ਸਟੀਵਨ ਸਮਿਥ ਨੇ ਸ਼ਾਹਿਦ ਅਫਰੀਦੀ ਦੇ ਐਕਸ਼ਨ ''ਚ ਗੇਂਦਬਾਜ਼ੀ ਕਰਕੇ ਦਿਖਾਇਆ ਕਮਾਲ

ਨਵੀਂ ਦਿੱਲੀ—ਤੁਸੀਂ ਸਟੀਵਨ ਸਮਿਥ ਨੂੰ ਕ੍ਰਿਕਟ ਤੋਂ ਬਾਹਰ ਕਰ ਸਕਦੇ ਹੋ, ਪਰ ਤੁਸੀਂ ਉਨ੍ਹਾਂ ਦੇ ਅੰਦਰੋਂ ਕ੍ਰਿਕਟ ਬਾਹਰ ਨਹੀਂ ਕੱਢ ਸਕਦੇ। ਸਾਬਕਾ ਆਸਟ੍ਰੇਲੀਆਈ ਕਪਤਾਨ ਸਟੀਵਨ ਸਮਿਥ ਇਸ ਸਮੇਂ ਦ,ਅਫਰੀਕਾ 'ਚ ਹੋਏ ਬਾਲ ਟੈਂਪਰਿੰਗ ਦੀ ਗਲਤੀ ਦੀ ਵਜ੍ਹਾ ਨਾਲ 1 ਸਾਲ ਦਾ ਬੈਨ ਝੱਲ ਰਹੇ ਹਨ। ਉਨ੍ਹਾਂ ਨੇ ਕੈਰੇਬੀਅਨ ਪ੍ਰੀਮੀਅਰ ਲੀਗ 'ਚ ਹਾਲ ਹੀ 'ਚ ਸ਼ਾਨਦਾਰ ਪ੍ਰਦਰਸ਼ਨ ਨੂੰ ਅੰਜਾਮ ਦਿੱਤਾ। ਬਾਰਬਾਡੋਸ ਟ੍ਰਾਈਡੇਂਟ ਵਲੋਂ ਖੇਡਦੇ ਹੋਏ ਜਦੋਂ ਸਮਿਥ ਬੈਟਿੰਗ ਕਰਨ ਲਈ ਆਏ ਤਾਂ 37 ਦੌੜਾਂ 'ਤੇ 2 ਵਿਕਟ ਗਿਰ ਚੁੱਕੇ ਸਨ। ਸਮਿਥ ਨੇ ਆਉਂਦੇ ਹੀ ਸਭ ਕੁਝ ਬਦਲ ਕੇ ਰੱਖ ਦਿੱਤਾ ਅਤੇ ਸ਼ਾਨਦਾਰ ਅੰਦਾਜ 'ਚ ਬੈਟਿੰਗ ਕਰਦੇ ਹੋਏ 44 ਗੇਂਦਾਂ 'ਚ 63 ਦੌੜਾਂ ਬਣਾਈਆਂ। ਇਸ ਦੌਰਾਨ ਉਨ੍ਹਾਂ ਨੇ ਪੰਜ ਚੌਕੇ ਅਤੇ ਤਿੰਨ ਛੱਕੇ ਲਗਾਏ। ਇਸ ਤਰ੍ਹਾਂ ਨਾਲ ਟ੍ਰਾਈਡੇਂਟ ਨੇ 20 ਓਵਰਾਂ 'ਚ 6 ਵਿਕਟਾਂ 'ਤੇ 156 ਦਾ ਸਕੋਰ ਬਣਾਇਆ। ਸਮਿਥ ਬੱਲੇਬਾਜ਼ੀ ਕਰਨ ਲਈ ਛੇਵੇਂ ਓਵਰ 'ਤੇ ਆਏ ਸਨ। ਉਨ੍ਹਾਂ ਨੇ ਸ਼ਾਈ ਹੋਪ ਨਾਲ ਸ਼ਾਈ ਹੋਪ ਨਾਲ ਸਾਂਝੇਦਾਰੀ ਨਿਭਾਉਂਦੇ ਹੋਏ ਟੀਮ ਨੂੰ ਮੁਸ਼ਕਲ 'ਚੋਂ ਕੱਢਿਆ । ਵੈਸੇ ਸਮਿਥ ਦਾ ਪੂਰਾ ਕਮਾਲ ਤਾਂ ਹਜੇ ਬਾਕੀ ਸੀ। ਇਨਿੰਗਸ ਬ੍ਰੇਕ ਤੋਂ ਬਾਅਦ ਵਿਪੱਖੀ ਟੀਮ ਜਮੈਕਾ ਤਾਲਾਵਾਹ ਨੇ 10 ਓਵਰਾਂ 'ਚ ਬਿਨਾਂ ਕਿਸੇ ਨੁਕਸਾਨ ਦੇ 80 ਦੌੜਾਂ ਬਣਾ ਲਈਆਂ ਸਨ।

Steve Smith performed with the bat & ball today and hence the #Playoftheday from match 14 belongs to him #CPL18 pic.twitter.com/xLIVvQpJ0M

— CPL T20 (@CPL) August 23, 2018

ਇਸੇ ਵਿਚਕਾਰ ਸਮਿਥ ਗੇਂਦਬਾਜ਼ੀ ਕਰਨ ਲਈ ਆਏ ਅਤੇ ਸ਼ਾਹਿਦ ਅਫਰੀਦੀ ਦੇ ਐਕਸ਼ਨ 'ਚ ਗੇਂਦਬਾਜ਼ੀ ਕਰਦੇ ਹੋਏ ਉਨ੍ਹਾਂ ਨੇ ਦੋਵੇਂ ਓਪਨਰਾਂ ਨੂੰ ਆਊਟ ਕੀਤਾ। ਇਨ੍ਹਾਂ ਦੋ ਝਟਕਿਆ ਤੋਂ ਜਮੈਕਾ ਟੀਮ ਉਬਰ ਨਹੀਂ ਪਾਈ ਅਤੇ ਮੈਚ 2 ਦੌੜਾਂ ਨਾਲ ਹਾਰ ਗਈ। ਸਮਿਥ ਨੇ 3 ਓਵਰਾਂ 'ਚ 19 ਦੌੜਾਂ ਦੇ ਕੇ 2 ਵਿਕਟ ਝਟਕੇ, ਉਨ੍ਹਾਂ ਨੂੰ ਪਹਿਲਾ ਵਿਕਟ ਚਾਰਲਸ ਦੇ ਰੂਪ 'ਚ ਝਟਕਿਆ। ਇਸ ਦੌਰਾਨ ਉਨ੍ਹਾਂ ਨੇ ਗੇਂਦ ਨੂੰ ਹਵਾ 'ਚ ਉਛਾਲਿਆ ਅਤੇ ਵੱਡਾ ਸ਼ਾਟ ਲਗਾਉਣ ਦੀ ਕੋਸ਼ਿਸ਼ 'ਚ ਚਾਰਲਸ ਡੀਪ ਮਿਡ ਵਿਕਟ 'ਚ ਮਾਰਟਿਨ ਗਪਿਟਲ ਨੂੰ ਕੈਚ ਦੇ ਬੈਠੇ। ਚਾਰ ਗੇਂਦਾਂ ਤੋਂ ਬਾਅਦ ਉਨ੍ਹਾਂ ਨੇ ਸ਼ਾਨਦਾਰ ਲੈੱਗ ਸਪਿਨਰ ਪਾਈ ਅਤੇ ਬਾਹਰੀ ਕਿਨਾਰਾ ਲਗਦੀ ਹੋਈ ਗੇਂਦ ਵਿਕਟਕੀਪਰ ਨਿਕੋਲਸ ਪੂਰਨ ਦੇ ਦਸਤਾਨਾਂ 'ਚ ਸਮਾ ਗਈ। ਵੈਸੇ ਸਮਿਥ ਨੇ ਲਗਭਗ ਆਪਣਾ ਤੀਜਾ ਵਿਕਟ ਝਟਕ ਲਿਆ ਸੀ ਪਰ ਰੇਮਨ ਰੀਫਰ ਨੇ ਉਨ੍ਹਾਂ ਦੀ ਗੇਂਦ 'ਤੇ ਕੈਚ ਲੈ ਲਿਆ। ਸਮਿਥ ਨੇ ਮੈਚ ਤੋਂ ਬਾਅਦ ਆਪਣੇ ਗੇਂਦਬਾਜ਼ੀ ਐਕਸ਼ਨ 'ਚ ਬਦਲਾਅ ਨੂੰ ਲੈ ਤੇ ਅਫਰੀਦੀ ਨੂੰ ਸਿਹਰਾ ਦਿੱਤਾ। ਉਨ੍ਹਾਂ ਨੇ ਕਿਹਾ,' ਮੈਂ ਗੇਂਦਬਾਜ਼ੀ ਨੂੰ ਲੈ ਕੇ ਕੁਝ ਚੀਜ਼ਾਂ 'ਚ ਬਦਲਾਅ ਕੀਤਾ ਹੈ। ਮੈਂ ਸ਼ਾਹਿਦ ਅਫਰੀਦੀ ਵਰਗੇ ਐਕਸ਼ਨ ਦੇ ਨਾਲ ਗੇਂਦਬਾਜ਼ੀ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹਾਂ ਤਾਂਕਿ ਮੈਂ ਗੇਂਦ ਨੂੰ ਤੇਜ਼ੀ ਨਾਲ ਵਿਕਟਾਂ 'ਤੇ ਸੁੱਟ ਸਕਾਂ। ਕਿਸਮਤ ਨਾਲ ਅੱਜ ਇਹ ਕੰਮ ਕਰ ਗਿਆ.ਅਫਰੀਦੀ ਸ਼ਾਨਦਾਰ ਲੈੱਗ ਸਪਿਨਰ ਹਨ।