ਫੁੱਟਬਾਲਰ ਗੈਰੇਥ ਬੇਲ ਨੇ 111ਵਾਂ ਅੰਤਰਰਾਸ਼ਟਰੀ ਮੈਚ ਖੇਡ ਕੇ ਲਿਆ ਸੰਨਿਆਸ
Tuesday, Jan 10, 2023 - 02:38 PM (IST)
ਲਾਸ ਏਂਜਲਸ : ਵੇਲਜ਼ ਲਈ ਅੰਤਰਰਾਸ਼ਟਰੀ ਫੁੱਟਬਾਲ 'ਚ ਰਿਕਾਰਡ 41 ਗੋਲ ਕਰਨ ਤੋਂ ਬਾਅਦ ਗੈਰੇਥ ਬੇਲ 33 ਸਾਲ ਦੀ ਉਮਰ 'ਚ ਫੁੱਟਬਾਲ ਤੋਂ ਸੰਨਿਆਸ ਲੈ ਰਿਹਾ ਹੈ। ਬੇਲ ਦਾ ਆਖਰੀ ਅੰਤਰਰਾਸ਼ਟਰੀ ਮੈਚ 29 ਨਵੰਬਰ ਨੂੰ ਵਿਸ਼ਵ ਕੱਪ 'ਚ ਇੰਗਲੈਂਡ ਖਿਲਾਫ ਸੀ, ਜਿਸ 'ਚ ਟੀਮ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਇਹ ਬੈੱਲ ਦਾ 111ਵਾਂ ਅੰਤਰਰਾਸ਼ਟਰੀ ਮੈਚ ਸੀ।
ਬੇਲ ਨੇ ਸੋਮਵਾਰ ਨੂੰ ਇਕ ਬਿਆਨ 'ਚ ਕਿਹਾ, ''ਅੰਤਰਰਾਸ਼ਟਰੀ ਫੁੱਟਬਾਲ ਤੋਂ ਸੰਨਿਆਸ ਲੈਣ ਦਾ ਮੇਰਾ ਫੈਸਲਾ ਮੇਰੇ ਕਰੀਅਰ 'ਚ ਹੁਣ ਤੱਕ ਦੇ ਸਭ ਤੋਂ ਮੁਸ਼ਕਲ ਫੈਸਲਿਆਂ 'ਚੋਂ ਇਕ ਰਿਹਾ ਹੈ। ਉਸ ਨੇ ਕਿਹਾ ਕਿ ਅੰਤਰਰਾਸ਼ਟਰੀ ਮੰਚ 'ਤੇ ਮੇਰਾ ਸਫ਼ਰ ਅਜਿਹਾ ਹੈ ਜਿਸ ਨੇ ਨਾ ਸਿਰਫ਼ ਮੇਰੀ ਜ਼ਿੰਦਗੀ ਨੂੰ ਬਦਲਿਆ ਹੈ ਸਗੋਂ ਮੈਂ ਕੌਣ ਹਾਂ, ਇਹ ਵੀ ਤੈਅ ਕੀਤਾ। ਮੈਂ ਇਸ ਸ਼ਾਨਦਾਰ ਦੇਸ਼ ਦੇ ਇਤਿਹਾਸ ਵਿੱਚ ਇੱਕ ਭੂਮਿਕਾ ਨਿਭਾਉਣ ਲਈ ਸਨਮਾਨਿਤ ਅਤੇ ਨਿਮਰ ਹਾਂ।
ਬੇਲ ਨੇ ਕਿਹਾ ਕਿ ਉਹ ਕਲੱਬ ਫੁੱਟਬਾਲ ਤੋਂ ਵੀ ਸੰਨਿਆਸ ਲੈ ਰਿਹਾ ਹੈ। ਉਸਨੇ 53 ਪ੍ਰੀਮੀਅਰ ਲੀਗ ਗੋਲ ਅਤੇ 81 ਲਾ ਲੀਗਾ ਗੋਲ ਕੀਤੇ। ਪਿਛਲੇ ਸੀਜ਼ਨ ਵਿੱਚ, ਉਸਨੇ ਲਾਸ ਏਂਜਲਸ ਨੂੰ ਮੇਜਰ ਲੀਗ ਸੌਕਰ ਦਾ ਖਿਤਾਬ ਜਿੱਤਣ ਵਿੱਚ ਮਦਦ ਕੀਤੀ ਸੀ। ਬੇਲ ਨੇ 5 ਚੈਂਪੀਅਨਜ਼ ਲੀਗ ਖ਼ਿਤਾਬ, ਤਿੰਨ ਸਪੈਨਿਸ਼ ਲੀਗ ਖ਼ਿਤਾਬ, ਇੱਕ ਕੋਪਾ ਡੇਲ ਰੇ ਅਤੇ ਇੱਕ ਲੀਗ ਕੱਪ ਖ਼ਿਤਾਬ ਜਿੱਤਿਆ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
