ਅਸ਼ਵਿਨ ਦੀ ਪਤਨੀ ਨੇ ਕੀਤਾ ਖੁਲਾਸਾ, ਘਰ ਦੇ 10 ਮੈਂਬਰਾਂ ਦੀ ਰਿਪੋਰਟ ਆਈ ਸੀ ਕੋਰੋਨਾ ਪਾਜ਼ੇਟਿਵ

ਨਵੀਂ ਦਿੱਲੀ- ਭਾਰਤੀ ਆਫ ਸਪਿਨਰ ਰਵੀਚੰਦਰਨ ਅਸ਼ਵਿਨ ਦੀ ਪਤਨੀ ਪ੍ਰੀਤੀ ਨਾਰਾਇਣਨ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਉਸਦੇ ਪਰਿਵਾਰ ਦੇ 10 ਮੈਂਬਰ ਪਿਛਲੇ ਹਫਤੇ ਕੋਰੋਨਾ ਪਾਜ਼ੇਟਿਵ ਪਾਏ ਗਏ। ਦਿੱਲੀ ਕੈਪੀਟਲਸ ਦੇ ਸਪਿਨਰ ਅਸ਼ਵਿਨ ਨੇ ਕੋਰੋਨਾ ਨਾਲ ਜੂਝ ਰਹੇ ਪਰਿਵਾਰ ਦੀ ਸਹਾਇਤਾ ਦੇ ਲਈ ਐਤਵਾਰ ਨੂੰ ਆਈ. ਪੀ. ਐੱਲ. ਵਿਚਾਲੇ ਹੀ ਛੱਡਣ ਦਾ ਫੈਸਲਾ ਕੀਤਾ ਸੀ। ਪ੍ਰੀਤੀ ਨੇ ਟਵੀਟ 'ਚ ਦੱਸਿਆ ਕਿ ਉਸਦਾ ਪਰਿਵਾਰ ਕਿਹੜੇ ਹਾਲਾਤ 'ਚੋਂ ਲੰਘ ਰਿਹਾ ਹੈ।

ਇਹ ਖ਼ਬਰ ਪੜ੍ਹੋ- PBKS v RCB : ਪੂਰਨ ਚੌਥੀ ਵਾਰ '0' 'ਤੇ ਆਊਟ, ਬਣਾਇਆ ਇਹ ਅਜੀਬ ਰਿਕਾਰਡ

ਉਨ੍ਹਾਂ ਨੇ ਕਿਹਾ ਕਿ ਇਕ ਹੀ ਹਫਤੇ 'ਚ ਪਰਿਵਾਰ ਦੇ 6 ਵੱਡੇ ਅਤੇ ਚਾਰ ਬੱਚੇ ਪਾਜ਼ੇਟਿਵ ਹੋ ਗਏ। ਅਲੱਗ-ਅਲੱਗ ਹਸਪਤਾਲਾਂ 'ਚ ਸਾਰੇ ਦਾਖਲ ਸਨ। ਇਹ ਪੂਰਾ ਹਫਤਾ ਬਹੁਤ ਬੁਰਾ ਰਿਹਾ। ਤਿੰਨ 'ਚੋਂ ਇਕ ਪਰਿਵਾਰਕ ਮੈਂਬਰ ਘਰ ਆ ਗਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਟੀਕਾ ਲਗਵਾ ਲਓ। ਆਪਣੀ ਤੇ ਪਰਿਵਾਰ ਦੀ ਇਸ ਮਹਾਮਾਰੀ ਤੋਂ ਸੁਰੱਖਿਆ ਕਰੋ।

ਇਹ ਖ਼ਬਰ ਪੜ੍ਹੋ-  ਭਰੋਸਾ ਦਿਵਾਓ ਤਾਂ ਚਮਤਕਾਰ ਕਰ ਸਕਦੈ ਪ੍ਰਿਥਵੀ ਸ਼ਾਹ : ਪੰਤ

Feeling ok enough to croak a tiny hi to all of you.6 adults and 4 children ended up testing+ the same week,with our kids being the vehicles of transmission - the core of my family,all down with the virus in different homes/hospitals..Nightmare of a week.1 of 3 parents back home.

— Wear a mask. Take your vaccine. (@prithinarayanan) April 30, 2021

ਪ੍ਰੀਤੀ ਨੇ ਕਿਹਾ ਕਿ ਮਾਨਸਿਕ ਰੂਪ ਨਾਲ ਠੀਕ ਹੋਣ ਦੀ ਬਜਾਏ ਸਰੀਰਿਕ ਤੌਰ 'ਤੇ ਠੀਕ ਹੋਣਾ ਸੌਖਾ ਹੈ। 5ਵਾਂ ਅਤੇ 8ਵੇਂ ਦਿਨ ਸਭ ਤੋਂ ਖਰਾਬ ਸਮਾਂ ਸੀ। ਹਰ ਕੋਈ ਮਦਦ ਦੀ ਪੇਸ਼ਕਸ਼ ਕਰ ਰਿਹਾ ਸੀ ਪਰ ਕੋਈ ਮੇਰੇ ਕੋਲ ਨਹੀਂ ਸੀ। ਇਹ ਬੀਮਾਰੀ ਤੁਹਾਨੂੰ ਬਿਲਕੁਲ ਇਕੱਲਾ ਕਰ ਦਿੰਦੀ ਹੈ। 

ਨੋਟ- ਇਸ ਖ਼ਬਰ ਸਬੰਧੀ ਕਮੈਂਟ ਕਰਕੇ ਦਿਓ ਆਪਣੀ ਰਾਏ।