KKR vs RR, IPL 2024 : ਨਾਰਾਇਣ ਤੋਂ ਬਚਣਾ ਚਾਹੁਣਗੇ ਰਾਇਲਸ, ਪਿੱਚ ਰਿਪੋਰਟ, ਤੇ ਸੰਭਾਵਿਤ ਪਲੇਇੰਗ 11 ਵੀ ਦੇਖੋ
04/16/2024 12:08:49 PM
ਸਪੋਰਟਸ ਡੈਸਕ : ਕੋਲਕਾਤਾ ਨਾਈਟ ਰਾਈਡਰਜ਼ ਅਤੇ ਰਾਜਸਥਾਨ ਰਾਇਲਸ ਵਿਚਾਲੇ ਆਈਪੀਐੱਲ 2024 ਦਾ 31ਵਾਂ ਮੈਚ ਕੋਲਕਾਤਾ ਦੇ ਈਡਨ ਗਾਰਡਨ 'ਚ ਸ਼ਾਮ 7:30 ਵਜੇ ਤੋਂ ਖੇਡਿਆ ਜਾਵੇਗਾ। ਜਦੋਂ ਰਾਜਸਥਾਨ ਰਾਇਲਜ਼ ਇੱਥੇ ਦੋ ਵਾਰ ਦੀ ਚੈਂਪੀਅਨ ਕੇਕੇਆਰ ਨਾਲ ਭਿੜੇਗੀ ਤਾਂ ਉਸ ਦੇ ਬੱਲੇਬਾਜ਼ਾਂ ਕੋਲ ਸੁਨੀਲ ਨਾਰਾਇਣ ਦੀ ਗੇਂਦਬਾਜ਼ੀ ਦਾ ਜਵਾਬ ਲੱਭਣ ਦੀ ਚੁਣੌਤੀ ਹੋਵੇਗੀ। ਅਗਲੇ ਮਹੀਨੇ 36 ਸਾਲ ਦੇ ਹੋਣ ਜਾ ਰਹੇ ਨਰਾਇਣ ਨੇ 2012 ਅਤੇ 2014 ਵਿੱਚ ਸਾਬਕਾ ਕਪਤਾਨ ਗੌਤਮ ਗੰਭੀਰ ਦੀ ਅਗਵਾਈ ਵਿੱਚ ਕੇਕੇਆਰ ਦੀਆਂ ਦੋ ਖਿਤਾਬ ਜਿੱਤਾਂ ਵਿੱਚ ਅਹਿਮ ਭੂਮਿਕਾ ਨਿਭਾਈ ਸੀ।
ਸਾਲ 2012 ਵਿੱਚ ਨਾਈਟ ਰਾਈਡਰਜ਼ ਦਾ ਹਿੱਸਾ ਬਣਨ ਤੋਂ ਬਾਅਦ, ਨਾਰਾਇਣ ਨੇ ਈਡਨ ਗਾਰਡਨ ਵਿੱਚ ਆਪਣੀ ਗੇਂਦਬਾਜ਼ੀ ਨਾਲ ਵਿਰੋਧੀ ਬੱਲੇਬਾਜ਼ਾਂ ਨੂੰ ਕਾਫੀ ਪਰੇਸ਼ਾਨ ਕੀਤਾ ਹੈ। ਗੰਭੀਰ ਦੇ ਸਲਾਹਕਾਰ ਦੇ ਤੌਰ 'ਤੇ ਟੀਮ 'ਚ ਵਾਪਸੀ ਤੋਂ ਬਾਅਦ ਨਾਰਾਇਣ ਨੇ ਇਕ ਵਾਰ ਫਿਰ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਟੀਮ ਨੂੰ ਖਿਤਾਬ ਦੇ ਦਾਅਵੇਦਾਰਾਂ 'ਚ ਸ਼ਾਮਲ ਕੀਤਾ ਹੈ। ਜੇਕਰ ਕੇਕੇਆਰ ਟੇਬਲ ਦੀਆਂ ਚੋਟੀ ਦੀਆਂ ਦੋ ਟੀਮਾਂ ਵਿਚਕਾਰ ਇਹ ਮੈਚ ਜਿੱਤਦਾ ਹੈ, ਤਾਂ ਉਹ 10 ਟੀਮਾਂ ਦੇ ਅੰਕ ਸੂਚੀ ਵਿੱਚ ਸਿਖਰ 'ਤੇ ਪਹੁੰਚ ਜਾਵੇਗਾ।
ਹੈੱਡ ਟੂ ਹੈੱਡ
ਕੁੱਲ ਮੈਚ - 28
ਕੋਲਕਾਤਾ - 14 ਜਿੱਤਾਂ
ਰਾਜਸਥਾਨ - 13 ਜਿੱਤਾਂ
ਨੋਰਿਜ਼ਲਟ- ਇੱਕ
ਪਿੱਚ ਰਿਪੋਰਟ
ਨਮੀ ਮੰਗਲਵਾਰ ਨੂੰ ਖੇਡਣ ਦੀਆਂ ਸਥਿਤੀਆਂ ਨੂੰ ਪ੍ਰਭਾਵਿਤ ਕਰ ਸਕਦੀ ਹੈ। ਆਮ ਤੌਰ 'ਤੇ ਈਡਨ ਗਾਰਡਨ ਕੋਲਕਾਤਾ ਦੀ ਪਿੱਚ ਬੱਲੇਬਾਜ਼ਾਂ ਲਈ ਅਨੁਕੂਲ ਹੁੰਦੀ ਹੈ। ਹਾਲਾਂਕਿ ਮੌਸਮ ਦੇ ਕਾਰਨ ਇੱਕ ਅੰਤਰ ਹੋ ਸਕਦਾ ਹੈ। ਸਪਿਨਰਾਂ ਨੂੰ ਆਉਣ ਵਾਲੇ ਮੈਚ 'ਚ ਆਪਣੀ ਤਾਕਤ ਦਿਖਾਉਣ ਦਾ ਮੌਕਾ ਮਿਲ ਸਕਦਾ ਹੈ।
ਮੌਸਮ
ਕੋਲਕਾਤਾ ਵਿੱਚ ਮੰਗਲਵਾਰ ਸ਼ਾਮ ਨੂੰ ਮੌਸਮ ਸਾਫ਼ ਅਤੇ ਨਮੀ ਵਾਲਾ ਰਹੇਗਾ। ਮੀਂਹ ਦੀ ਸੰਭਾਵਨਾ ਸਿਰਫ਼ ਇੱਕ ਫ਼ੀਸਦੀ ਹੈ। ਹਾਲਾਂਕਿ ਨਮੀ 81 ਫੀਸਦੀ ਰਹੇਗੀ। ਘੱਟੋ-ਘੱਟ ਅਤੇ ਵੱਧ ਤੋਂ ਵੱਧ ਤਾਪਮਾਨ ਕ੍ਰਮਵਾਰ 27 ਅਤੇ 39 ਡਿਗਰੀ ਸੈਲਸੀਅਸ ਦੇ ਵਿਚਕਾਰ ਰਹੇਗਾ।
ਸੰਭਾਵਿਤ ਪਲੇਇੰਗ 11
ਕੋਲਕਾਤਾ ਨਾਈਟ ਰਾਈਡਰਜ਼: ਸੁਨੀਲ ਨਰਾਇਣ, ਨਿਤੀਸ਼ ਰਾਣਾ, ਵੈਂਕਟੇਸ਼ ਅਈਅਰ, ਫਿਲ ਸਾਲਟ (ਵਿਕਟਕੀਪਰ), ਰਿੰਕੂ ਸਿੰਘ, ਸ਼੍ਰੇਅਸ ਅਈਅਰ (ਕਪਤਾਨ), ਰਮਨਦੀਪ ਸਿੰਘ, ਵਰੁਣ ਚੱਕਰਵਰਤੀ, ਆਂਦਰੇ ਰਸਲ, ਮਿਸ਼ੇਲ ਸਟਾਰਕ, ਹਰਸ਼ਿਤ ਰਾਣਾ।
ਰਾਜਸਥਾਨ ਰਾਇਲਜ਼: ਰਿਆਨ ਪਰਾਗ, ਧਰੁਵ ਜੁਰੇਲ, ਸ਼ਿਮਰੋਨ ਹੇਟਮਾਇਰ, ਯਸ਼ਸਵੀ ਜੈਸਵਾਲ, ਜੋਸ ਬਟਲਰ, ਸੰਜੂ ਸੈਮਸਨ (ਕਪਤਾਨ ਅਤੇ ਵਿਕਟਕੀਪਰ), ਅਵੇਸ਼ ਖਾਨ, ਕੁਲਦੀਪ ਸੇਨ, ਯੁਜਵੇਂਦਰ ਚਾਹਲ, ਕੇਸ਼ਵ ਮਹਾਰਾਜ, ਟ੍ਰੇਂਟ ਬੋਲਟ।
