ਅਟਵਾਲ ਚੌਥੇ ਦਿਨ ਸ਼ਾਨਦਾਰ ਪ੍ਰਦਰਸ਼ਨ ਕਰ ਸਾਂਝੇ ਤੌਰ 'ਤੇ 53ਵੇਂ ਸਥਾਨ 'ਤੇ ਰਹੇ

ਬਲੇਨ (ਅਮਰੀਕਾ)- ਭਾਰਤੀ ਗੋਲਫਰ ਅਰਜੁਨ ਅਟਵਾਲ ਇੱਥੇ 3 ਐੱਮ ਓਪਨ ਗੋਲਫ ਟੂਰਨਾਮੈਂਟ ਦੇ ਆਖਰੀ ਦਿਨ ਪੰਜ ਅੰਡਰ 66 ਦਾ ਸ਼ਾਨਦਾਰ ਕਾਰਡ ਖੇਡ ਕੇ ਸਾਂਝੇ ਤੌਰ 'ਤੇ 53ਵੇਂ ਸਥਾਨ 'ਤੇ ਰਹੇ। ਉਸ ਦਾ ਕੁੱਲ ਸਕੋਰ ਸੱਤ ਅੰਡਰ 281 ਰਿਹਾ। ਕੋਵਿਡ-19 ਮਹਾਮਾਰੀ ਦੇ ਵਿਚ ਫਿਰ ਤੋਂ ਗੋਲਫ ਪ੍ਰਤੀਯੋਗਿਤਾ ਦੇ ਸ਼ੁਰੂ ਹੋਣ ਤੋਂ ਬਾਅਦ ਅਟਵਾਲ ਦਾ ਇਹ ਦੂਜਾ ਟੂਰਨਾਮੈਂਟ ਹੈ। ਉਹ ਅਗਲੇ ਹਫਤੇ ਬਾਰਰਾਕੁਡਾ ਚੈਂਪੀਅਨਸ਼ਿਪ 'ਚ ਵੀ ਹਿੱਸਾ ਲੈਣਗੇ। ਮਾਈਕਲ ਥਾਮਸਨ ਨੇ 67 ਦਾ ਕਾਰਡ ਖੇਡਿਆ ਹੈ ਤੇ ਕੁੱਲ 19 ਅੰਡਰ ਦੇ ਸਕੋਰ ਨਾਲ ਟੂਰਨਾਮੈਂਟ ਦੇ ਜੇਤੂ ਬਣੇ। ਐਡਮ ਲੋਂਗ 17 ਅੰਡਰ ਦੇ ਸਕੋਰ ਨਾਲ ਦੂਜੇ ਸਥਾਨ 'ਤੇ ਰਹੇ।