ਸ਼ਿਵ ਸੈਨਾ ਆਗੂ ਦਾ ਟੋਲ ਪਲਾਜ਼ੇ 'ਤੇ ਹੰਗਾਮਾ! ਮਹਿਲਾ ਮੁਲਾਜ਼ਮ ਨੂੰ ਕੱਢੀਆਂ ਗਾਲ੍ਹਾ (ਵੀਡੀਓ)

ਲੁਧਿਆਣਾ (ਸ਼ਿਵਮ) : ਅੱਜ ਨੈਸ਼ਨਲ ਹਾਈਵੇਅ 'ਤੇ ਸਥਿਤ ਲਾਡੋਵਾਲ ਟੋਲ ਪਲਾਜ਼ਾ 'ਤੇ ਇੱਕ ਸ਼ਿਵ ਸੈਨਾ ਆਗੂ ਵੱਲੋਂ ਬਿਨਾਂ ਟੋਲ ਅਦਾ ਕੀਤੇ ਆਪਣੀ ਗੱਡੀ ਬਾਹਰ ਕੱਢਣ ਨੂੰ ਲੈ ਕੇ ਭਾਰੀ ਹੰਗਾਮਾ ਹੋ ਗਿਆ। ਇਸ ਦੌਰਾਨ ਉਕਤ ਸ਼ਿਵ ਸੈਨਾ ਆਗੂ ਨੇ ਮਹਿਲਾ ਮੁਲਾਜ਼ਮ ਨਾਲ ਇਤਰਾਜ਼ਯੋਗ ਵਤੀਰਾ ਕੀਤਾ ਤੇ ਗਾਲ੍ਹਾਂ ਵੀ ਕੱਢੀਆਂ।

ਔਰਤਾਂ ਲਈ ਯਾਤਰਾ ਕਰਨਾ ਹੋਵੇਗਾ ਆਸਾਨ, ਕੱਲ੍ਹ ਤੋਂ ਸ਼ੁਰੂ ਹੋ ਰਹੀ ਇਹ ਸਹੂਲਤ

ਮਿਲੀ ਜਾਣਕਾਰੀ ਮੁਤਾਬਕ ਉਕਤ ਸ਼ਿਵ ਸੈਨਾ ਆਗੂ ਨੇ ਟੋਲ ਪਲਾਜ਼ਾ 'ਤੇ ਬੈਠੀ ਮਹਿਲਾ ਕਰਮਚਾਰੀ ਨੂੰ ਆਪਣਾ ਸ਼ਿਵ ਸੈਨਾ ਆਈਡੀ ਕਾਰਡ ਦਿਖਾਇਆ ਅਤੇ ਕਿਹਾ ਕਿ ਉਸਨੂੰ ਬਿਨਾਂ ਟੋਲ ਅਦਾ ਕੀਤੇ ਇਸ ਟੋਲ ਪਲਾਜ਼ਾ ਤੋਂ ਬਾਹਰ ਕੱਢ ਦਿੱਤਾ ਜਾਵੇ। ਇਸ ਤੋਂ ਬਾਅਦ ਜਦੋਂ ਮਹਿਲਾ ਕਰਮਚਾਰੀਆਂ ਨੇ ਉਕਤ ਸ਼ਿਵ ਸੈਨਾ ਆਗੂ ਨੂੰ ਕਿਹਾ ਕਿ ਸਰਕਾਰ ਵੱਲੋਂ ਇਸ ਟੋਲ ਪਲਾਜ਼ਾ ਤੋਂ ਲੰਘਣ ਲਈ ਜਾਰੀ ਦਿਸ਼ਾ-ਨਿਰਦੇਸ਼ਾਂ ਦੇ ਆਧਾਰ 'ਤੇ ਤੁਸੀਂ ਟੋਲ ਦਾ ਭੁਗਤਾਨ ਕੀਤੇ ਬਿਨਾਂ ਇਸ ਟੋਲ ਪਲਾਜ਼ਾ ਤੋਂ ਨਹੀਂ ਲੰਘ ਸਕੋਗੇ, ਪਰ ਉਕਤ ਸ਼ਿਵ ਸੈਨਾ ਆਗੂ ਨੇ ਇਨ੍ਹਾਂ ਗੱਲਾਂ ਨੂੰ ਨਜ਼ਰਅੰਦਾਜ਼ ਕਰਕੇ ਟੋਲ ਪਲਾਜ਼ਾ 'ਤੇ ਹੰਗਾਮਾ ਕੀਤਾ। ਉਸ ਨੇ ਟੋਲ ਪਲਾਜ਼ਾ ਦੇ ਬੂਥ 'ਤੇ ਬੈਠੀ ਲੜਕੀ ਨਾਲ ਅਪਸ਼ਬਦ ਬੋਲੇ, ਜਿਸ ਤੋਂ ਬਾਅਦ ਉਕਤ ਸ਼ਿਵ ਸੈਨਾ ਆਗੂ ਨੇ ਟੋਲ 'ਤੇ ਲੱਗੇ ਬੂਮ ਨੂੰ ਧੱਕਾ ਦਿੱਤਾ ਅਤੇ ਬਿਨਾਂ ਟੋਲ ਦਾ ਭੁਗਤਾਨ ਕੀਤੇ ਆਪਣੀ ਗੱਡੀ ਟੋਲ ਪਲਾਜ਼ਾ ਤੋਂ ਬਾਹਰ ਕੱਢ ਲਈ ਅਤੇ ਉੱਥੋਂ ਚਲੇ ਗਏ। 

ਮਹਿਲਾ ਮਿੱਤਰ ਤੋਂ ਤੰਗ ਆ ਕੇ ਐੱਨ.ਆਰ.ਆਈ. ਨੇ ਚੁੱਕਿਆ ਖੌਫਨਾਕ ਕਦਮ...

ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਟੋਲ ਪਲਾਜ਼ਾ ਦੇ ਮੈਨੇਜਰ ਦੀਪੇਂਦਰ ਸਿੰਘ ਨੇ ਦੱਸਿਆ ਕਿ ਅੱਜ ਦੁਪਹਿਰ ਇੱਕ ਵਿਅਕਤੀ ਨੇ ਆਪਣੇ ਆਪ ਨੂੰ ਸ਼ਿਵ ਸੈਨਾ ਆਗੂ ਹੋਣ ਦਾ ਦਾਅਵਾ ਕਰਦੇ ਹੋਏ ਟੋਲ 'ਤੇ ਮੌਜੂਦ ਮਹਿਲਾ ਕਰਮਚਾਰੀ ਨਾਲ ਅਪਸ਼ਬਦ ਬੋਲਦੇ ਹੋਏ ਟੋਲ ਦਾ ਭੁਗਤਾਨ ਕੀਤੇ ਬਿਨਾਂ ਹੀ ਉਸਦੀ ਗੱਡੀ ਟੋਲ ਤੋਂ ਬਾਹਰ ਕੱਢ ਲਈ। ਉਨ੍ਹਾਂ ਕਿਹਾ ਕਿ ਜਿਨ੍ਹਾਂ ਲੋਕਾਂ ਨੂੰ ਸਰਕਾਰ ਵੱਲੋਂ ਟੋਲ ਪਲਾਜ਼ਾ ਭੁਗਤਾਨ ਤੋਂ ਬਿਨਾਂ ਲੰਘਣ ਦੀ ਆਗਿਆ ਹੈ, ਉਨ੍ਹਾਂ ਨੂੰ ਬਿਨਾਂ ਟੋਲ ਅਦਾ ਕੀਤੇ ਲੰਘਣ ਦੇ ਹੁਕਮ ਜਾਰੀ ਕੀਤੇ ਗਏ ਹਨ। ਅਸੀਂ ਡਰਾਈਵਰਾਂ ਨੂੰ ਟੋਲ ਤੋਂ ਬਿਨਾਂ ਟੋਲ ਤੋਂ ਲੰਘਣ ਵਿੱਚ ਮਦਦ ਕਰਦੇ ਹਾਂ, ਪਰ ਉਕਤ ਸ਼ਿਵ ਸੈਨਿਕ ਨੇ ਗਾਲੀ-ਗਲੋਚ ਕਰਦਿਆਂ ਟੋਲ ਪਲਾਜ਼ਾ ਤੋਂ ਬਿਨਾਂ ਟੋਲ ਦਾ ਭੁਗਤਾਨ ਕੀਤੇ ਆਪਣੀ ਗੱਡੀ ਭਜਾ ਦਿੱਤੀ ਅਤੇ ਟੋਲ ਪਲਾਜ਼ਾ 'ਤੇ ਬੈਠੀ ਕੁੜੀ ਨਾਲ ਭੱਦੀ ਭਾਸ਼ਾ ਦੀ ਵਰਤੋਂ ਕੀਤੀ। ਉਨ੍ਹਾਂ ਦੱਸਿਆ ਕਿ ਇਸ ਸਬੰਧੀ ਟੋਲ ਪਲਾਜ਼ਾ ਵੱਲੋਂ ਲਾਡੋਵਾਲ ਥਾਣੇ ਵਿੱਚ ਸ਼ਿਕਾਇਤ ਦਰਜ ਕਰਵਾਈ ਗਈ ਹੈ ਅਤੇ ਪੁਲਸ ਅਧਿਕਾਰੀਆਂ ਵੱਲੋਂ ਅਗਲੇਰੀ ਕਾਰਵਾਈ ਕੀਤੀ ਜਾ ਰਹੀ ਹੈ।

ਏਜੰਟਾਂ ਦੇ ਧੱਕੇ ਚੜ੍ਹੇ ਦੋ ਪੰਜਾਬੀਆਂ ਦੀ ਘਰ ਵਾਪਸੀ, ਕੁਵੈਤ ਭੇਜਣ ਦੀ ਥਾਂ ਭੇਜ'ਤਾ ਇਰਾਕ
 

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8