ਇਸ ਗੇਂਦਬਾਜ਼ ਨੇ ਵਿਕਟ ਲੈਣ ਤੋਂ ਬਾਅਦ ਇਸ ਅਨੋਖੇ ਤਰੀਕੇ ਨਾਲ ਮਨਾਇਆ ਜਸ਼ਨ (ਵੀਡੀਓ)
01/19/2020 3:38:23 PM
ਸਪੋਰਸਟ ਡੈਸਕ — ਵੈਸਟਇੰਡੀਜ਼ ਨੇ ਡਾਇਮੰਡ ਓਵਲ ਮੈਦਾਨ 'ਤੇ ਖੇਡੇ ਗਏ ਅੰਡਰ-19 ਵਿਸ਼ਵ ਕੱਪ ਦੇ ਆਪਣੇ ਪਹਿਲੇ ਮੈਚ 'ਚ ਤਿੰਨ ਵਾਰ ਦੀ ਚੈਂਪੀਅਨ ਆਸਟਰੇਲੀਆ ਨੂੰ 3 ਵਿਕਟਾਂ ਨਾਲ ਹਰਾ ਦਿੱਤਾ। ਵਿੰਡੀਜ਼ ਖਿਡਾਰੀ ਮੈਦਾਨ 'ਤੇ ਕ੍ਰਿਕਟ ਲਈ ਹੀ ਨਹੀਂ ਸਗੋਂ ਆਪਣੇ ਜਸ਼ਨ ਮਨਾਉਣ ਦੇ ਵੱਖ-ਵੱਖ ਤਰੀਕਿਆਂ ਲਈ ਵੀ ਜਾਣ ਜਾਂਦੇ ਹਨ। ਵਿੰਡੀਜ਼ ਟੀਮ ਦੇ ਕਈ ਖਿਡਾਰੀਆਂ ਨੇ ਆਪਣੇ ਅਨੋਖੇ ਜਸ਼ਨ ਮਨਾਉਣ ਦੇ ਤਰੀਕਿਆਂ ਨਾਲ ਕਾਫੀ ਸੁਰਖੀਆਂ ਹਾਸਲ ਕੀਤੀਆਂ ਹਨ। ਇਸ ਮੈਚ 'ਚ ਇਕ ਵਾਰ ਫਿਰ ਤੋਂ ਵੈਸਟਇੰਡੀਜ਼ ਦੇ ਖਿਡਾਰੀਆਂ ਦੇ ਅਜਬ-ਗਜ਼ਬ ਸੈਲੀਬ੍ਰੈਸ਼ਨ ਨੇ ਕ੍ਰਿਕਟ ਫੈਨਜ਼ ਦਾ ਧਿਆਨ ਆਪਣੇ ਵੱਲ ਖਿੱਚਿਆ।
ਅੰਤਰਰਾਸ਼ਟਰੀ ਕ੍ਰਿਕਟ 'ਚ ਵੈਸਟਇੰਡੀਜ਼ ਦੇ ਸੀਨੀਅਰ ਖਿਡਾਰੀ ਸ਼ੇਲਡਨ ਕਾਟਰੇਲ ਦਾ ਸੈਲਿਊਟ ਸੈਲੀਬ੍ਰੇਸ਼ਨ, ਕੇਸਰਿਕ ਵਿਲੀਅਮਸਨ ਦਾ ਨੋਟਬੁੱਕ ਸੈਲੀਬ੍ਰੇਸ਼ਨ ਸੁਰਖੀਆਂ 'ਚ ਰਿਹਾ ਹੈ, ਪਰ ਹੁਣ ਆਈ. ਸੀ. ਸੀ ਅੰਡਰ 19 ਵਰਲਡ ਕੱਪ 'ਚ ਵਿੰਡੀਜ਼ ਟੀਮ ਦੇ ਜੂਨੀਅਰ ਖਿਡਾਰੀ ਵੀ ਆਪਣੇ ਅਨੋਖੇ ਸੈਲੀਬ੍ਰੇਸ਼ਨ ਨਾਲ ਚਰਚਾ 'ਚ ਬਣਿਆ ਹੋਇਆ ਹੈ।
Jayden Seales loves a celebration!#U19CWC | #AUSvWI pic.twitter.com/BRMfKoVJYc
— Cricket World Cup (@cricketworldcup) January 18, 2020
ਮੈਚ ਦੇ 33ਵੇਂ ਓਵਰ 'ਚ ਵਿੰਡੀਜ਼ ਦੇ ਪੇਸਰ ਜੇਡਨ ਸੀਲਸ ਨੇ ਆਸਟਰੇਲੀਆਈ ਬੱਲੇਬਾਜ਼ ਪੈਟਰਿਕ ਰੋਵ ਨੂੰ ਕਪਤਾਨ ਕਿਮਾਨੀ ਮੇਲੀਅਸ ਦੇ ਹੱਥੋਂ ਕੈਚ ਆਊਟ ਕਰਵਾਇਆ। ਇਸ ਵਿਕਟ ਦੇ ਮਿਲਦੇ ਹੀ ਗੇਂਦਬਾਜ਼ ਨੇ ਪਹਿਲਾਂ ਮੈਦਾਨ ਦਾ ਇਕ ਚੱਕਰ ਲਗਾਇਆ ਅਤੇ ਇਸ ਦੌਰਾਨ ਜੇਡਨ ਸੀਲਸ ਦੇ ਸਾਥੀ ਗੇਂਦਬਾਜ਼ ਪਾਰਟਰਨ ਮੈਥਿਊ ਫੋਰਡੇ ਜ਼ਮੀਨ 'ਤੇ ਬੈਠ ਗਏ। ਸੀਲਸ ਨੇ ਆਪਣਾ ਪੈਰ ਮੈਥੀਊ ਦੀ ਥਾਈ 'ਤੇ ਰੱਖ ਦਿੱਤਾ। ਮੈਥਿਊ ਨੇ ਇਸ ਦੌਰਾਨ ਅਜਿਹੇ ਦਿਖਾਇਆ ਕਿ ਉਹ ਜੇਡਨ ਦਾ ਬੂਟ ਸਾਫ਼ ਕਰ ਰਹੇ ਹਨ। ਵੈਸਟਇੰਡੀਜ਼ ਦੇ ਇਨ੍ਹਾਂ ਦੋਵਾਂ ਖਿਡਾਰੀਆਂ ਦਾ ਇਹ ਸੈਲੀਬ੍ਰੇਸ਼ਨ ਕਾਫ਼ੀ ਅਨੋਖਾ ਸੀ, ਜਿਸਦੀ ਕ੍ਰਿਕਟ ਫੈਨਜ਼ ਰੱਜ ਕੇ ਚਰਚਾ ਕਰ ਰਹੇ ਹਨ। ਕ੍ਰਿਕਟ ਵਰਲਡ ਕੱਪ ਦੇ ਆਫਿਸ਼ੀਅਲ ਟਵਿਟਰ ਅਕਾਊਂਟ ਤੋਂ ਵੀ ਇਸ ਸੈਲੀਬ੍ਰੇਸ਼ਨ ਦੀ ਤਸਵੀਰ ਸ਼ੇਅਰ ਕੀਤੀ ਗਈ ਹੈ।
ਕ੍ਰਿਕਟ ਵਰਲਡ ਕੱਪ ਦੇ ਆਫਿਸ਼ੀਅਲ ਟਵਿਟਰ ਅਕਾਊਂਟ ਮੈਥਿਊ ਫੋਰਡੇ ਦੇ ਸੈਲਿਊਟ ਸੈਲੀਬ੍ਰੇਸ਼ਨ ਦੀ ਵੀਡੀਓ ਵੀ ਸ਼ੇਅਰ ਕੀਤਾ ਗਿਆ ਹੈ। ਇਸ ਵੀਡੀਓ 'ਚ ਸ਼ੈਲਡਨ ਕੋਟਰੇਲ ਅਤੇ ਮੈਥਿਊ ਫੋਰਡੇ ਦੋਵਾਂ ਦੇ ਸੈਲਿਊਟ ਸੈਲੀਬ੍ਰੇਸ਼ਨ ਨੂੰ ਦਿਖਾਇਆ ਗਿਆ ਹੈ।
Who did it best?#U19CWC | #FutureStars pic.twitter.com/0Tbvue9Vkl
— Cricket World Cup (@cricketworldcup) January 18, 2020