ਡਿੱਗੀ ’ਚ ਡੁੱਬਣ ਕਾਰਨ ਨੌਜਵਾਨ ਦੀ ਮੌਤ

ਸੰਗਤ ਮੰਡੀ(ਮਨਜੀਤ)-ਪਿੰਡ ਮੁਹਾਲਾਂ ਤੋਂ ਧੁੰਨੀ ਕੇ ਲਿੰਕ ਰੋਡ ’ਤੇ ਬੀਤੀ ਸ਼ਾਮ ਝੋਨਾ ਲਾਉਣ ਆਏ ਨੌਜਵਾਨ ਦੀ ਕਿਸਾਨ ਵੱਲੋਂ ਖ਼ੇਤ ’ਚ ਪੁੱਟੀ ਡਿੱਗੀ ’ਚ ਨਹਾਉਣ ਦੌਰਾਨ ਡੁੱਬਣ ਕਾਰਨ ਮੌਤ ਹੋ ਗਈ। ਜਾਣਕਾਰੀ ਅਨੁਸਾਰ ਪਿੰਡ ਮੁਹਾਲਾਂ ਦੇ ਕਿਸਾਨ ਜਗਜੀਤ ਸਿੰਘ ਪੁੱਤਰ ਨਾਜਰ ਸਿੰਘ ਦੇ ਸਹੁਰਾ ਪਰਿਵਾਰ ਤੋਂ  ਕਾਲੀ (17) ਵਾਸੀ  ਟਾਹਲੀ ਵਾਲਾ ਜੱਟਾਂ (ਫਾਜ਼ਿਲਕਾ) ਆਪਣੇ ਪਰਿਵਾਰਕ ਮੈਂਬਰਾਂ ਸਮੇਤ ਝੋਨਾ ਲਾਉਣ ਆਇਆ ਹੋਇਆ ਸੀ। ਬੀਤੀ ਸ਼ਾਮ ਝੋਨਾ ਲਾਉਣ ਤੋਂ ਬਾਅਦ ਗਰਮੀ ਤੋਂ ਰਾਹਤ ਪਾਉਣ ਲਈ ਚਾਰ ਵਿਅਕਤੀ ਕਿਸਾਨ ਦੇ ਖ਼ੇਤ ’ਚ ਪਾਣੀ ਸਟੋਰ ਕਰਨ ਵਾਲੇ ਡਿੱਗੀ ’ਚ ਨਹਾਉਣ ਚਲੇ ਗਏ ਜਿਥੇ ਕਾਲੀ ਦੀ ਪਾਣੀ ’ਚ ਡੁੱਬਣ ਕਾਰਨ ਮੌਤ ਹੋ ਗਈ। ਪੁਲਸ ਵੱਲੋਂ ਪਰਿਵਾਰਕ ਮੈਂਬਰਾਂ ਦੇ ਬਿਆਨਾਂ ’ਤੇ 174 ਦੀ ਕਾਰਵਾਈ ਕਰਦਿਆਂ ਲਾਸ਼ ਵਾਰਸਾਂ ਨੂੰ ਸੌਂਪ ਦਿੱਤੀ ਹੈ।