੰ ਪਹਿਲ ਦੇ ਰਹੇ ਹਨ। 
ਪ੍ਰਮੁੱਖ ਐੱਫ.ਐੱਮ.ਸੀ.ਜੀ. ਕੰਪਨੀ ਪਾਰਲੇ ਪ੍ਰਾਡੈਕਟਸ 'ਚ ਕੈਟੇਗਿਰੀ ਪ੍ਰਮੁੱਖ ਮਯੰਕ ਸ਼ਾਹ ਨੇ ਕਿਹਾ ਪੇਂਡੂ ਮੰਗ 'ਚ ਸੁਧਾਰ ਅਤੇ ਕੋਰੋਨਾ ਸੰਕਰਮਣਾਂ ਦੀ ਗਿਣਤੀ ਘਟਾਉਣ ਨਾਲ ਇਸ ਵਾਰ ਦੇ ਤਿਉਹਾਰਾਂ 'ਚ ਵਿਕਰੀ 2019 ਦੀ ਤੁਲਨਾ 'ਚ ਬਿਹਤਰ ਰਹਿਣ ਦੀ ਉਮੀਦ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਸ ਸਾਲ ਤਿਉਹਾਰਾਂ 'ਤੇ ਗਾਹਕਾਂ ਦਾ ਮਨੋਬਲ ਉੱਚਾ ਰਹਿਣ ਨਾਲ ਡੱਬਾਬੰਦ ਖਾਧ ਪਦਾਰਥਾਂ ਦੀ ਮੰਗ ਵਧ ਸਕਦੀ ਹੈ। ਤਿਉਹਾਰੀ ਸੀਜ਼ਨ ਸਤੰਬਰ 'ਚ ਸ਼ੁਰੂ ਹੋਵੇਗਾ ਅਤੇ ਦੀਵਾਲੀ ਤੱਕ ਚੱਲੇਗਾ। 
ਵਿਕਰੀ ਦੀ ਘਾਟ ਨਾਲ ਜੂਝ ਰਹੀ ਐੱਫ.ਐੱਮ.ਸੀ.ਜੀ. ਕੰਪਨੀ ਦੇ ਵਿਨਕੇਅਰ ਨੂੰ ਵੀ ਤਿਉਹਾਰਾਂ 'ਤੇ ਵਿਕਰੀ ਸੁਧਾਰਨ ਦੀ ਉਮੀਦ ਹੈ। ਕੇਵਿਨਕੇਅਰ ਦੇ ਗਰੁੱਪ ਮੁੱਖ ਕਾਰਜਧਿਕਾਰੀ ਵੇਂਕਟੇਸ਼ ਵਿਜੇਯਰਾਘਵਨ ਨੇ ਕਿਹਾ ਕਿ ਅਸੀਂ ਵਿਕਰੀ 'ਚ ਕੋਵਿਡ ਤੋਂ ਪਹਿਲਾਂ ਦੇ ਮੁਕਾਬਲੇ 10 ਫੀਸਦੀ ਉਮੀਦ ਕਰ ਰਹੇ ਹਾਂ ਕਿਉਂਕਿ ਖਪਤ 'ਚ ਤੇਜ਼ੀ ਆਉਣ ਦੀ ਸੰਭਾਵਨਾ ਹੈ। ਕੰਪਨੀ ਈ-ਕਾਰਸ ਖੇਤਰ 'ਚ ਪੈਠ ਵਧਾਏਗੀ ਅਤੇ ਤਿਉਹਾਰੀ ਮੌਸਮ ਲਈ ਵਿਸ਼ੇਸ਼ ਫੈਸਟਿਵ ਪੈਕ ਲਿਆਵੇਗੀ।
ਬਿਜਾਨ ਦੇ ਅੰਕੜਿਆਂ ਦੇ ਅਨੁਸਾਰ ਪਿਛਲੇ ਸਾਲ ਅਕਤੂਬਰ-ਦਸੰਬਰ ਤਿਮਾਹੀ 'ਚ ਐੱਫ.ਐੱਮ.ਸੀ.ਜੀ. ਦੀ ਵਿਕਰੀ 'ਚ 19.6 ਫੀਸਦੀ ਵਾਧਾ ਹੋਇਆ ਹੈ। ਬਿਜਾਮ 'ਚ ਵਾਧਾ ਅਤੇ ਇਨਸਾਈਟ ਪ੍ਰਮੁੱਖ ਅਕਸ਼ੈ ਡਿਸੂਜਾ ਨੇ ਕਿਹਾ ਕਿ ਕੀਮਤਾਂ 'ਚ ਵਾਧੇ ਦੇ ਕਾਰਨ ਜ਼ਿਆਦਾ ਮੁੱਲ ਦਾ ਸਾਮਾਨ ਵਿਕਿਆ ਹੈ। ਨੀਲਸਨ ਦੇ ਅੰਕੜਿਆਂ ਦੇ ਮੁਤਾਬਕ ਪਿਛਲੇ ਸਾਲ ਦਸੰਬਰ ਤਿਮਾਹੀ 'ਚ ਮੁੱਲ ਵਾਧੇ ਕਾਰਨ ਵਿਕਰੀ 'ਚ ਵਾਧਾ ਦਿਖਿਆ ਹੈ, ਪਰ ਮਾਤਰਾ ਦੇ ਹਿਸਾਬ ਨਾਲ ਅਸਲੀ ਵਿਕਰੀ 'ਚ 2.6 ਫੀਸਦੀ ਦੀ ਗਿਰਾਵਟ ਆਈ ਸੀ।
ਕੱਪੜਿਆਂ ਅਤੇ ਫੈਸ਼ਨ ਲੜੀ ਲਾਈਫਸਟਾਈਲ ਦੀ ਵਿਕਰੀ ਅਪ੍ਰੈਲ ਤੋਂ ਹੀ ਵਧਦੀ ਦਿਖ ਰਹੀ ਹੈ। ਤਿਉਹਾਰਾਂ ਦੇ ਦੌਰਾਨ ਇਸ ਦੀ ਵਿਕਰੀ 2019 ਦੇ ਤਿਉਹਾਰਾਂ ਤੋਂ ਦੁੱਗਣੀ ਰਹਿਣ ਦੀ ਉਮੀਦ ਹੈ। ਲਾਈਫਸਟਾਈਲ਼ ਦੇ ਮੁੱਖ ਕਾਰਜਧਿਕਾਰੀ ਦੇਵਰਾਜਨ ਅਈਅਰ ਨੇ ਕਿਹਾ ਕਿ ਅਪ੍ਰੈਲ ਤੋਂ ਕੀਮਤਾਂ 'ਚ 12-13 ਫੀਸਦੀ ਦਾ ਵਾਧਾ ਕੀਤਾ ਗਿਆ ਹੈ ਅਤੇ ਹੁਣ ਕੀਮਤਾਂ ਨਹੀਂ ਵਧਾਈਆਂ ਜਾਣਗੀਆਂ। ਅਜਿਹੇ 'ਚ ਸਾਡੀ ਵਿਕਰੀ ਕੋਵਿਡ ਤੋਂ ਪਹਿਲਾਂ ਦੇ ਪੱਧਰ ਤੋਂ ਇਕ ਅੰਕ 'ਚ ਵਧ ਸਕਦੀ ਹੈ। ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਅਸੀਂ ਕੋਵਿਡ-ਉੱਚ ਪੱਧਰ ਤੋਂ ਜ਼ਿਆਦਾ ਮਾਤਰਾ 'ਚ ਉਤਪਾਦਾਂ ਦੇ ਆਰਡਰ ਦਿੱਤੇ ਹਨ ਪਰ ਛੋਟੇ-ਮੋਟੇ ਸ਼ਹਿਰਾਂ 'ਚ ਸਟੋਰ ਚਲਾਉਣ ਵਾਲੀ ਵੀ-ਮਾਰਟ ਰਿਟੇਲ ਦੀ ਵਿਕਰੀ ਅਜੇ ਸੁਸਤ ਬਣੀ ਹੋਈ ਹੈ ਕਿਉਂਕਿ ਮਹਿੰਗਾਈ ਵਧਣ ਦੇ ਕਾਰਨ ਲੋਕਾਂ ਦੀ ਖਰੀਦਾਰੀ ਪ੍ਰਭਾਵਿਤ ਹੋਈ ਹੈ।